#ما_ذنـبي_أنـا 💔😭
للـكاتـب
الأزهر سالم
" المصراتي"
لا أحلل نشر كتباتي دون كتابة أسمي عليها 😊..
الـحـلــ( 9 )ــقـة
كملت ريم الدوش وتفكرت انها نست دبشها بره
ريم . اففففففف شنو العمله هادي بس 🤦🏻♀️
ريم . انشاء الله ميكونش روح بس 😫
طلعت من الحمام وهيا تتسلس وخشت للدار
تلاقت مع مروان بيطلع منها 😱
مروان . 😳
ريم . 🤭
مروان طلع من الدار ع طول اما ريم فقاعدة مصدومة من الموقف يلي صارلها فاقت من سرحانها ع صوت مروان
مروان . بسرعة البسي حوايجك وتعالى للمطبخ ديريلنا حاجة ناكلوها
ريم . به شنو المخلوق هادا معقولة نسي الموقف ولاكأنة شاف شي
هادا احسن اساساً
لبست دبشها بسرعة ومشت تجري للمطبخ
ريم . شنو جبت 😋
مروان وهو ياكل في تفاحة . افتحي لكياس وشوفي وبعدين حطي الغدي على النار ولا متعرفيش 😏
ريم . منعرفش 😒
مروان . كنت عارف 😏
ريم . تو تشوف الماكلة يلي حنطيبها حتاكل صوابعك وراها 😌
مروان . اني نبي ناكلها هي مش صوابعي 😎
ريم . ننننننن 😒
مروان . اني بنمشي نرقد بعد يوتى لغدي نوضيني 🥱
ريم . نوم العوافي 😊
مشي مروان للدار اما ريم سفت كمامها وقعدت تطيب 😂😂
الحوش منقلب ع ريم وكل العيلة تدور فيها وكان الحوش زحمة خوالها وعمامها وحتى من الجيران جوهم وطبعا قعدت فضيحة كبيرة لان الصور معروضات ع الفيس 😱
خليل يتحلف انه اول ميشوفها حيدبحها وامها رفعوها للمستشفى 😢
تسريع الأحداث
( بعد مرور اسبوعين )
في الأسبوعين هادم صارووو هلبا قصص
ريم ضعفت صحتها هلبا بعد ماعرفت بموضوع صورها المنشورة على النت وتعلقت بمروان اكثر ❤️
اما مروان فكان واجعة حال ريم كيف تغيرت هلبا من عفوية وتحب تبصر لي بنت 24 ساعة بروحها في الدار وتبكي حتى هوى تعلق بيها هلبا 🤦🏻♂️❤️
سليم وميس قاعدين كيف ماهما بس سليم بيهبل على اختة ودور عليها هلبا بس بلا فايدة 😭
خليل زاد تبعد على عيلتة ويفكر انه يقنع بوه بالورثة ومش هامة ابداً موضوع ريم لأنه لو في يوم لقاها يبي يقتلها ويريح راسه 😱🖤
غزل طلعت من المستشفى من الأسبوع يلي فات بس تدهورت صحتها وهاملة دواها وقريب تهبل على بنتها 💔💔
محسن كان يفكر انه يطلع برا لبلاد بس حلف انه مش حيطلع الا لما ينتقم من سهى و نسرين 🔥
نايا واجعها كيف عيلتها بدت تفكك وهيا مش قادرة ادير شي وشاكة ان نسرين مرت خوها عندها يد في الموضوع 🤔
سليم كالعادة مقعمز في مكتبة ويفكر في موضوع اختة رن تلفونة 📞
سليم . السلام عليكم
ايمن . وعليكم السلام
سليم . تفضل
ايمن . تي شنو يراجل معرفتنيش شكلك
حول التلفون من ع ودنة وشاف المتصل ناض من الفرحة
سليم . شنو لقيتوه
ايمن . طلعلي موقع بس منعرفش هو هادا ولا
سليم . ابعتهولي على طول
ايمن . لحظة بس
اشوية ووصل الموقع خدي مفتاح السيارة وطلع على طول
غزل مقعمزة على صلايتها وتدعي لي ربي انه يحفظلها بنتها من كل شر جتها نايا
نايا . ماما
غزل . نعم
نايا . نجيبلك حاجة تاكليها
غزل . معنديش نية صحيتي
نايا . علاش اديري في روحك هكي بس معقولة ليك اسبوع محطيتيش لقمة في فمك 😢
مشت نايا وهيا واجعها حال امها يلي ضعفت هلبا من قلة الماكلة وحتى صحتها ادهورت ومن جيها حال اختها يلي مش معروف عليها شي حية ولا ميتة بس نصدمت لما قربت من المطبخ
وصل سليم لمكان الموقع نزل من السيارة وقعد يتبع في الموقع لعند وصل قدام الحوش دق اكثر من مره بس بدون اي فايدة قعد يخبط على الباب لعند كسرة وخش يدور على اختة بس ملقهاش 😩
ريم مقعمزة وتبكي خش عليها مروان
مروان . يااااااسر حنلقو حل انشاء الله علاش لبكاء هادا كله
ريم . وكيف حنلقوة مستحيل يتصلح شي شرفي طاح وحياتي دمرت كله بلا شي علاش بس علاااااش 😭😭
وبدت تخبط في وجها وتعيط
بدون سوابق انذار حضنها مروان 😍❤️
مروان . اشششش صدقيني حندور على الشخص يلي دار فيك الشي هادا وندمه على اليوم يلي فكر انه يدمراك حياتك وعد
ريم . 😭😭
سهى . معقولة ليك اكثر من اسبوع متصلتيش بيا
نسرين . تي الحصلة هادا قاعد في الحوش معاش يطلع زي قبل كيف بنكلمك اه
سهى . شنو جوهم حماتك وباقي العيلة
نسرين . اخيراااا تعرفي فرحانة بنطير اهو ريم وطيرتها مزال نايا
نايا . 😳
سهى . هادي نفسها يلي ضرباتك 😂😂
نسرين . تي والله لما نربيها وتوى تشوف هالتافها
نايا قعدت تتمالك في اعصابها لانها حتمشي تضربها 😡
نسرين . اي مقتلكش قريباً الحوش حيكون بسمي والعيلة هادي والمعروفة حتكون من المشردين 😂
نايا كانت بتخش بس ناشت المزهرية وطاحت 😳
نسرين . هي باي تو في واحد جاي
وسكرت الخط
خشت نايا للمطبخ وقعدت تشبح لي نسرين من فوق لي تحت وكان تلقى تهجم عليها
نايا . يبيك خليل 😏
طلعت نسرين وهيا مرتاحة تحساب انه نايا مسمعتعاش بس مكانتش تعرف انه نهايتها قربت 🔥
سليم مقعمز في السيارة يخبط وصلة مسج من نفس لحساب يلي كان محذوف
محسن . تصرفك اليوم كان غلط كبير وصدقني لو استمريت وانت تدور عليا مستحيل تلقاها اختك
سليم . منو انت قوووول
محسن . مش مهم منو اني بس لازم تعرف انه المسؤل ع خطف اختك وتشوية سمعتها هو ......
سليم . 😳
#يتبع
تنزيل الحلقات حتكون على حسب التفاعل 😜
لاتنسوا .....
#لايك
#تعليق
#المشاركة
YOU ARE READING
ما ذنبي أنا 💔😭 (( مكتملة ))
Randomرواية باللهجة الليبية 🇱🇾 تحكي ع أشوي من الواقع اليبي 💕 روايتي تحكي ع بنت اتهمت ظلم ونخطفت وشرفها طاح في الوطاء 😱 بس أثناء هروبها حتلتقي بالبطل ولي ثاني مرة ❤️ بس حتنقلب حياتها 180 درجة او أكثر 💗 تابعو الرواية لمتابعة المزيد 🥰
