أنياب الذئاب

البارت الواحد والعشرون

أنياب الذئاب بارت ٢١
#دنيا_غانم
#بقلم_ام_مختار

"راجي يكول
اهدومي تخنكني
من اشوف واحد يداري بحلالي"

راجي..
اخذت بطل العرك ومشيت للشط اشرب والوم بروحي اجتك وتوسلت بيك رادتك وما رادت غيررررك ليش كسرت بيها ليش تخليها تتعذب انت تعرف عربنه المراه مالها كلمه واكيددد انجبرت تزوج ليش تركتها بالوقت الرادتك بي
كضيت ايديه ترجتك من كل كلبها رادتك بس تستمع الها رادتك زلمه الها رجال يكون سند بس انت يا حيف رديتها رديت رواناااا يا راجي رديتهااااااا ليششش بس لأن امك كلتلك مطلكه رديتها بس لأن حجوت براسك يا حيف يا حيف عليك

... ما يفيد بعد اللوم البنيه صارت الصاحبك حط على جروحك ملح واسكت هسا صارت  عرضك دامها عرض صديجك

روانا :كتبوا عقدي وانا احس يكتبون بشهادة وفاتي يدبجن ويهوسن وانا بغيررر عالم ندستني تباهي راح يدخل يلبسج الذهب
... دخل وكعد يمي شربنه العصير هاي الحركه المستعصيه ما اعرف ليش يسووها اكلنه الكيك وبده يلبسني الذهب

ساري _: همستلها ما جنت متوقع بيوم تصيرين مرتي

:بتسمتله
وصرت

_:يابه غير عوض ربي

:الحمد لله

_:شو جنج مغروره

:هههههه لا مو مغروره بس انت جاي تكول ما جنت متوقع حسستني انا فد شي مهم طبيعي يكون ردي قوي

_:السانج

:شبي؟؟
.. تقرب لبسني الگلاده  وگال.. مثل العسل هنيال اليضوگ منه
... اختفت ضحكتي

_:لا تخجلين مني انا زوجج ترا

:لا مو هيج الناس جاي تباوع

_:خلي يباوعون يحسدوني عليج غيرر

:هههههههه
.... شوي وطلع من يمنه

تباهي
وجهج جنه طاسه معقجه اجه كعد يمج صرتي بس تضحكين

:لحكتيني ع ضحكه

_:ياااا انا الحكج مستعده انطي عمري كله بس اشوفج تضحكين

:يا بعد عمري يا خيه لا تكولين هيج شبيج

جدتي
وفصوص روبه يا كفاها فصوص روبه يا كفاها

:تتغزلين بيه ههههههه

_:جا غير جنج بدر منور

:يا بعد عمري يا جده بس انتِ تجبرين بخاطري

تباهي
يااااا هيج صارت احب اكلج اليوم نخليج ترتاحين باجر غصباً ما عليج تجين وياي اريد انضف البيت ويجيبون الغراض انرتبهن

:ههههههه بعدني عروسه لا تعبوني

_:شو تعاي اريد اجرب بدلتج

جدتي
مو زين لا تلبسيها