﷽الحلقه التاسعه عشر
_يوم جعل حياتي جحيم _
❥ حنين الموسوي ❥مها : بعد ماحسيت اله سواد بعيوني وفقدت الوعي طحت بعد ما ادري بشي وره فتره فتحت عيوني بتعب شفت أني وين نصدمت من لگيتهم شامريني بمخزن قديم حاطين بي چياس طحين وتمن وغراض قديمه سكراب وتعبان كلش يتناكث جص المكان يخوف وحاطين بي ضوه أحمر زغير والفار والجريذيه يلعب بي اني كلش خفت ومنا راسي يريد ينفجر وگلبي سعير بي گمت لازمه راسي وأمشي بتعب شفت اكو رازونه زغيره « شباك زغير »
باوعت منهة شفت الدنيا غروب گعدت بالگاع خليت راسي بين رجليه واباوع للگاع صبه مال أسمنت ومكسرة ويطلع منهة فار ودود.... گمت ابچي لأن اذكرت الصار واقع مو كابوس ماهمني وضعي الي أني بي بگد ماخسارتي لأهلي كسرت ضهري وهدتني للگاع... گمت احچي وي روحي معقوله عافوني أهلي ليششش يمممه ليشش ؏ بختج اني بنيتج شلون تعوفيني وترحين منهو اليه...اااخ يابويه ااخ ولله بعدني ماشبعت منكم ولا باريتكم ليش عفتني بويه جنت احسب الهذا اليوم حساب شوكت اطلع من السجن وتتلگوني واحضنكم وانسه هموم گلبي كلهة يمكم ااااووف جم دوب تتحمل يگلبي ... مو دموع ينزل نار تچويني ابچي بقهر شويه شفت الباب نفتح دخل عمي عيونه بگصته ولازم أحزام بيده واجت ويا مرته سماح اجه عليه صاح بيه گال:
-هاا يالعار جنت منتظرج تگعدين وتحچيلي شنو الفلم منو انتِ بنت الوزير ويجيبج العقيد بيده لو بت قيس الفگر... شنو چنتي تسووين هناااك بالسجووون شلعبتي ورانه شنو المقابل وهو هيج يسويلج واگف وياج
-أني بس اباوعله ودموعي تجري راحت كل قوتي من راحو اهلي مهدوم حيلي عليهم...
نعصر گلبي وأني اشوف عمي يطعن بشرفي أحس نار بگلبي شتعلت وحيلي يرجف... هو اجه تقرب يمي گام يصيح ويسب ويضربني باالحزام
بس ادموعي تجري اي كلمه مارديت ولا دافعت عن نفسي ابد كرهت حتى روحي حتى النفس الي اتنفسه احسه ثگيل ويخنگني.... خليهم هيج يسون بيه اني اريد اموووت واخلص... سماح واگفه بالباب تباوعلي بحقد گالت:-ولج ولله انتِ عار شتوقع من خريجة سجون... ادبسز جنتي بنص الشرطه والضباط وهسه جايتنه گدام الوادم والمنطقه جايبتلي الفضيحه وجايه ام الضبابيط
عمي شبعني ضرب طبع الحزام ؏ جسمي وعافني وطلع اجت سماح لزمتني من شعري گالت:
اسمعي ولج من باجر تگعدين وي طرت الفجر تخلصين كل الشغل وتنضفين البيت وترجعين لهناا وديري بالج أشوفج گبالي وتفترين بيتي لو تتقربين يم بناتي اذبحج وعلي سمعتي لو لا ام الضبابيط
ولله اذا طلعتي وشافنج صديقاتي لو جاراتي احرگج بالمخزن ولله- عافتني وطلعت أني بس أون من الألم وأكثر شي قهرني من شفت عمي يتهمني عباله بايعه شرفي الله يسامحك ياعمي اني بنت اخوك ما انزل راس ابوي وشيباتة لو يحطون رگبتي ع حبل المشنقه اني شريفه نولدت شريفه واعيش شريفه واموت شريفه
جسمي كله يوجعني من الضرب بس مو بگد وجع گلبي والنغزات البي...
![](https://img.wattpad.com/cover/255722208-288-k547944.jpg)
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...