مراهقتي😍

part4😻

ادم قاعد في البلكونه بيفتكر اللي حصل انهارده الصبح...ومش عارف ينام..وبيقول لنفسه:بقي بت زي دي تخليني مسخره ادام صحابي...وتشتمني...بس عنينها حلوه اوي يا ادم...عنيها اي وزفت اي...البت مسكتني من الجاكيت...دي كان ناقص تديني تحت الحزام كمان...دي ولا جون سيناا...(ضحك جامد)بس بنت الايه دمها خفيف
**************
في غرفه منه الساعه12 بليل
فاتحه واتس وبتكلم شروق شات وكدا...جالها مسدج من رقم غريب..
رد وقالت:مين؟؟؟
رد المجهول :وحشتيني اوي علي فكره
منه بملل:هتقول مين و تاخد احلا واجمل هابي بلوك
المجهول:لا لا انا عبدالرحمن...بيدو يبنتي
منه بستغراب:ايوه تعرفني منين
المجهول:انا عبدالرحمن يبنتي...اللي شوفتيه في طنطا...صاحب ابن عمه مامتك
منه بتذاكر :اااااه ازيك ي بيدو عامل اي
عبدالرحمن:تمم الحمدلله...وحشتيني
منه ببتسامه وعفويه:ديما+وانت كمان
عبدالرحمن:ينفع اكلمك فون ناو
منه :لا لا...بابا هيزعق..خليها الصبح
عبدالرحمن:تمم ي قمر
****************
في صباح جديد..اوفت الشمس بوعدها وصطع نورها في جميع الانحاء...استيقظ احمد من نومه وفتح هاتفه وجد بعض الرسائل واحده منهم كانت من مني ..ابتسم تلقائي وفتح الرساله (احمد...اولا صباح الخير ..ثانيا انت روحت امبارح الساعه كام..ثالثا بحبك)
رد هو وكتب(مني😹..اولا صباح النور والورد علي احلا ورده..ثانيا روحت علي 5ونص..ثالثا انا بعشقك اصلا)
بعدها احمد طلع صوره لمني...ونزلها استوري وطبعا العاشق الغيور حط علي وشها قلب😹💙
قام اخد شاور سريع ولبس طقم شيك من بتوعه...لقي مسدجات...توقع انها من مني..لقاها من منه😂
افتكر اللي حصل امبارح...فتح المسدج بترد علي الاستوري(اوباااا مين القمر دي يااض)
رد عليها وقال:دي البيست بتاعتي
منه رد:ينهارك اسود...وانا اي يلااااا😢
***************
عند باربي🙈❤
باربي واقفه تغسل المواعين..وامها جمبها بتطبخ...
امها بهدوء:روحي ي شهد هاتي قزايز المياه
باربي بهدوء مماثل:حاضر ي امي
امها قفلت حنفيه الميه الساقعه وسابت السخنه..المايه غيرت كلها وبقت سخنه علي ايد باربي....صرخت و بصت لايدها وعشان هي بشرتها بيضاا جداااا ايديها احمرت😂
امها باسف:معلش ي شهد مكنتش اقصد
باربي بعصبيه:لاتقصدي
امها بصدق:مكنتش اقصد والله
باربي بزعيق :لا تقصدي ي امي
امها بزعيق وتحدف عليها البصله اللي في ايدها:اه اثصد ي حيوانه ويلا هاتي القزايز😂😂
(ايدك عامله اي ناااو ي شهد...نسيت اسالك😂😂....عشان الغبطه..باربي اسمها الحقيقي شهد...وفي شهد تانيه في الروايه...شهد الزمان)
*******************
عند منه....اخواتها عمر و حور اللي صحوها..(ملحوظه..حور دي مش حقيقيه..انا مليش اخوات بنات اصلا...بس ليا شروق وباربي وسيمون😻)
منه قامت اخدت شاور طويل وغنت كعادتها في الحمام...للاسف لتامر حسني..وربنا يسامح علي الجريمه دي😂..خرجت لبست البيجامه الارنوب😂وحطت ميكاب كامل عشان تعمل السيشن بتاع كل يوم...
عمر بغباء:هو انتي بتحطي مكياج عشان تتصوري وتمسحيه؟
منه بقرف:مكياج..اسمو ميكاب ي جاهل..واه هتصور وامسحو...حوووووووور
حور من برا:ايوه ي ابلتي
منه بهدوء:تعالي شغلي اغاني
حور بمرح:عينيااا
فعلاا شغلت اغنيه جرااا اي ي كراش بتاعه مي عمر..وقفلت الباب واتحزمت هي ومنه ورقصوا
منه بضيق مضحك:اي دا يبنتي...هو دا رقص...الرقص كدا..يمين شمال ..شمال يمين اتنين دربندح والغرزه الضيقه😂
حور وهي تقالدها:كداا ي ابلتي
منه برضاا:الله عليكي يبنتي..والله تنفعي في شارع الهرم😂
                       *************
                      عند باربي
باربي لامها في الفون:انا نازله ي امي درس الالماني
امها:مااشي ي شهد متاخريش بس
باربي بهدوء:ماشي يلا سلام
راحت باربي لحد السنتر ولقت ان المحاضره اتلغت
باربي وهي ماشيه:كلاااب..جيت دا كلو ومفيش درس...اما اكلم البت منه....ايوه ي منه..الحقيني محاضره الالماني اتلغت ...مكتبوش علي الواتس ولاااد الجزم😂روحت لحد السنتر وفي الاخر تتلغي....انتي بتضحكي...طيب يختي...متيجي تقعدي معايا...او انا اجيلك ونجيب اكل وناكل...طب حلو دا..علي الله تسميميني 😂..ماشي سلام

                      ***************
                       عند الشباب
احمد وادم وزياد وجوو راحو يلعبو بلايستيشن
ادم وهو مركز علي الشاشه:هو انت تعرف البت بتاعه امبارح منين ي احمد
جوو بضحك:اللي هزقتك ي ادن ومسحت بكرامتك الارض😂
احمد بضحك:منه كانت معايا في مدرسه ابتدائي واعدادي والبيست بتاعي وكدا
ادم بحقن:امم بت لسانها طويل اوي
جوو بضحك شديد:البت دي قادره ومفتريه...شوفت عملت اي لما قولتلها اسكتي ي بت😹😹متتتت
احمد بضحك هو الاخر:سبحان الله ....ربنا قصر في طولها وطول في لسانها😹💔
ادم بضيق:اضحكو اضحكو...دا انا لو شوفتها تاني...هعمل منها صنيه بطاطس
                        ****************
                         عند عمر
عمر بيكلم شروق علي الانستا:وحشتيني علي فكره
شروق:وانت كمان ي عمر...اكلت
عمر:اه الحمدلله...وانتي
شروق :اه...الخاتم حلو اوي...ربنا يخليك ليا💙
عمر:انتي احلا+ويخليكي ليا+بحبك ي شروق💖
شروق:طب سلام دلوقتي ي عمر
                        *****************
                         عند منه
منه لقت عبدالرحمن بيرن...وفضل يكلمها كتيررر ...بس هي لحظت انو مش بيقول اسمها..بس سكتت...
عبدالرحمن بهدوء:انتي مش هتيجي طنطا ولا اي
منه ببتسامه:مش عارفه بس احتمال كبير لا..عشان مدرستي
عبدالرحمن:اممم مااشي
منه لقت باربي علي الويتينج فقفلت مع عبدالرحمن بسرعه وردت وقالتلها انها تحت البيت...نزلت فتحتلها وطلعت
باربي بستفسار:كنتي بتكلمي مين ي بنتي..
منه بهروب:لا ..دي ماما
باربي بنظره شك: يبت انطقي مين
منه بضحك:انتي بتتكلمي زي امي...بصي كنت بكلم......وحكت كل حاجه
                         ****************
تعبت اوي انهارده...بمرا هكمل ....وبجد شكرا لكل اصحابي اللي بيدعموني بحبكو اوووي💙
                             اقتباس اللي جاي
باربي بحده مصطنعه:يبنتي مفييييييش حاجه
منه بضحك:يبنتي متاكده

جوو بحزن:سيبني ي احمد مخنوق شويه
احمد بصرار:لا استني عندي فكره حلوه

شروق بحزن:انا هاخد راي منه ي رقيه..ليها وجهه نظر بردو