+الف مبروك يا صاحبي.. أخيراً
=الله يبارك فيك يا برنس بس حسابك معايا بعدين
+وربنا ماليا دعوه مش انا اللي اتأخرت
=لا امي
+انت مش مصدق طب وربنا مانا دا قدر مراتي وبنت خالتي المبجله سيلا هانم
=اه أهلاً وس.. انتي
_ايوه انا
+اي دا انتوا تعرفوا بعض
_ايوه
+ازاي.. من امتي؟!
=بعدين يا برنس.. وبردو حسابك معايا بعدين
+ماتهدي اللعب شويه يا عم ماقولتلك مش انا عايز تعاقب اتفضل عاقب الانسه سيلا واختها انا مليش زنب
=هعاقبها.. بس مش دلوقتي
_نعم.. نعم هتعاقب مين حضرتك انت مين اصلاً عشان تعاقبني.. انت شكلك اتجننت اصلاً يالا يا الياس نروح نشوف حاجه نعملها
*بس انا عاوز اروح مع عمو الياس
_عمو الياس مين يا حبيبي
=عمو الياس انا.. او بمعني تاني حرامي البطايق زي ماقولتي عليا
-حرامي بطايق.. حرامي بطايق ايه بس انا مش فاهمه حاجه متفهني في ايه يا الياس
=أبداً يا قدر الحكايه وما فيها ان...
_مفيش يا قدر انا هحكيلك اما نروح خلاص
-ماشي يا ست سيلا اما نشوف اخرتها معاكي
_اخرتها قمر شبهي
+اكيد
_وانت مالك انا دخلتك في الحوار بتحشر مناخيرك الطويله دي ليه في الموضوع ها ليه.. كل الناس بقت بتدخل في حياه كل الناس بطريقه تدايق كل الناس وكدا كتير اووي يعني و..
-والنبي تبطلي غرور اهلك دا شويه.. معلش يا الياس اختي مثلت دور خالتي اللتاته قبل كدا ومن ساعتها واحنا مش عارفين نخليها تبطل كلام
=😂😂😂😂😂لا لا ولا يهمك انا واخد علي كدا اصلي شفت شويه من اللي بتقولي عليه دا ساعه لما اتقابلنا اول مره
-اها عشان كداا
_هو ايه دا اللي شفته وانتي ماشي لما نروح البيت
=تؤ تؤ تؤ تؤ انت طلعتي بني ادمه بتزعل وبتحس زينا
_وانت مالك ومالي ايه اللي يخصك وبعدين انا مطلبتش رأيك فيا عشان تقولي دا كله.. ملكش دعوه بيا انت فاهم
+ايه يا جماعه صلوا علي النبي ايه يا سيلي مالك
شعر الياس بالغضب عند نطق مازن لسيلي وكأن نار تحرقه من الداخل لذا نظر الي مازن بغضب وتحذير ولكم مازن لم يفهم مغذي هذه النظره لذا تجاهل الامر
YOU ARE READING
احببتُ مجنونة
Humorعندما يأتيك الحب دون سابق انذار ويقتحم حياتك ويومك ولكن بشكل كوميدي وقليلََا من الرومانسية فاعلم أنك محظوظ
