وغرستُ حُبكَ في الفؤادِ وكلما مضت السنينُ أراهُ دوماً يزدهرُ.
~~~~~~~~~~~~~~~~~~~~~
كانت ذات العيون الرماديه جالسه ف الشرفه تحتسي كوب الشاي الخاص بها وتتصفح تليفونها حتي خرج ذلك الجار المزعج كما سمته هي
عامر بصوت مرتفع نسبيا : يا مسهل الأحوال يا رب ما انا برضه بقول الدنيا ساقعه ليه
تجاهلته جنه لانها تعبت من كثره المشاكل التي تحدث بينهم
ابتسم عامر لتجاهلها له ببلاهه ثم أكمل :يا رب اللي ماسك اي تليفون دلوقتي يقع من ايده ف الشارع يجيب شاشه
لم تستطع جنه مداراه غضبها أكثر من ذلك
لتنظر له بغضب قائله : بقولك اي يا اخ انت انت عايز مني اي هه ومالك بيا انا حتى معرفكش عشان ده كله انت عايز تتخانق وبس جاي بتقول شَكَل للبيع
عامر بابتسامه بارده : هو حد كلمك
جنه بغضب : يا ميسر الامور يا رب ...يابني هو انت بتشبه عليا يمكن اكون مجرمه وهاربه من قضيه عندك
ليرد عامر وهو علي نفس وضعيته البارده : الصراحه اه
لتحاول جنه تهدئه نفسها : بص يا بتاع انت لو فاكر أن زي كل مره هنقعد نتخانق تبقي غلطان واقعد اتكلم انت بقي براحتك كده بص اتكلم مع الحمار اللي هناك تحت ده يمكن يفهمك ويحس بيك ويستحمل برودك
عامر ببدايه غضب : اي ده انت بتقولي اي
جنه ببرود : بقول اللي انت سمعته ولا الاخ كمان اطرش مش كفايه مش بتفهم
ليشتد غضب عامر : انت بتغلطي فيا يا بتاعه أنتِ
جنه بغضب : بتاعه في عينك يا مزعج يا جاهلي
عامر ببرود : والله مافيش حد مزعج غيرك انت من اول يوم شوفتك فيه وانت مزعجه وطفله كده وفوق ده كله دبش كمان
جنه بغضب وقد بدأ وجهها بالاحمرار : متقولش طفله ودبش انت اللي دبش وبعدين هو انت شايفني انا اللي كل ما اشوفك في حته اقعد اتكلم عشان نبدا خناقه
عامر بابتسامه سمجه: لا انا اللي بعمل كده
جنه بغيظ : اي البرود ده
عامر وهو مازال مبتسما: تسلمي يا اخت الا قولتيلي اسمك اي
جنه ببرود :ملكش فيه حاجه متخصكش يا بوز القرد
عامر : لاحظي انك بتغلطي كتير هه
جنه ببرود : انت اللي بتخليني اغلط بس انا جوايا انسانه كيوته ملهاش دعوه بحد
عامر بسخريه من جنه : اه كيوت اوي لا انت قولي علي نفسك انثي العنكبوت شرسه حتي بتقتل جوزها
جنه بضيق : هو انت بتستمتع لما بنتخانق معايا مش كده
عامر ببرود : بالظبط كده بحس اني بتخانق مع ابن اختي
لتبتسم جنه له باستفزاز قائله : طيب يبقي مش هنولك اللي انت عايزه بقي
سكتت جنه نهائيا عن الكلام بالرغم أن عامر أخذ يستفزها بكلامه الا وأنها تحدت نفسها وتحدته أنها لن تفتح اي نقاش اخر بما أنه يحب أن يضايقها
عامر بجديه بعد وقت من تجاهل امل له : طب بصي دقيقه طب
لترفع جنه عينيها من شاشه التليفون وتنظر له قائله : نعم اي تعبت من كتر الكلام
عامر بابتسامه : لا يا ستي لا تعبت ولا حاجه بس انا زهقت من كل شويه خناقات خناقات خناقات ده انا لو معمولي عمل خناقات معاكي مكنش هيحصل ده كله
لتنظر له جنه بصدمه وزهول هل هذا الذي كان من بضع دقائق فقط يتجادل معها ولكنها نطقت قائله : انا معرفكش عشان اتخانق معاك انا زي ما قلتلك انت اللي بتبدأ وانا مبسبش حقي نهائي
عامر بهدوء : طيب يا ستي معاكي حق انا اللي ببدا بالخناق حقك عليا بس انا اتعرفت ع كل اللي ف العماره وكلهم علاقتي معاهم كويسه الا انت
جنه ببرود : اه وبعدين كمل
عامر بسخريه : ولا قبلين يا حجه فتكات
جنه باستفزاز : طيب كويس بعد اذنك بقي هنرش ميه لتخرج من الشرفه وتغلق بابها في وجهه
أما الآخر فاستقبل الموضوع بابتسامه سمجه ولكن جذابه جعلته قمه في الوسامه
دخل هو الآخر وحدث نفسه قائلا: عنيده وغبيه
أما جنه بعدما أغلقت باب الشرفه جلست ع الاريكه حتي أتاها اتصال من مبروك
مبروك بمرح : الشهره عايزه منك اي يا ستي حتي مبتساليش خالص
جنه بضحك : بس ياض عامل اي
مبروك بود : الحمد لله يا جنه وانت عامله اي
جنه : انا بخير يا سيدي
مبروك : دايما يا قلقاسه بخير يا رب
جنه بضحك : فقرييي ههههه طب بقولك اي انت فين كده
مبروك بدراما: انا صايع في الشوارع بداوي جروح قلبي بلباننن اااه
جنه بسخريه : يخربيت الظرافه اللي بتخر منك ياض
مبروك بقرف : بقي في انسه انيقه وعسل تقول ياض اخس عليك تربيتي ضاعت تربيتي ضاعت يا قذره
جنه : طيب يا سيدي شكرا كفايه وبما انك صايع في الشوارع تعالي عندي اتغدي معايا بدل ما انا وحيده كده وبكلم نفسي
مبروك : ما انا عارف انك بتكلمي نفسك عشان كده حاولت اقنعك تروحي السرايه الصفرا بس انت مردتيش
جنه بغضب : نص ساعه والاقيك قدامي يا هباب البرك
ثم أغقلت في وجهه الخط وابتسمت فهي تعتبر مبروك اخوها وان كان عندها اخ لما كانت ستعزه كما تعز مبروك
وبعد مده قامت بصنع الاكل ووزعته علي الترابيزه منتظره مبروك فهو تأخر
قامت بالاتصال عليه لا رد حتي بدأ القلق يتسرب الي داخلها
وبعد عده دقائق وجدت هاتفها يرن باسمه
جنه بلهفه : ايوه يا مبروك كده تقلقني و....
قاطع كلامها صوت ذلك المتحدث : الو السلام عليكم
جنه باستغراب :وعليكم السلام في اي مش ده تليفون مبروك مش معاه ليه
المتحدث باسف : الشاب صاحب التليفون ده عمل حادثه للاسف ولقيت أن ده اخر رقم كان متصل بيه فاتصلت بيكِ
جنه بصدمه وبكاء : اييي انت بتقول اي انت بتهزر صح اكيد هو بيعمل مقلب فيا صح
المتحدث بحزن : يا فندم استهدي كده وباذن الله خير وهو ف مستشفي (&&&&&&&&)
لتغلق معه جنه الخط وتجهش بالبكاء فهو كان يحدثها من قليل متي حدث كل ذلك لتقوم وترتدي حجابها جيدا وخرجت من شقتها ولحسن حظها وجدت عامر خارج من شقته
عامر باستغراب من بكائها :اي ده في اي مالك بتعيطي ليه
لم تعره جنه اي اهتمام ولم تنتظر حتي المصعد بل نزلت وهي تجري علي السلالم فنزل ورائها عامر بسرعه حتي أوقفها
عامر بجديه : فهميني بس في اي وهتروحي فين وانت عامله كده
جنه ببكاء : عمل ...عمل حادثه لازم اروح.... اشوف في اي
عامر بحزن : المستشفي اسمها اي بسرعه يلا مش هينفع انت تسوقي فهوصلك انا
أما جنه فلم تعارض واملته اسم المستشفي وطول الطريق وهي تبكي فمبروك كان جزء من قلبها كان الوحيد الذي يدافع عنها عندما كانت تضربها والدته كان يعتبرها أخته ودائما ما يسمعها
وصل عامر وجنه الي المستشفي وسألوا عن عامر فابلغوهم أنه في غرفه العمليات
وبعد مده خرج الدكتور من غرفه العمليات وواضح عليه علامات الإرهاق فذهبت إليه جنه مسرعه : ها هو عامل اي هو كويس صح
هز الدكتور رأسه نافيا قائلا باسي : للاسف الحادثه اللي عملها خلت عنده نزيف شديد حاولنا نوقفه بس ده أمر ربنا البقاء لله يا بنتي
جنه بصدمه :انت بتقول اييييييي
فياتري ماذا سيحدث وكيف ستكون حاله جنه وماذا ستكون رده فعل كل من والده مبروك ووالد جنه المستبد؟
والله إن كان عليا فأنا مش عايزه الواد مبروك المز ده يموت وزعلانه زيي زيكم 🙂
YOU ARE READING
القاسي والجميله
Romanceوهل بضع كلمات ستصف حبي لكِ ؟! وهل لهفتي لسماع صوتكِ سيكفي؟! وهل خافقي الذي يشن الحروب لرؤياك سيكون دليل محبتي؟! القاسي احبكِ فتحملي جحيم قسوته..
