《شوفي من لخر يا تلبسي قشك وتهبطي كي الفحلة ولا نا نطلع لداركم نخرجك والحارة كلما تعرف ونوضو العيران ونتي جايا جايا معايا غير مكلاه》
هو بعثلها هك هي جنت منو قعد نص ساعة يستنى زاد عيطلها كوبات هبط طبطب على الباب
أم سلمى: او يطبطب خير ان شاء الله فالوقت هذا خلي نروح نشوف شكون
(سلمى ماتت بالروعة راحت لباب تجري قبل ماماها)
سلمى:دوك نفتح انا تراه ونشوف شكون لاحت خمارها على راسها وفتحت لقاتو ليث واقف طول ومن نيتو راح تعرف امها بلي رجع
ليث:تعرفيني بلي كي نهدر ني ندير ازربي روحي لبسي وني نستنا والله متجيش غير نقعد نعيط وسط الكارتي
سلمى : اووووف مني اوووف كرهتلي حياتي افهم انا فت حكايتك بكري ومبقا والو بيناتنا متحتمش عليا
ليث : مدام هك خلاص مالة خليني نفوت نحكي مع ماماك ونتفاهمو بيان خلاص
سلمى :اوووف منك اوووف دقيقة نلبس ونجي
ليث :صحيتي الفحلة وفي عينيه نظرة انتصار 😎
أم سلمى :شكون اسلمى واش بيك تهدر هك بلعقل
سلمى:لا اي طاطة فتيحة بعثت طفل صغير قاتلي راي تعبانة شوي نروح نقعد عندها ونقيسلها لاطونسيون وبلاك نبات عندها المهم هاني نعيطلك ونطمنك على حالتها زيها تعبت شوي
أم سلمى: ايييه المسكينة اجري روحي عندها شوي ونلحقك نطل عليها ونجيبلها لقمة تاكلها باين اي مقدرتش تطيب ياخي تعرفيها كي تطيح
سلمى : لاااااا مكلاه تجي دوك انا نعيطلك ونطمنك عليها متقلقيش روحك باين طونسيون خفيفة برك
أم سلمى: مستحيل نتي ازربي روحي متطوليش عليها
(لبست سلمى حجابها وباين قش برا زربت خرجت بلا ما تولهلها امها وهبطت عند ليث ترخسو )
ليث:تعجبيني كي تسمعي الهدرة اركبي ازربي وفتحلها باب الطاكسي
سلمى :اسمع ماما راي رايحة درك بعد عند طاطة فتيحة ومتلقانيش واش نقلها اوووف منك نكرهك كرهتلي حياتي حطمتها ومزال تحب تزيد تخربها
ليث:أحسن ما درتي خليها تروح بلاك تقنعها بسك والله تعبت بزاف من الوضع هذا
سلمى بكل قلقة :ايييه تعبت لا ومن حقك تتعب ثاني نتا نسيت بلي نتا لي درت هك بروحك اذا تحلبي نفكرك كيفاه كنا نحبوك ونعزوك قبل ما
(سكتها ليث وديمارا بالطاكسي بأقصى سرعة )
سلمى:خلاص ليث كالمي روحك بلعقل برك راك طيارة نقص لافيتاس مش هك حبس خلي نهدرو لييييث
ليث: شوفي او واحد ما علابالو واش تحملت علاه محبيتوش تفهمو كنت مجبووووور مجبووووور
سلمى:واش هي الحاجة لي خلاتك مجبور هك كامل
ليث:عيطولي فالجيش وكان لازم نروح وبلا واحد ميعرف زعما نا في رايك كان عاجبني الحل مخليك في نهار عرسنا اجمل نهار في حياتي لي ستنيتو من عوام ورحت ست سنين مشفتش عايلتي جاتك حاجة عندي سلمى انا مش حجر افهمو كان لازم ندير هك باش نفككم ونخرجكم من الوضع المزري لي كنا فيه مي هوما مبعثولكم والو كنت حاسب راهم يلحقوكم دراهم وراهم يحميو فيكم مي مفهمتش لاه دارو هك وني راح نتفاهم معاهم مليح افهمييي
YOU ARE READING
سأصل ولن تكسرني(باللهجة الجزائرية)
Short Storyالسلام عليكم 🌻 هي قصة مقتبسة من قصة حقيقية مع الكثير من التغيير تحكي عن فتاة قوية حاربت الصعاب لبلوغ حلمها انسانة طموحة تكره الرجال ولا تريد الزواج ولاكن القدر يأبى إلا أن تتزوج بشخص تكره شخص بارد عنيد قاسي القلب لا بقبل الخطأ محب للعمل مخلص وفي...
