ريحانات🌱

الواهس الدراسي؟

هوااايه يكلولي ريام اريد ادرس وضايجة تفوتني المواد بس ما اكدر
لازم تخلقيلج حافز و واهس
الحافز= الهدف
ان نخلي عدنا الحافز مو من الامور السهلة وتتحصل بسرعة يحتاج صبر وجهد وتتحملين الفشل مرة ومرتين
خلي ببالج الي يريد شيء لازم يضحي بشيء فلازم تكونين مستعدة تضحين بوقتج جهدج طاقتج كلها في سبيل هدفج وتكرسين نفسج فقط لمرحلة دراستج
مينخلق حافز بدون هدف الهدف يخلينا نبدع ونطلع اقوى ما عدنا الهدف يشجع لمن تتعبين وتحسين انك مو قادرة تكملين يخليج تستمرين لمن تفشلين وتعيدين المحاولة

اول عدو لازم تتخلصين منه هو التسويف والمماطلة
التأجيل يقتل الواهس والرغبة عندج وتتراكم عليج الدروس والمواد ولمن تجين تدرسين راح تحسين بالإحباط
وخصوصا هسه بالوضع هذا اول ما يرسلولج التحضير ادرسيه وافهميه ولا تخلينه يتكوم عليج
مو دائما لازم اكون قمة التحفيز والايجابية يلا أبدا بالدراسة لان هالشيء هم غلط مجرد ما حسيتي بالواجب تجاه دراستج شجعي نفسج ومباشرةً مسكي ورقة وقلم وبلشي دراسة ومحاولة مرات لازم ندفع نفسنا تجاه شيء زين الها رغم عنها

ممكن تنعسين تجوعين تتصل عليج صديقة يجي على بالج تشوفين فلم ما عليج الا تتجاهلين هالافكار مو من باب تجبرين نفسج على الدراسة انما هالافكار مجرد اعذار حتى تعيقج من الدراسة

فكوني انتِ اقوى وتذكري حلمج وطموحج يباوعلج يأمل فلا تخيبين أملج بنفسج وانتِ قادرة وتكدرين💪🌿

منقول