حلمي تفجع و وجهو تلخلتخ
قربلها :شو انا باش نخرجك تو نبدلك و نمشو
للسبيطار
شيماء تحكي بالسيف :ما نحبش نمشي حاسة
روحي باش نموت
حلمي هزها في حملو بالسياسة و خرجها
قعدها فوق الفرش و هبط على ركبتو شادلها
وجها:انتي باش تكون لاباس حتى شي ماهو
باش يصيرلك و رد بالك تعاود تجبد سيرت
الموت على فمك و تحمل شوي حتى نمشو
للسبيطار عيش روحي
شيماء حركتلو راسها بأي و هو مشا جابلها
دبشها و بدا يبدللها و هي حاشمة ما قالت
شي .خرجو و مشاو للسبيطار هزها للطبيبة و
بقا هو البرا خاطر الطبيبة ما خلتوش يدخل
.
معاها بعد شوي عيطتلو دخل يلقا شيماء
تبكي و الطبيبة تسكت فيها
حلمي تحملها :شيماء شفما شنو شقاتلك
الطبيبة :حاول تهديها و ايجا نحكو خاطر يأثر
على صحتها و هذا موش باهي
بقا حلمي يهدي فيها اما هو متوتر خايف شنو
باش تقلو الطبيبة
قعدها عالكرسي و بقا بجنبها :تفضل مدام
تنجم تقلي شبيها مرتي
الطبيبة خزرت لشيماء و شيماء حركتلها راسها
بلا
حلمي:مدام تسمع فيا
الطبيبة :وي وي نسمع فيك
حلمي :تفضل قلي شبيها مرتي
الطبيبة :المدام حبلة نشالله توصل بسالم
حلمي ببهامة :اي و بعد اه حبلة كيفاش
بقا يحكي وحدو و شيماء تهزرلو :حلمي افهم
انا حبلة
حلمي:بالحق يعني انا باش نولي بو
شيماء:والله و احلى بو زادا
الطبيبة :مبروك
حلمي:يبارك فيك اما علاش حالتها كانت
هكاكة كي جبتهالك
شيماء بزربة :حلمي عادي عادي هيا نروحو
ماكش ناوي تفرح العايلة
حلمي :اي اما
شيماء :لا اما لا شي هيا نمشو و مرا اخرى تو
نرجعو
حلمي:باهي يا سيدي هيا
خرجو ركبو في الكرهبة و مشاو لدارو وصلو
يلقاو الجماعة الكل غادي كان اميمة و سيف
الي لتو مزالو في شهر العسل ،قعدو في
الصالة بعد ما سلمو عليهم
سعاد :يا بنيتي تي وينك لا تقول نعمل طلة
على حماتي لا شي
شيماء:سامحني يا امي .
سعاد:السماح يا بنيتي نفدلك معاك راني هه
حلمي:يا جماعة جايبلكم خبر
اسامة:شفما نشالله خير تقليش باش تعرس
اية :تي لا ظاهرلي باش ياخو مرا اخرى ههههه
و طاحو الزوز يضحكو
شيماء :فردة و لقات اختها
سعاد :و الله بنيتي قلت الحق
اية :هي قلنا عاد شنو الخبر
حلمي:على قريب باش نولي بو كان كتب
فزت سعاد تزعرت و لكلهم يباركو و الفرحة
باش تخرج من عينيهم الا هي بقات تخزرلهم
و بعد جاها تلفون من الطبيبة خرجت مشات
لبيت البانو و سكرت على روحها
شيماء :الو
الطبيبة:وي شيماء اسمعني انا ما حبيتش
نقول لراجلك اما باش يعود يجيك طبيب
يتبع حالتك عالقليلة نحاولو نشوفو حل
شيماء:باهي اما بعد ما يمشي حلمي للخدمة
الطبيبة :اوك
علقت عليها و بقات تبكي تفكرت كي قاتلها
الطبيبة الي الحبالة خطيرة و كان باش تكمل
فيها و تجيب الصغير اكيد باش تموت اما هي
ما خلتهاش تقول لحلمي ما تحبش تفسدلو
فرحتو
شيماء :يا ربي ما تخليها بيا و عاوني
جاها حلمي و دق الباب :شيماء عزيزتي
شيماء مسحت دموعها :انعم
حلمي:شبيك ياخي كرشك مزالت توجع
فيك
غسلت وجها و خرجتلو :لا لا لاباس
حلمي :ياخي كنت تبكي
شيماء شدتو من ايديه :هذيكا دموع الفرح يا
روحي ههه
حلمي:شيماء ياخي مخبيا عليا حاجة
شيماء :بلاهي شنو باش نخبي عليك هيا
نرجو لصالة رام يسألو علينا
حلمي :باهي هيا
******************************
رايكم ؟
YOU ARE READING
كرونيك زوجتي ( تونسية) حلمي&شيماء. The Moon
Romanceممنوع النقل ************************************ تزوجها لإرضاء والديه بعد طلاقه من زوجته التي مزال يحبها .🤵👰 هي تزوجته جراء ضغط والديها و للتخفيف عنهم .ليشاء القدر ان تقع في حبه لتحاول بكل الطرق لتجعله يحبها .👩❤👩 حلمي&شيماء اسامة&اية سيف...
