#احفاد الشيخ عجاج
للكاتبة ضوء القمر
عضني الدهر بنيابه… .وراحاه
ولا مره سعد كلبي .....وراحاه
اجر احاه من زغري ......وره احاه
الفرح حته بحلم مامر عليه
.......
ذهب .بعد ماحجه وياي ادهم ضجت اهواي توقعت راح يوكف وياي وهم يقبل او ميحجي شي مو هيج بسرعة ينطيني محاضرة عن الموضوع اعرف كل الزين السالفة مو لعب مسؤولية واعرف وضعي مايسمحلي انو اربي طفل بس الطفل من يوم ما شفته ومجلس يروح من بالي بسام وادهم أول اثنين رفضو اكيد بابا والبقية نفس الرأي اما امي اصلا مراح تقبل أساسا احجي بس اشلون اقنع روحي
بسام :ها مارجعتي لعقلج
ذهب :اشبيك وياي
بسام :لا تباعين هيج خرب ولج انتي ناويه تجلطيني
ذهب :توقعتك توكف وياي
بسام :أي مو هي سالفة اشتري سيارة لو لعبة هاي سالفة اتبنه طفل شوفي حجم الكلمة شكبره مدري اشلون تفكرين على تفكيرج هذا شكو حالة مثله تتبني
ذهب :لو اكدر ليش لا مو خطية شنو ذنبهم
بسام :ذنبهم انهم اجوي بعالم كله وحوش يعني انتي تفكرين والي خلفوهم مايكلفون نفسهم وبعدين هيج حالات موجودة بكثرة عفيه ذهب انسي السالفة من اساسها لان صدك ضجت منها وانتي هم ماتعبتي
ذهب :ماشي
صح جاريته وسكتت بس خليت السالفة براسي والمشكلة مااكدر اعوف شي على النص صرت كل يوميه اسأل عنه والصدفة انو لسه محد تبنه الطفل ماادري الحظ او حظ الطفل بينت لبسام انو نسيت السالفة وبعد ماافكر بيها وحتى ادهم من يتصل ارد عليه انو نسيتها
..اشبيك ادهم سالفة صارت وخلاص نسيتها
ادهم :ذهب :اعرفج كل الزين مو بسهولة تنسين لا تضمين بنفسج
ذهب :لا اطمن ماكو شي من الي ببالك نسيت السالفة
ادهم :واذا لكيتج بعدها براسج اشلون
ذهب :هه لا ماكو خلاص
..اطريت اكذب عليه واعرف الي جاي اسوي غلط بس مو بيدي كلها بيد كلبي خلصت كورس نصف السنة ورجعنه للبصرة بس بالي ظل هناك مااعرف الطفل شنو مصيره
نضال :ذهب شنو هالحجي الي سمعته
ذهب :أي حجي ماما
نضال :ذهب شنو سالفة الطفل سمعت اخوج يحجي بيها
ذهب.هذا الي جنت خايفه منه :هاا سالفة لا تشغلين بالج بيها
نضال :لا هيج ترديني امشي السالفة احجيلي شنو سالفته
بسام :هاا ياساتر شكو
نضال :انت تعال احجيلي شسالفة الطفل
بسام.اباوع لذهب متريدني احجي ونبع الحنان الي بعد صارت السالفة بحلكها
..أي طفل هذا يمه هو شكو
نضال :تعال على منو جا انت نفسها هم مراح تحجي وواحد يضم للثاني احجولي هسه اليوم ماعندي لا شغل ولا عمل غير اريد اعرف السالفة
ذهب :ماما سالفة ماتسوى ليش تشغلين بالج بيها وبعدين مجرد حوار
نضال :قشمروني بحجيكم هذا
بسام :افاا ام عمار ماعاش الي يقشمرج
نضال :انت ابو لسان اكدر عليك وهسه مراح تحجون
YOU ARE READING
احفاد الشيخ عجاج
Mystery / Thrillerعندما يفني رجلٌ حياته في سبيل ان يبقي المبادئ والقيم التي تربى عليها يكون قد اتسم بالحكمة ورزانة العقل وقوة القلب فإنه يلد رجال عند الصعاب يكونو العصا التي يتوكأ عليها
