Jungkook pov
Ka hma zawn a Lisa leh Jennie lo kal chu ka en reng a. Enge an duh chu ka hrelo. Engpawh nise ka pe lo ang.
"Kook-ah!" Lisa chuan nui chung chuan ati a. Ngawi hmak hian ka en a. Jennie in siam chhe zeuh pawh ka hmu. Buai na bak min thlen dawn lo.
"Jungkook, zan in party na ah I kal dawn em?" Jennie chuan a bag chu a thut na bulah a dah,a hma zawnah Lisa a thu ve thung bawk a.
"Chuan Jin oppa café ami jimin kha secretary atan ilo ruat tih ka hria a! Jennie,a cute tiraw?" Jennie chuan alo chu alo bu vat a.
"Mipa ani tih hi ka la ring theilo. Ka hmuh hmasak ber chuan 'noona' tih in ka ko a" Jennie chuan jimin hmel ngaihtuah Chung chuan ati neuh2 a. Lisa chu a nui chhuak deuh huk a. Ka thaw deuh hawk a. Hetiang mai mai an sawi ka ngaithla hman lo.
"Tih tur pawimawh in neih loh chuan in kal thei" tih leh thawh ka rual a. Ka ban a sana chu ka en a 8:21am chiah ala ni.
"Vawin ah Yoona noona kan hmu a!" Ka ding khawng deuh zawk. Lisa chu ka en a. A fianthu lo tih a hriat.
"Enge i sawi awmzia?"
"Vawinah Yoona noona kan hmu." Lisa chuan a ti ban deuh chap a. A thinrim tih chu a mit atang ka hre nghal thei. Yoona noona vang a kan buai na tawh te ka Rilru a rawn lang nghal a. Engtin phiangsen nge ala dam ka hrelo.
"Ka kut ngei a thah ka duh" Jennie chuan a ti ve leh. An pahnih chuan ka en reng a.
"Mr.jung,Ka office ah lo kal vat rawh" phone chu ka off a. Hoseok hyung pawh alo thleng nghal..
"Enge in tih a?" Lisa leh Jennie thinrim em em a lo thu chu a en a. A hnuah min en leh a.
"Jungkook,enge thil awmzia?" Hriathiam loh hmel zet hian ati a. Ka mitthla ah chuan Yoona a rawn lang a. Ka thisen chu a sa nghal phat mai.
"Yoona an hmu. Ala dam. A thi tawh emaw ka tia. Engtin nge ala dam theih a?" Thinrim in seh ruh tak chuan ka ti a. Hoseok hyung pawh a phu deuh zawk. Kha mi tenawm nu kha engtin nge ala dam ve reng theih?
Yoona vang khan kan thih phah tep a. Misual lak atang kan tlan chhuak thei hram a. Kha ramhuai nu kha ka hmu vaih anih chuan ka that nghal ang.
Dam hi a phu ve hlawl lo. Ka that khawp ang. Engtin nge mihring damlai ang pawn a rawn in lan leh theih zawk?
"Anih chuan Beakhyun leh Sehun ka hrilh anga,Jinhwan en thla tur in ka lo hrilh ang" Hoseok chu a phone phawrh chhuak in hmanhmawh tak in a tlan chhuak a.
Lisa leh Jennie pawh an chhuak nghal a. Chair ah chuan thu in uluk tak in ka in ngaihtuah a. Ka lu chu puak tur ang mai in a rawn na bawk a.
Ka damdawi chu la chhuak in hmanhmawh tak in ka ei a. Rei vak lo ah chuan a zia awm ve mai a.
Hreawm tuar miah lo a nikhat tal hun hman a,mi pangai ang tak a nun vawikhat tal hman ve ka chak thin. Mahse chung thil chu ka tan chuan theih loh hul hual ani.
"Hello? Hrep takah... Location min lo thawn rawh... Engzah nge?..Ka rawn thleng nghal" Ka phone chu ka dah a. Ka coat chung chu la in hmanhmawh tak in ka tho a.
"Mr.Jeon,hei hi Mr.park jim-"
"En nawn kher a ngailo. A tling." Ka tlan chhuak nghal vat a. Mak ti a min en tu ho pawh an tam a. Ka care hman lo.
*****
*Detective Park,I fiamthu anilo maw? Kum hei leh chen hi kan thawk ho ve tawh a. Khami tang thusawi avang khan HYPE CORPORATION CEO chu pawi khawih tu ah i ngai a maw?" Officer pakhat chuan mak tih hmel zet hian Chanyeol chu a en a.
"A call list,office atang a a chhuah hun leh luh hun te engkim Chiang tak in ka chhui a. Chuan,call record pawh ka nei a. Jeon jungkook lo hi chu tumah rinhlel tur ka neilo" Chanyeol chuan ati ve leh sak a. A âw ah chuan tum ruh na a tel tih a hriat theih.
"Anih chuan engtin nge amah ani tih chiang tak in i hriat theih?" Officer bawk chuan ati leh a.
"Date 19/6/20xx a thil thleng kha,Busan a ruang pahnih kan hmuh atang khan ka chhui a. Khami te Pahnih kha HYPE CORPORATION a hnathawk lai ve ve an ni a. Chuan Date 8/920xx zan a Cocaine,ketamine leh silai dan phalh loh a tawlh ruk na kan man zan kha ani a. Khami a case chingfel tu kha Jungkook lawyer Kim Namjoon ani. A dang pawh ala awm. September ni1 20xx a Road xxxxx a Car accident kha,a su tu chu Jeon jungkook car ngei ani tih fiah na ka nei bawk. Car a chuang mi pali te an thi a,mahse jungkook car a chuang te erawh hmuh tur an awm lo." Chanyeol chuan file a neih zawng2 chu Officer hnenah chuan a pe a. Officer pawh chuan uluk tak in a en a.
"Kan case buai tur hi thil ho mai mai anilo tih u hria tiraw?" Officer chuan hlauhthawn hmel tak hian a ti leh a.
"Aw ka pu. Ka hnung dawl tur in mi pali vel min pe la,engkim ka ching fel vek ang"
"I huaisen na hi ka chhuang lutuk. Mahse Kan hna hial kan chan phah thei tih i hria em? Kan nun na hial pawh hian a tuar thei. Hetiang mi lian lutuk chu kan chhui theilo ang" officer chuan a ti leh a. Chanyeol chuan mak ati ang reng. An area a officer ah chuan thil ti thei leh mi sawi hlawh tak ani a. Thip ti sual tu chu engtin nge a chhui ngam loh?
"Ka pu,min zui tur in mi pali min pe la. Eng-"
"A tawk. He case hi kan buaipui lo ang. I kal thei." Chanyeol chu thinrim in seh ruh tak hian a chhuak a. Officer in a a tih dan kha a awi theilo.
"Dawihzep hlawm lutuk. Keimah chauh pawn ka chhui thei alawm. In puih na ka mamawh lo e." A rilru chuan a ti neuh2 a.
"Detective Park. I duty a hun e."
"Awle." Chanyeol chu in siam in a duty na lam tur chu a pan a. A kal pah chuan jungkook chhui tan dan tur chu a ngaihtuah zel bawk a.
"Ka lak atang hi chuan i pil bo mai mai lo ang. Kei hian jail ah ka thawn ngei ang che." Tum ruh tak chuan a ti leh a.
****
Jungkook chu car atang chuan a chhuak a. Thawm dim thei ang ber in building hlui leh chhe ve tawh takah chuan a lut a.
Silai chu nghet tak in a hum a. Mipa pa5 vel nui ri awm na lam chu a pan a. Floor dang a thlen leh chuan a thawm hriat na chu a thleng a.
"Wow wow wow. Min bum in ka pawisa min chhuh sak theih in in ring em ni?" Jungkook chuan silai chuan a tin a. Chung ho hian an chil an lem khawlh a.
"In nun na kha in hlut lo anih ka ring." Silai chu a hmet puak nghal a. Rei vak lo ah mithi ruang panga a let reng a. Jungkook chuan pawisa chu la in a kal chhuak nghal a.
*****
Chanyeol a duty na lam pan a a kal lai chuan jungkook car dum,SUV a chuang chu a hmui thawi deuh fiak a. Enge maw ni tak a thlen ring in jungkook chu a umzui a.
Thil awlsam ani lo. Jungkook car chu a tlan chak in kawng kawi ah a lut thut2 a. Chanyeol chuan a hnungah a um zui ve zel bawk a.
Rei vak lo ah chuan tu vak mah chen tawh lo na hmun hi a thleng a. Silai puak ri a hre zui nghal. Hmanhmawh tak in car atang chuan a tlan chhuak a. Building chu zawng in a tlan kual nghal a.
A zawn kual hrep hnu chuan mithi ruang panga lo let reng hi a hmu a. Hmanhmawh tak in a pan vat a.
An la dam nge dam lo a han check a. An thi tawh!
"Hmanhmawh in Block xxxx north ah rawn kal vat rawh u. in beih na a thleng" a phone chu a dah. A hmun vel chu a en kual a. Car tlan ri a hre leh nghal a. Vanduai thlak tak in a hmu hman lo.
"Phiangsen chuan a." A bul a thing ho chu a tlawh thlu a. "Jeon jungkook,Ka hria che lawm. Nangmah ngei i ni. Ti khan i neih ho kha lo chen rawh." A ti vawt raih a. A in hum ruh sauh2 bawk a.
*****
He story hi chu kei ngei pawh hian ka phur pui tawp 🙂zan khat dan zelah lo dah ka tum ang.
^_^: Tunge Yoona Chu?
^_^: Eng vang in nge thi tur a an duh na chhan?
:-! Kan hre zel ang😀
Please vote🤗
Borahae all 💜
YOU ARE READING
Winter Rain {jikook}☑️
FanfictionMafia au "I tan ka bei anga,I tan chauh ka nung ang." Jeon jungkook "nang leh kei hi in tawng tur a duan kan nilo." Park Jimin Eng chiah nge thleng?engtin zel nge an awm? lo chhiar tawp mai rawh 💋
