نبأ/ خلصت شهرين عاديه مابيهن شي وقربت الامتحانات بعد شهر ودخلنه دروس خصوصيه اني وفاطمه وبنين لجنه كولشي سوه كولشي نتفق عليه سوه حته الجامعه ندخلهه سوه نفس الاختصاص اليوم جمعه اجه الخط ياخذني
اني والبنات لكيتهن موجودات سلمت عليهن وعلى ابو سامي (ابو الخط)ويانه بعد بنيه موكلش صديقتنه يعني على كد السلام والدروس بس اليوم مجايه
بنين / ولجن احسب ساعه ساعه علمود هذا الدرس كلش احب الإنكليزي
فاطمه/ بنوش علينه ذني السوالف اتحبين الإنكليزي لو ابو الإنكليزي
نبأ/ اي والله أنوب ياريته حلو
بنين / انجبن اي علموده غير حلقوم ينگرط گرط وعلي ايخبل
فاطمه/ للمعلومه تره الحلقوم مينگرط ينوكل اكل عيني ام الحلقوم
نبأ/ هههههه اي والله فطوم كلامج صحامشي يله ام الحلقوم خلصنه هاي الايام كلهه دراسه وتعب حتجي امتحان الوزاري اليوم بديت الامتحانات وحتى نوم ماكو وخطيه نور حتى متخليني اشتغل ونروح اني والبنات سوه ومرامتحان وومتحانين اتلاثه والامتحان القبل الاخير يوم الخميس كمله الامتحان ورجعنه وصلته البنات وبقيت بس اني تعبانه وخاله راسي علجامه وصافنه
وماحس اله على صوت الهورنات والسيارة فترت ترديد افهم شكو ماكدت بلحضه صار كل هذا
علي/ مرت هاي الاشهر عاديه بين الدوام والبيت والطلعات وي الولد وبيوم اجانا انذار وبقينه اتلث تيام داخلين انذار وحتى نوم ماكو وكلش تعبانين ونعسانين خلص الانذار وجيت ارجع ومهدي كلي لاترجع انته نعسان اشون اتسوق كتله لتخاف عليه هيه نص ساعه واوصل لا تصير جبان
مهدي/ علاوي فدوه اروحلك زين ارجع بتكسي اني بالنسبه الي راح ارجع بتكسي
علي / اهووو أنه تعبان ونعسان وطايح حضي مالي خلگك أنه رايح مهدي / بكيفك بعد
علي / طلعت اسوق وشغلت اغنيه علمود مانام صفنت اشويه وماحس غير سياره صارت اكبالي اريد اوخر ماكو دكيت هورن مالحگت انصدمت سياراتنه أنه ارگع راسي حيل بحيث دخت واحس حراره تنزل على وجهي طلع دم
نزلت بسرعه للسياره الدعمتهه سيارتهم جانت حيل متأذيه ( خطيه كسرت خاطري السياره 😂) سيارتي هم متأذيه بس مو مثلهم اباوع للسائق رجال جبير حيل متأذي أو وراه بنيه شابه طالبه مبينه من ملابسهه التمتت الناس أنه رحت على البنيه همين متأذيه سحبتهه وطلعتهه من السياره وهيه گامت أتون خطيه اجت الإسعاف ورحنه للمستشفى ضمدولي جرحي وخلولي مغذي ونطوني مسكنات
اتصلت على مهدي علي / الوو مهدي تعالي أنه بالمستشفى سويت حادث
مهدي/ شنو متأذي علي خو مابيك شي
علي/ لا مابيه شي بس الدعمتهم منأذين
مهدي / مو عرفتهه كتلك لا تسوق ونته نعسان بس اعنودي شسويلك
علي/ مهدي رحمه الوالديك تعال بلا حجي زايدانه وين ونته وين مهدي/ جاي جاي علي والله صدك شويه واجه مهدي
نبأ/ فتحت اعيوني شفت روحي بالمستشفى تذكرت الحادث وماسمع يمي بس صوت الممرضات وهوسه يمي شويه شويه كدرت اركز واجه الدكتور گلي لا تخافين بابا الحمد الله عدت سلامات
مهدي / يله كوم علي خلي انشوفهم شنو وضعهم
علي / يله امشينه طلعنه سألنه عليهم كالو السائق متأذي وبالعمليات والبنيه بالغرفه رحنه عليهه حتى انشوفهه....
