أسد المخابرات وفهد الاقتصاد (قيد التعديل)

الفصل الخامس

#الحب_الأبدي

...نِحًنِ لَمً نِحًبً لَنِمًشُـيِّ... بًلَ لَنِطِيِّر... 🦋✨

.. صّـلَيِّ عٌلَيِّ مًنِ بًکْأّ شُـوٌقُأّ لَرؤيِّتٌـنِأّ...
.. عٌلَيِّهّـ أفُـضًـلَأّلَصّـلَأّهّـ وٌأّلَسِـلَأّمً.. 🦋✨

.. في منزل عتمان السيوفي...

أدهم طلع هو وعتمان من اوضه المكتب... وراحم في الصالون وكان الكل قاعد يبص عليهم ومتوترين.. ياتري ايه رأي أدهم... وازي هو هادي كده(ميعرفوش ال عمله قال هادي قال�) قطع حبل افكارهم صوت الحج عتمان...

عتمان/اتكلمت انا وادهم وهو خد قراره وهيقوله ليكم عشان انا عارف ان كل واحد فيكم في راسه مليون سؤال.. أتكلم ي ادهم
أدهم بص لجده بابتسامة /ي جماعة أنا خلاص أخدت أهم قرار في حياتي وهو.... كان الكل قاعد علي اعصابه من قرار أدهم... انا موافق اني أتجوز حفيده الحج سعيد لأني حابب أنسي الماضي وأكمل في حياتي ودي كانت أمنيه أمي قبل ماتتوفي اني أكمل حياتي...

سعاد راحت عند أدهم وحضنته وهي بتعيط/ألف مبروك ي حبيبي اخيرا هيجي اليوم ال أشوفك فيه متجوز ومعاك عروستك واحفاد الحج سعيد محترمين وانا عرفاهم كلهم.. بس يارب تطلع ال في بالي يبقي كده انا مطمنه عليك.. لان هي جدعه و بنت ب 100راجل متربيه ع الأصول.. وبصت للحاج عتمان بصلها بمعني انتي صح... اتبسطت وقالت الحمد لله يارب أخيرا دعوتي استجابت وهشوفها في بيتي الحمد لله... وقعدت تزغرت وتحضن أدهم وفرحانه.... تحت صدمه أدهم

أدهم في نفسه/هي فرحانه اووي كده ليه وهي عرفتها ازاي ده انا معرفهاش... بس نفسي أعرف مين ال هتكون ضهري وسندي ودرع الحمايه والقوة ليا... وفي نفس الوقت متربيه ع الاصول والتقاليد وكان حلمي جدتي انها تجوزهالي... ياتري انتي مين...؟؟؟

زين وراح حضن أدهم وبيتكلم بصوت انسوي/مبروك ي ادهومتي... بس حرام عليك ي خسيس كده هتتجوز غيري وتسبني بعد ماعملت عملتك واخدتني لحم ورميتني عضم..ياميله بختك ي بت ي فوزيه ال تحبيه وتبيعي نفسك علشانه يسيبك ويتجوز واحده غيرك... عااا عااااا كده ي خسيس ي واطي تجرح احساسي...
أدهم جه مسكه من قفاه /بقاا أنا خسيس وواطي ي زين الكلب أنت.
زين بتوتر وخوف/ا. ل. ل. لا ده مش زين.. د. د. دي شخصيه.. فوزيه... اه انت متعرفش إني مجنون اه صدقني شويه أكون الدكتور المحترم ال للكل بنات تتمناه زين الحليوه القمرر... وشويه فوزيه قليله الأدب السافلة المهزءه أم لسان طويل.. المجنونه.. ودي حاجة مش بأيدي بقاا هنعترض علي حكم ربنا.. الحمدلله يارب علي كل حاجة... قالها بتأثر

أدهم جه مسكه زقه وقاله/أبعد ياتك الارف في منظرك.. وبحزرك لم فوزيه طول ماحنا عند الحج سعيد وقدام العروسه عشان متفضحناش

زين بمياعه/كده بس ده انت تؤمر ياسي عاتشف وغمزله..
أدهم بضيقه/قوم يازين من قدامي أحسن وربنا لو مسكتك هنفخك غور من وشي
زين قام يجري طلع علي اوضته وادهم فاضل قاعد معاهم شويه عشان يتفقوا ع أنهم هيروحوا بكره عند الحج سعيد وان مرام وروان وزين هيروحوا مع أدهم والعروسه وهما خارجين عشان يجيبوا الشبكه وشويه حاجات... وطبعا الفرح بعد أسبوع