فدوه للخالق شكلها ماكو هيج بنيه
ماشفت وحده مثلها احلى شي بالدنيا
من شفتها انخطف لوني
ؤصار مدري شبيه مثل هذا النفس مالي حبها عايش بيه
معدله وفرت حياتي بهل جمال البيها
واحد يحبها بمكاني ﷲ لاينطيها
راح اشدها بحضن كلبي تروح ماخليها
خل تاخذ عشگ كلبي هاي ام روحي مو حبي
هاي الغاليه ام الشوگ جبتها بزودي وبتعبي
خل تاخذ عشك كلبي جبتها بزودي وبتعبي
جنت فد واحد مزاجي وكلشي مايعجبني
هسه ماريد بحياتي غيرها وحده تحبني
لو جبها يصير تعبي اقبل تعذبني
يصير لون الدنيا وردي من تصير بحضني
شفت بيها الجنت اريده
والاحبه هوايه
العمر بي صار معنى من اجت ويايه
من كثر ماحيل ورده تشبهـ الوردايه
وفوك كل هذا حنيه وراقيه وفايه
خل تاخذ عشگ كلبي هاي ام روحي مو حبي هاي الغاليه ام الشوگ جبتها بزودي وبتعبي
💖💖💖💖💖💖💖💖💖💖💖💖💖💖💖💖💖💖💖💖💖
مينا/بعدنا بالناصريه وضرغام سوه حفله شكبرها
لاصدقائه حظرنه اشترينه ذهب كامل كوكي ما اجت ولا اهلها
كالو الحاظر كتاب قرأن والغايب 45مليون دينار عراقي اشترالها طخم گلاده وسوار ومحبس وحد هذا
واشترالها كلايد ثنين ثگال ومحبسين وحلقه و6سوارات كله ذوق ضرغام والمكياج كال متخلي مكياج صالون فاسد كله😂
كلشي من مكياج اخذلها ويجيب ويشتري والله مثل المخبل عجبه خلخال وخزامه بالخشم تتخله
ذهب هم اشنراهم 4ايام اتكسرنا من الصبح لحد المغرب بالسوك محد مشتري بخبال مثل ضرغام ابد
حتى الصبغ الاظافر وصاني عليهم كله كله وصاني بي المهم اخر يوم طلعنه اني وامي اشترينالها ملابس داخليه وملتبس بيت وملابس طلعه لعد 5جنط متروسات المهم احنا مابقالنه مكان لاغراضنه رجعنه ويه منير وخواتي ويه زلمهم اجو بس خوالي مكدرو كلهم يجون المهم اختار ضرغام نوع حلو مال عقد علمود نوزعه اخذ هواي كووووووومه جنطة مال سفر مليانه وزع منها والباقي نودي لبيت اهل كوكي
المهم
اخر شي رحنا للسوك نجيب ناخذ حذاء تكرمون لعروستنه من محل كلش حلو اسمه اناقة ملاك بقينه نباوع هناك و
شفنا علي الي اخذ كوكي فصليه بس لا ضرغام يشوفه
💖❤💖❤💖❤💖❤💖❤💖❤💖
زينب/رحنا نشتري ملابس لعرس عباس
اخذنا علي واكفين يم الصايغ وعلي ديگلي هاي مثل الحلقه يلي جبتها لملاك طبعا علي كام يعيش بخيالها لملاك يعني كام يعتبرها موجوده و وياه ومرات نسمعه يحجي ويه روحه ويكول خيال ملاك كدامي موجوده يمي يعني حالته تعبت المهم ديكلي هاي مثل الحلقه الجبتها لملاك ماعرف من اتصل بي وراح يحجي علي تأخر
علي/تعبت بدونها ماعرف شلون اوصف حالتي بس ضميري وكلبي وكلشي يتعبني شفت محل البسه واحذيه اسم المحل اناقة ملاك
كلت خلي اشوف الملابس واشتري شي حلو لملاكي عيني راحت على ثوب يخبل لونه رماني رحت صار مقابيلي هذاك الشخص يلي بسببه عافتني ملاك واكيد مارجعتله لان اتزوج
