كرونيك: ❤بعته_شرفي❤«بيرم&مانيسا»

3

الحلقة الثالثة
لي قاعد يقرا يعمل جام بش نعرف الي انتوما تبعو 👍👍👍
خلاتو وخرجت تجري كيف المهبولة ،بش دبر هل الفلوس المحنونين الوقت يزرب فيها و معادش بكري عليها ،،،لازمها تشوف حل باي طريقة ،،،،،،،،،، هيا هكاك خارجة من باب السبيطار،و تتسطع في مرا لين جابتها مفروشة ،،،،،،،المرا قامت تصيح :ووو يا ميمتي متراش ياخي ؟؟؟؟؟؟؟ مانيسا عينيها وساعو ،خافت لا تكون صارتلها حاجة : سمحني سمحني والله ما ريتك ،،،،،،،،،المرا :لا ظاهرة مشفتنيش تمشي من غير عينين انتي ،،،عظامي شوية لا تكسرت ،،،،،،،،مانيسا قربتلها تقوم فيها :الله غالب والله مخي مش فوقي ،تحكي و تتفقد فيها ،،،،المرا قامت :الكلنا مخنا مش فوقنا مالا ندهمو علا العباد كيف التركتور ؟؟؟مانيسا :سمحني يا مدام والله لا نقصدها ،،،،،،المرا :السماح هوما يتحاورو هكاك ،،،،و تجي الفرملية ،،،لمانيسا(هاذي تعرفها كانت جارتهم قبل ) :مانيسا حاول دبر فيسع هل 20 مليون بش تنقذ طاطا ليلي،،،مانيسا عينيها تملاو بالدموع :هاني بش نحاول يا وخيتي ،،،،الفرملية :ان شاء الله تلقا نخليك تو ،،،،،،قالتلها هكاك و طبطبت علا كتفها و مشات ،،،،،،،،مانيسا تلفتت للمرا :،،نستأذنك تو مدام و سمحني مرا اخري ،،و دارت خارجة ،المرا :كان تحب نجم نعاونك بش دبر 20 مليون ،،،،،،مانيسا،تلفتتلها عينيها لمعو مالفرحة ،،،،،تسأل فيها بيهم كيفاش ؟؟؟ مستعدة تعمل المستحيل بش تجيبهم ،،،المرا : ترقد مع واحد من كليوناتي دبرهم في ليلة ،،،ريتاج تصدمت صحيح مستعدة تعمل المستحيل لاكن مش لدرجة انها تبيع روحها ،، وجهها حمار و جاوبتها طول مغير متخمم : هاي يا مدام منيش من النوع هاكا راني ،،،،المرا :كلهم قالو كيفك مالاول ،،لاكن الظروف و هم الدنيا خلاهم هكاك ،،،،،،،،مانيسا :مهما صار انا مستحيل نعمل هكاك ،،،،،و خلاتها و خرجت ،،،المرا خلطت عليها ،،،،،،،،جبدتها من مرفقها :كان بدلت رايك هاو نومرويا ،،،، حطتهولها في يدها ،،،،،،،و مشات ،،،،،مانيسا بقات تخزر للنومرو جات بش تقطعو و بعد تفكرت امها ،،،،و العملية ،،،هزتو و مشات ، قعدت فل الجردة متع السبيطار ،،حطتو قدامها و بقات تثبت فيه ،،،،،،هذا اخر حل عندها ؟؟؟ تبيع روحها علا جرد ملاين ؟؟؟ مفماش طريقة اخري تجيب بيها هل الفلوس؟؟؟ مخها بش يتحرق ، ملقات شكون يعاونها ،،،اماليها و احبابها تخلاو عليها ،،،،،وقت الشدة ،،،،،،حتا خدمة شريفة ملقاتش و ،،حتا كان موجودة مستحيل تنجم تدبر منها 20 مليون ،،،هزت روحا و رجعت للسيبطار ،،، حبت تشوف ميمتها ،، قبل متمشي تحرك علا هل الفلوس ،،وصلتلها منجمتش تدخللها خاطرها في العناية المركزة،،قعدت تخزرلها مالبلار ،،،حالتها سيئة جدا كان متزربش روحها علا هل الفلوس ،، يمكن تخسرها هكاك و تفكرت وقت قالتلها : كي طيح بيك الدنيا رد بالك تمشي للحرام !!!!! دموعها هبطو كيف خطرت علا بالها هل الجملة ،،،،شبش تعمل مالا ؟؟؟؟ مبقالها كان الحرام بش تنقذك ،،،معندها حتا حل انها ،،،تندرج فيه،،،،،لفتت وجهها عليها و جبدت النومرو ،،و طلبت المرا ،،،،،هزت عليها :موافقة علي طلبتو مني ،،،،،،،المرا :اكي تو نبعثلك العنوان عرض أقل