" بابا انا بحب بنت وعايز اتجوزها
نظر له والده بستغراب ووقف من مكانه واتجه ليجلس امامه وتحدث بجديه
" غريبه يعني ليه فجأه كدا جه في بالك موضوع الجواز
نظر له أسر وتحدث بصدق
" عشان اتأكدت اني بحب بجد
ابتسم له والده وتحدث بسخريه
" ما انت علي طول كنت بتحب بجد وبعد يومين بتزهق وبتروح تحب تاني
هز أسر رأسه وتحدث بتأكيد
" يا بابا المره دي بقولك انا بحب بجد صدقني ومستعد انفذ اي طلب حضرتك تطلبه مني عشان تصدق اني بحب البنت دي وعايز اتجوزها
نظر له والده بستغراب وهو يشعر بانه يتحدث بصدق لذا حاول ان يختبره حتى يتأكد وتحدث اليه بجديه
" انت لو عايز تأكدلي انك بتحب المرة دي فعلا بجد يبقى لازم تنفذ كل الا هطلبه منك
رد عليه أسر سريعا وبحماس
" انا مستعد لأي حاجه بس حضرتك توافق وتيجي تخطبلي البنت الا انا بحبها
ابتسم له والده وتحدث بتأكيد
" تمام يبقى تبداء معايا شغل من بكره هنا في الشركة وتسيبك بقى من السهر وكل الا انت كنت بتعمله دا وتبداء من جديد عشان اطمن واجي معاك اخطب لك واتكلم مع الناس بثقه
ابتسم أسر بسعاده وتحدث بحماس
" انا معاك في الشركه من النهارده بس ارجوك يا بابا لازم تيجي تخطبهالي في اسرع وقت انا خايف تضيع مني
نظر له والده بعدم تصديق وتحدث بذهول
" لدرجادي بتحبها
رد عليه أسر بتأكيد
" واكتر يا بابا دي بنت محترمه جداا وكانت دايما تصدني ودي اكتر حاجه حبتها ، هي صحيح مستواها الاجتماعي متوسط بس صدقني دي بنت هايله وهتكون الزوجه المخلصه ليا وعايز اخطبها بسرعه قبل ما حد تاني يسبقني
ابتسم له والده وتحمس لرؤية هذه الفتاه كثيرا وتحدث اليه بصدق
" خلاص يا أسر حدد معاها ميعاد وخليها تبلغ اهلها وانا جاهز اروح اخطبهالك في اي وقت تحدده
ابتسم أسر بسعاده ووقف يشكر والده وخرج من مكتبه بحماس كبير
_______________________
وصلت والدت حياه الي المستشفي مع شرين شقيقة إيناس ودخلت الي غرفة ابنتها بقلق كبير وهي تبكي
اقتربت منها إيناس وطمنتها علي حياه واخبرتها انها نائمه بمفعول المهدئ الذي اعطاه اليها الطبيب
وبعد دقائق من جلوس والدت حياه وهي تبكي بحزن علي ابنتها
شعرت بحياه وهي ترجع للوعى نظرت لها والدتها بقلق وتحدثت اليها بسرعه تريد الأطمئنان عليها
YOU ARE READING
قسوة جاسر
Romanceمكتمله👍❤ نظرت الي عينيه لم ارى غير القسوة ودخلت قلبه بدون ارادة مني او منه ولكنني وجدت في قلبه عشق ولكنه مختلفاً في كل شئ عندما يحب بقوة يعشق بقسوة لقد عشقني القاسي وجعلني اعشقه ولكني لا اعلم هل انا قادرة علي تحمل قسوتة . 🔥...
