كرونيك : ❤ابن_خالتي_❤محمد ♡رحمة ❤

الجزء الثاني ،،، الحلقة 26 ابن خالتي

الجزء الثاني ،،، الحلقة 26 ابن خالتي ،،، رحمة & محمد ‏،،، متكية المخدة تبلت بدموعهاا ‏ درصاف بجنبها تلعب على شعرهاا ،،،، يزي رحمة عيش اختي علاه تعذبي في روحك ،،،، نرمال هوا خوك يقرر وحدو وزيد يفرض قرارو عليك علاه اش عملت باش يتفرعس عرسي هكاا نهاار حنة وفيسع كتبان صداق ونروح وزيد مغير لا حجامة لا روبة ولا حتى شي،،رحمة انتي تعرفيه من قبل حمة خويا كيفاه طبيعتو وانا عارفة الي في عيشتك معاه باش تتعذبي من جرة احكاامو ،،،، تبسمت المهم نحبو ،،، ههههه صحيتي اضحكيي حتى هوا يحبك والله ان شاء الله بعد ماا تولي مرتوو يعوضلك ،،، ،، محمد في فرشو يتقلب مجااهش النوم ولاا حب يجيه ،، شكون منية وكيفااه صارت الحكاية الكل اكيد ساارة والا اسيا عندهم دخل ف الحكااية اما والله الما نشدهم واحد واحد و نربيهم على ايدي ،،، دخلت مبروكة ،،،،ا محمد علاه اك الكوجينة هكاكة علااه الطفلة مسكينة ماا يكفيهاش الي عملتو والي باش تعملو فيها ما يكفيااش عرسهاا الي باش تفسدو علاه الماعون الكل هكااكة ،،،، امي يعيشك غدوة تو نعيط اشري ماعون اخر تو خليني راايض مخي مش فوقي ،،،، شبيك مخك موش فوقك اه حكااية صغيرة وحدك تكبر فيهاا تضرب الطفلة وتعيط و قريب باش تبطل العرس مسكينة رحمة هيا الوحيدة الضحية ف الحكااية ،،،، امي يعيشك (قام وبدا يصيح ) نعرف الي رحمة خاطيها والي هيا شريفة عفيفة امااا كان اناا نقول هكاا الناس ما ترحمش والي يشوفهاا اخر مش باش يقول هكاا امي طفلة صبيه نهاار حنتهاا في نص الليل مع راجل في الزنقة وين يركشو الجمااعة وفي الظلمة ،، قلي انسان يشوف هكاا اش يمشي في بالو اه انا هذاكا الي عندي غدوة بقدرة ربي على الصباح تلبس الي تلبس جبة بيجاماا ،، و نكتبو الصداق و تروح لا نحب لا حس لا غناء لا حتى شي ،،،،، يا ولدي يهديك باش تفضحنا قدام الناس علاش باش تعمل في روحك وفالطفلة هكاا حراام عليك ،،،، امي هذا اخر كلامي اخرجي وسكري الباب وراك ،،، ربي يهديك ،،، الوو ،،،، وي ،،، اسياا راهو "..........." ،،، ماا اغتصبتهااش ؟؟ ،،، لا منجمتش ،،، الله لا تربحك فاقو بيك ،،،،تي لا ماهو قتلك محمد الرايس والجماعة الي يشربو شلقو بيا و صار الي صار ،،،،معنتهاا رحمة للتو ما تمستش وباش يكون اول واحد في حيااتها محمد الرايس الله يهلكك ضارب 2 ملاين باش تقلهم كلمتين وتهرب اه ،،،،، تي كيفاه باش نعمل ع الاقل تعاركو وضربها الطفلة قدامي ،،،، الله لا تربحك ما تعرف تعمل شي ،،، اسياا خايف محمد الرايس ضربني وسيبني قلي روح وقتلي حاجتي بيك تو نجيبك اش معنتها خايف لا (قصت عليه ) ،، ان شاء الله يقتلك و والله تنطق بكلمة الما نباصيك ونقلهم يكذب ،،،،، صبااح جديد واقف قدام المراية يريقل في شعرو ،،،لبس لبسة عادية سروال نوار ومريول ابيض سبادري ابيض و خرج ،،، صباح الخير امي ،،، صباح الخير ،،، امشي لخالتي وبنتها قلهم يحضرو رواحهم العدل جاي بعد شوي ،،،فيسع ياخي تو 10 متاع الصباح مزال بكري ووين باش تكتب الصداق ،،، هناا ف الدار ،،،باهي هاني ماشية ‏،،،، في بيت رحمة سعاد لبستهاا روبة حمراء مزيانة وفولاره حمراء و فوقهم سفساري ،،تبوس فيها وتعاود كأنهاا باش تساافر و تخليها ،،، ورررررررري زغرطت درصاف ياخي قرصتها امهاا ،،، اسكتي خوك منبه علينا ،،، على كيفو هواا لا يكفي العرس فرعسو اول مرة نشوف حنة فالليل وكتبان صداق ف النهار وزيد حتى التزغريت ما نزغرطوش ،،،،اياا رحمة بنتي العدل جاا هياا ،،،، يمشو ورااها ساكتين ،،، اماا هيا دموعهاا كانو هاابطين كيف الشتاء ،،، محمد كان قاعد فالصالة هوا والعدل مطبس رااسو مهموم يخمم وقلتي دخلتهاا سعاد و مبروكة ،،، وينهم الشهود ،،، دخلو3 رجال كبارات الحومة ومعاهم بو رحمة ،،،، رحمة بنت علي بن صالح عمار هل تقبلين الزواج ب محمد بن عمار بن يوسف الرايس زوجا لك على سنة الله ورسوله ،،،، تنهدت الاحلام الكل والذكريات مرت ما بين عينيهاا تبسم ودموعها هابطين ،،، اقبل ،،، هل تقبلين ،،، اقبل ،.، هل تقبلين اقبل ،،،، صححيلي هناا اياا بنتي ،، هزت الستيلو ايدها ترعش يخزر لايديهاا الصغار كيفاه الحنة مزينتهمم ،،، محمد بن عمار بن يوسف الرايس هل تقبل الزواج ب رحمة بنت علي بن صالح عمار ،،،، تبسم قالها بكل رجولة بصوت خشين ،،، اقبل ،،، هل تقبل ،،اقبل ،، اعيد هل تقبل ،،، اقبل ،،، ايا صححلي هناا ولدي ،،،،،، الان اعلنكما زوجا وزوجة على سنة الله ورسوله ،،، سمعتهم درصاف من وراا الباب وزغرتت ورررررررررري وررررري ،،،تبسمت مبروكة وهبطت من عيونهاا دموع الفرحة فرحة الام في عرس ولدهاا ،،،