إنطفاء نجمة
للكاتبة : Hawraa
وحق عَيونك الحِلوات
وداعَت كَل رمش بيهن
طيَوفك من يجن بلِيل
افز من نومي احَاچيهن...
....................
ترف....
احس جسمي ثلج من التوتر، اردف كمال
... ونعم الاخت انتي صدك اتشرف بيج، امانة الله احسبج اعز من اختي الحقيقية
غمضت عيوني بقسوة، وحجيت مُصرة بجدية
... كمال افهم اني اختك من ابوك وامك!!
سكت شوية، وكال
... شبيج ترف شنو اختي من ابوي وامي هو اني ابوية مشايفة هههههه
تنهدت واني اضغط على قبضة ايدي
... باوع كمال صحيح راح تضوج لان ماكتلك من البداية بس صدكني جنت خايفة لترفضني لأنك اول وآخر شخص من اهلي قريب مني
كال بنتر
... ترف لتخبليني ماعندي اخت اني وحدة وماتت والثانية ما اعتبرها اختي نسخة من امها.
حجيت بترجي
... اسمعني راح احجيلك من البداية بس لتعصب
... شتحجيننن؟
اخذت نفس عميق وزفرتة، واردفت
... كمال اسمع للآخير ، ولتقاطعني انت ابوك اسمة رائد وامك الي هي امي على اساس هي نفسها الي تركتني بالگماط ، واخذتك وسافرت ويا حبيبها بهاي الفترة اني تربيت بأيد خدامات ماعرفت شنو معنى حنان او ام ابوي جنت طفلة يكلي امج انهزمت ويا صاحبها واني جنت مصرة انو اللتقي بيها لحد ما فقدت الامل من شفتها رافضتني وتريد تشمرني بالشارع
قاطعني ممستوعب
... ترف.
كتل بحرگة
... خلي اكمل ، ابوي اصلا ميريدني بس ميكدر يذبني تدري هو سياسي فاسد عندة القتل شي طبيعي وعندة قصور وفلل ومعارض وشركات
مسحت دمعتي، وكملت
... كمال اني ماعشت طفولة مثلك، اني هم انحرمت من ابسط الاشياء العادية عند الاطفال اني مافديوم غفيت بحضن ام بي حنية اني الي كضيت عمري اعثر واكوم وحدي
كال بصوت مبحوح
... اذا كلامج صدك شلون أتاكد منة؟ وشلون عرفتيني ووصلتيلي ترا راح اتخبل؟!!
... مرة لكيت امك مراسلة ابوي على مودي وهي رفضتني بكل بساطة بوقتها، اخذت صفحتها حتى اشوف شكلها لان عندي فضول تجاهها ولكيتك من ضمن اصدقائها صرت كبالي وحسيت بشي غريب من عرفت انو انت اخوي وشفت شكلك شلون مبين انسان طيب فرحت لان عندي اخ واني اتحسر على هاي الكلمة طول عمري
ضل ساكت، واني كملت طلعت كل الكبت الي بداخلي
... اذا جنت تريد تتأكد من صحة كلامي اسئال امك منو ترف؟ اذا شفت وجهها تغير وملامحها انقرفت من إنذكر اسمي معناها كلامي صحيح
... مم مددا اا استوعب!
... اسئلها، كوللها ليش ضمتني عنك
كال بغصة وصوتة مبحوح
... تمام
VOUS LISEZ
إنطفاء نجمة
Roman d'amourأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
