اللهم صل وسلم وبارك على سيدنا 🌷محمد 🌷وعلى آله وصحبه وسلم تسليما كثيرا عدد خلقه ورضا نفسه وزنة عرشه ومداد كلماته 🌹🌷☘
🌸🌸🌸🌸🌸🌸🌸🌸
بعد مرور أسبوعين على الأحداث مابين فرح وحزن هكذا الحياة
ازهار وتحيا في القصر عند فاطمة
تحيا..يابنتي ماتعمليش في نفسك كده اهو الاستاذ سعد طمنك وقالك إنه كويس وهيجي كمان يومين
ازهار..وجاي اهو ماتزعليش
فاطمة..انا زعلانة من نفسي لانه من ساعة لما سافر وهو ماتصلش بي بيبعت رسايل أو يبعت حد يقولي عن أخباره أنا مش عارفة انام ولا عارفة اعمل حاجة خالص حاسة كأني مشلولة،هو ليه حق يزعل بس مش يسيبني
دخلت صباح بعد الاستئذان وفي يدها العصائر
صباح.. اتفضلوا العصير ياهوانم
شربوا العصير ورحلت ازهار وتحيا .
وجلست فاطمة تحاول أن تستعيد شتات امرها
🌸🌸🌸🌸🌸🌸🌸🌸
حليم وعبير
حليم..ياللا يا عبير حياتي
عبير..يهو يا حليم انا عايزة انام حاسة اني كسلانة اوي
حليم..هرمونات الحمل يا حبيبتي بس لازم نفكر بكرا اول يوم في الدراسة مش كده
عبير..ايوا يا حليم عارفة وانت قمت بالواجب وجبتلي لبس الخروج.
حليم..انا مش قصدي اللبس انا على العموم جايبلك معايا جدول المحاضرات والسكاشن بتاعتك
عبير..وانت جبتهم منين ومن مين انطق
حليم بضحك..بصي انا لي أصدقاء معيدين جوه الكلية ...وبس
عبير..طب انا عايزة مشمش ماليش دعوة لاالولا يطلع في وش حاجة وحشة.
حليم..نعم مشمش وده أجيبوا منين دلوقتي
عبير..ماليش دعوة ابنك عايزه اتصرف
تركها وذهب ليحضر ماقالت عليه....اه من بهدلة الحب
🌸🌸🌸🌸🌸🌸🌸🌸
مازن ونورهان
مازن.. قومي يانور يا كسلانة اتعلمتي الخمول.انتي ناسية انهاردة اول يوم في الكلية
قفزت نورهان من على السرير كالمصعوق من التيار الكهربي
جلس بضحك عليها بعد أن ذهبت إلى المرحاض
وبعد أن صلت وفطرت مع مازن ذهبت معه الى الجامعة.
🌸🌸🌸🌸🌸🌸🌸🌸
صباح.. الكلية انهاردة اول يوم ياهانم والبيه اتصل بالأمن وقالهم اني اجي اصحيكي
فاطمة بحزن..بلاش انهاردة حاسة اني تعبانة
صباح..بس البيه مشدد وقال إن السواق واقف بالعربية برا القصر
قامت فاطمة بتكاسل وذهبت الى الحمام توضت وصلت ولبست أحد الاطقم الذي اشتراها لها طارق ونزلت إلى اسفل كي تذهب
صباح..استني ياهانم ماتودنيش في داهية
فاطمة..في ايه يا صباح
صباح.. في أن حضرتك لسه مافطرتيش والبيه أمر أن انتي تفطري قبل ما تمشي
اكلت بعض اللقيمات وشربت شاي باللبن ومشت
عند مغادرتها للقصر وجدت احد الحراس يقول لها
الحارس..العربية هناك على بعد ثلاثين متر
ذهبت إلى السيارة بخطوات متثاقلة رتيبة
عندما وصلت إلى السيارة وجدته هي تعرفه تتشمم رائحته
نزل من السيارة واثبت إليه تحتضنه بدموع
فاطمة..بقى كده اهون عليك سبعتاشر يوم ماشوفكش انت ايه قلبك حجر وظلت تضرب بيدها الرقيقة على صدره العريض.
نظر إليها نظرة حب ثم أردف قائلا..كان لازم أبعد عشان اعرف غلاوتك عندي ومعزتي ليكي
فاطمة..انا آسفة انا عارفة اني غلطانة لازم ترجع القصر انهاردة
طارق..حاضر،وياللا عشان هتتأخري عن اول يوم
🌸🌸🌸🌸🌸🌸🌸🌸
نورهان بعد أن وصلها مازن اتصل بأحد معارفه
مازن..شوف شغلك يا معاذ وزي ماقولتلك
معاذ..حاضر يا باشا
حنان..اش اش مازن موصلك لحد باب الجامعة مش زي اسر وصلني عند أول الشأرع وقالي عندي شغل كملي ياحياتي
ضحكت نورهان...نحن نختلف عن الاخرين
كان في هذه الأثناء هناك من ينظر بغضب لنورهان
الدكتور خالد عبد الجليل معيد بالجامعة
خالدبغضب وبصوت مرتفع سمعه جميع الطلاب..ومين يا هانم يا محترمة اللي موصلك للكلية ويبوس ايدك ها انا ماكنتش اتصور انك بالاخلاق دي
حنان..يا دكتور ده...ولم تنطق لان وجدت نورهان تقع على الأرض لاغماءها.
ساعدت إحدى الطالبات حنان لتجلس نورهان على أحد المقاعد واتت ببرفان لتحاول إفاقة نورهان وعلى الجهة الأخرى اتصل معاذ وحكى لمازن ما فعله هذا المعيد واغماءة نورهان
مازن..طب انا جاي حالا
🌸🌸🌸🌸🌸🌸🌸🌸
عبير ذهبت مع حليم الى الجامعة بسيارته
دخل حليم معها
عبير..انت داخل ليه
قهقه حليم..انا لي صحاب هنا ورايح ليهم ها عندك مانع ياللا انتي هتتاخري عن المحاضرة الأولى
مشت عبير ثم وصلت إلى المدرج المخصص لها وقابلت سميرة صديقة الجامعة
سميرة..اهلا باللي مابتسالش
عبير..انا ولا انتي يا سلعوة
سميرة.. بعد أن جلست بجوأر عبير فتح الباب دخل بطلته الرجولية كل البنات في المدرج مذبهلين أما عبير فلم تراه بعد لانشغالها في تحضير كشكول المحاضرات والاقلام
سميرة..بصي يابت على الدكتور المز ده نظرت عبير إليه ثم علا صوتها بشهقة خضة..حليم
التفت إليها ثم.عرف الطلبة به واردف قائلا..وعشان ماحدش يقول كلمة على المدام بتاعتي هي موجودة بنكم احب اعرفكم بمراتي عبير......
لم تصدق عبير.. أن زوجها كان معيد من اربع أعوام ورجع مرة أخرى الى الجامعة
سميرة..بقى يا لئيمة يطلع المعيد جوزك وانا اخر من يعلم.
عبير اسكتي انا لسه مش مصدقة أكني في فيلم
🌸🌸🌸🌸🌸🌸🌸🌸
فتنة وممدوح
فتنة..انا راحة الحضانة مع رؤى من بكرا
ممدوح تروحوا وترجعوا بألف سلامة.تصوري ابوكي نضح على امي في الكلام دي بقت بتقوله يا سي عبدو وهو بيقولها يا ست عفاف عصافير يااخواتي
فتنة..وانت مضايق ليه
ممدوح.. انا مش مضايق بس زعلان على حظي المايل كان نفسي تقوليلي ياحبيبي من غير ماتكوني محتاجة حاجة.
فتنة.. بس فعلا ببقى محتاجلك ساعة لما بقول يا حبيبي
ممدوح اه من دلع الستات
فتنة طب يا حبيبي نفسي هفاني للكبدة الاسكندراني
ممدوح عيوني يفتننوني
فتنة بضحكة جميلة..هاهاها ربنا مايحرمنيش منك
🌸🌸🌸🌸🌸🌸🌸🌸
الجامعة كانت مقلوبة بمعنى الكلمة دخلت سيارة مازن وورائها عشر سيارات حراسة
مازن..نزل من سيارته
مازن..فارس تعالى معايا
ترك باقي الحراس في سيارتهم
رأه عميد الجامعة وسلم عليه
مازن بعد أن جلس
مازن..نورهان عماد الحناوي تبقى مراتي يعني اي حد لازم يعرف مازن السلحدار ممكن يعمل ايه لو حد زعلها أو داس لها على طرف... هاتلي الدكتور خالد عبد الجليل حالا
العميد..حاضر هستدعيه حالا
وبعد أن آتي كاد أن يضربه مازن لولا فارس فلقد حال بينهم حتى لا تتفاقم الامور.
🌸🌸🌸🌸🌸🌸🌸🌸
البارت القادم الأخير بأذن الله ارجو أن تنول اعجابكم
YOU ARE READING
حمم الجحيم(زمن السلحدار)مكتملة
Romanceالأولى في #الحب# بتاريخ ٢٠٢١/٥/٢٦ مازن السلحدار رجل اعمال ملياردير عالمي بنى نفسه منذ بداية شبابه وقبل هذا عندما كان في الحادية عشر من عمره و عندما وصل الى العشرين من عمره توحش واصبح غول الاقتصاد العالمي الى وصل عمره على مشارف الثلاثين قاسي بلا احس...
