فصليتي ولكن الظروف.....

البارت الخامس عشر

اسيل

طلعت بره ورديت عليه....الو

رد المتصل وكال.....اسيل مو؟؟

.....اي نعم بس منو انت وشجابه هذا الموبايل عندك

كال بضحكة.....ها اسولتي ماعرفتيني اني معتز

......يا ههه معتز والله خوفتني داكول منين تعرفني

معتز.....اي قبل شهر لكيت هذا الموبايل بالمركز ناسيته وصار شكد اريد اخابرج ويطلعلي شغل

......خوش والله زين بس شلون اريده؟

معتز......ليش متجين لهنا

.....لا والله مااكدر او بالاحرى مااعرف على كلا اشوف اذا اكدر اجي لان حيل مهم بي شغلات كومة
انت خوما فتحته؟؟!

معتز....لا ههه وين مافتحته وحتى اذا مكدرتي اني احجز للعراق واجيج بس كوليلي

......وكي يلا مع السلامة

متعز.....الله وياج حبيبتي

سديت الموبايل مستغربة كلت ويه نفسي.....هذا كال حبيبتي؟!

سمعت صوت سيروان ورايه يكول....منو كال حبيبتي

......هاا محد

صاح بحدة......اسيييل

ابستمت بخبث.....سيدي بطل علينا كلاواتك ميمشن وداعتك ع اساس ما اعرفك معجب بزهراء

خزرني بسرعة وكال.....انجبي فضيحة ابتليت خوما ابتليت

ضحكت وكلتله......اريد احجز لروسيا كم شغلة نسيتها هناك كولش مهمات

استغرب وكال....وهسه تذكرتي

تأفأفت بانزعاج.....يووو سيروان داكولك نسيت شلون حرام انسى اريد اروح هسه

سيروان......احجزلج بس اسكتي
ها تعالي تروحين وحدج؟

.....لتخاف اختك سبعة ميحتاج

سيروان.....هو اني مخايف عليج خايف على اللي يشوفج يموع ويتسردح

رفعت حاجبي بغرور ونفخت نفسي......اي اعرف هلكد حلوة اني ميحتاج تكول

ضحك وضربني بخفة.....طاح حظج اي والله هسه اخابر صديقي يشتغل بالمطار يحجزلج عكب باجر

صعد الدرج وصحتله.....سرك ببير خوية وداعتي

ضحك وصاح......فديتج حبيبتي

طبعا عمو امير فتحله غرفة جديدة اليوم الظهر
اندك الباب وعرفتهم نرجس وصوفي وعباس ردت اطلع صاحلي صفوان.....وييين

باوعتله وحجيت.....ها مو غير الباب كاعد تندك

كال بعصبية.....عسى ماتنهجم ماتطلع حرمة تفتحه فااااهمه؟

عصبيته نااار فورا دخلت للبيت هذا شبي واذا طلعت يعني شيصير كفرت خوما كفرت دخلت كعدت ع الدرج ضايجه من تصرفه