في صباح اليوم التالي يلي هو كان يوم عملية جدي ، حبوبه قامت بدري و عملت لينا الشاي و كانت مستعجله ، قلت اكلمها بموضوع أمبارح ولا لٱ ؟! اتراجعت و قلت احسن اتأكد بالأول و اعرف هل أبوي ميت ولا حي عشان ما أعشمهم ساي، ،حيدر جانا م̷ـــِْن الصباح ، اتفاجأت لمن شفتو قاعد مع حبوبه ، طبعا لٱ سلمت لٱ اتكلمت معاه و بجنبو ما جيت مَـارّھٌ ،، حبوبه جاتني في المطبخ و قالت لي كبي شاي لحيدر دا ، قلت ليهو هو جا هنا ليه؟ يعنى عميان م̷ـــِْن بيتهم ، لبعتني و قالت لي هو قاعد ليك في راسك؟ و ما تعملي لي نفسك مضايقه م̷ـــِْن قعدتو دي عارفاك انا 😏 وقفت قصادها عديل و قلت ليها حبوبه! عايني لي كويس في حاجه في ملامحي و تفاصيل وشي بتأكد ليك اني مبسوطه بقعدتو دي؟! حبوبه يرضى عليك خلي حركاتك دي و ما تقولي لي كدا تاني ، قالت لي خلاص خلاص ما فاضل ليك إلا البكى هسي كلامي دا فيهو حاجه بتزعل؟! براك زعلانه و المتسبل بتبكيه القشه....المهم اعملي الشاي سرعه و جيبيهو انا ماشه استحمى .....
لمن جيت اعمل الشاي لقيت ماف سكر يعنى ح اضطر امشي اجيبو م̷ـــِْن الدكان ، شلت القروش و طلعت بسرعه عشان ما ألاقي فلان داك ، أول ما طلعت م̷ـــِْن البيت سمعت صوت بقول لي ماشه وين و طبعا دا حيدر م̷ـــِْن غير ما أتلفت عليهو قلت ليهو ماشه الدكان و اتحركت م̷ـــِْن جنبو ،، قال لي بنهره اقيفي....أول ما وقفت لقيتو لحقني و وقف قدامي ،، قال لي جيبي القروش ،، قلت ليهو بضيق ماف داعي براي بمشي أجيبو ،، قال لي مالك انتي في شنو ؟ قلت ليهو مالي؟ عايني لي بغيظ كدا و قال لي لآخر مَـرّھٌ جيبي القروش، قلت ليهو و انا بقول ليك للمَـرّھٌ الأخيره ماف داعي ، مسك يدي و شال مِڼـّي القروش بالغصب و قال لي أرجعي البيت ، قلت ليهو مالك انت لٱ بالجد مالك يعنى؟ فيها شنو لْـۆ مشيت انا الدكان! شاكك فيني يعنى! خايف ي.....قال لي القصه ما قصة اني شاكك فْيَگ بس انا موجود ليه تمشي انتي! مزهريه انا عشان تجي ماره بجنبي ! ليه ما قلتي لي انك عايزا حاجه م̷ـــِْن الدكان ،،صعب عليك يعنى تطلبي مِڼـّي امشي الدكان؟! قلت ليهو انا ما مكسره عشان أطلب مـڼـڱ و ما شايفه فيها حاجه يعنى ، براك خاتي حاجه غلط في بالك و ما بلومك والله لأنو البعمل الغلط بفتكر إنو كل الناس حتعمل زيو ، أحب اطمنك انا ما رخيصه للدرجه دي و مستحيل افكر اعم....قال لي شنو؟! غلط قصدك شنو؟ قلت ليهو ما تعمل لي نفسك بريئ و ملاك نفسك دي انت أدرى بيها مِڼـّي و ما محتاج اقول ليك البيك و العليك و......قاطعني و قال لي بصوت عالي و كلو ضيق مها ارجعي البيت ! طبعا لمن خلعني و خلى ناس الشارع كلهم ينتبهوا لينا ،،حسيت بالإحراج قال لي بنبره حاده عايزا شنو م̷ـــِْن الدكان، قلت ليهو سكر و م̷ـــِْن دون ما اترددت رجعت البيت ،،حبوبه قالت لي حيدر وينو و انتي جيتي م̷ـــِْن وين؟ قلت ليها و انا علـّى مشيه كنت ماشه الدكان اجيب سكر حيدر لحقني و مشى هو ، قالت لي عاد هو قاعد كيفن يخليك تمشي انتي راجل والله ، ما رديت عليها و طوالي مشيت المطبخ، بعد شويه حيدر جا وقف جنب باب المطبخ ضرب لي الباب و قال لي هاك السكر ، خطفتو منو و رجعت عملت ليهو الشاي، طبعا أديتو لحبوبه عشان توديهو ليهو ، قلت لحبوبه انا ذاتي ماشه معاك قالت لي لٱ احسن تقعدي كان مشيتي ما حتعملي حاجه و جدك دا شوفه ساي ما بخلوك تشوفيهو، قلت ليها حتى ولو بس عايزا أمشي معاكم، حيدر وقف على حيلو و قال لي ماف طريقه تقعدي يعنى تقعدي و يا حبوبه خلينا نطلع بعد دا، عاينت ليهو بنظره كلها ضيق و كراهيه لمن استغرب انا ليه بعاين ليهو كدا؟!.......
بعد ماهم طلعوا مشيت بيت عمي الطيب لإبتهال و عرفت منـِْهـ♡̨̐ـِْا إنو عدنان حيرجع و معاه أمو طوالي رجعت البيت استحميت و لبست عبايه و انتظرتو لحدي ما جا راجع ، قلت ليهو حترجع تاني ولا إلا بكرا قال لي راجع العصر ليه؟ قلت ليهو ماشه معاك انا، قال لي طيب لمن أقوم ماشي بديك خبر ټمـٱمـ قلت ليهو تماااام.
فعلا لمن كان ماشي ناداني و مشيت معاهو المستشفى، حيدر اتفاجأ لمن شافني و قال لعدنان ليه جبتها معاك؟ عدنان قال ليهو هي قالت إلا تجي معاي ليها كم يوم بتكلمني ، حيدر قال لي جايه لشنو يعنى؟ ما رديت عليهو و طوالي مشيت لأمي و حبوبه و سلمت عليهم و على الباقين ، بعد شويه حيدر جا و قال لينا انا طالع مشوار قريب هنا و برجع بعد شويه ، عرفتو ماشي يقابل روان ، عاينت ليهو بنظره خلتو مستغرب و بسأل روحو ، عاين ليـّۓ مساااافه كأنو عايز يقول لي ليه بتعايني لي كدا بس ما قدر....بعد فتره ما طويله عدنان جا و قال لينا في مطعم جنب المستشفى خلونا نتغدى هناك ، كلهم قالوا اتغدوا إلا هو و انا و حبوبه ، أمي قالت ليهو امشي انت و سوق معاك مها و حبوبتك ، و فعلا مشينا المطعم و طلبنا لينا أكل ، في الأثناء دي عيني وقعت على حيدر و هو قاعد مع روان ، الأكل غلبني و حسيت نفسي عايز أبكي بس ،، لَـگِنْ أبداً ما بكيت و أبكي لشنو يعنى و لمتين؟ الموضوع واضح و انا لآزٍمٍ افهمو هو ما بحبني هو بحب روان و فسختو للخطوبه دي ما بتعنى لي شي 💔 و اهو واضح إنهم عايزين يرجعوا لبعض ،، قعدت آكل كأني ما شفت حاجه و ما حسست عدنان و حبوبه بحاجه أكلنا و رجعنا المستشفى ،، لقيناهم دخلوا جدي غرفة العمليات ، أمي قالت لي بعد دا انتي و حبوبتك ارجعوا، حبوبه حلفت ما بترجع إلا العمليه تنتهى و تشوف جدي، قلت ليها و انا كمان ما راجعه ، طبعا المقاعد كلها كانت مليانه ناس و عماتي ديل إلا اولادهم شافوا ليهم غرفه بالركن كدا و قعدوهن فيها، أمي قالت لحبوبه امشي ارقدي جوه ، حبوبه قالت ليها لٱ لٱ بقعد معاك هنا، أمي نادت حيدر و قالت ليهو عليك •اللّـہ̣̥ اتكلم مع حبوبتك دي و خليها تمشي ترقد مع ناس أمك جوه، حيدر اقنع حبوبه و ساقها جوه بقينا انا و أمي و اعمامي الإتنين مصطفى و الطيب ، حيدر جا راجع و قال لأمي انتوا ذاتكم خشوا ارتاحوا شويه م̷ـــِْن الوقفه دي ، أمي عاينت لي و قالت لي امشي انتي انا ما تُعباُنٌهْـ قلت ليها و انا كمان ، عاينت لحيدر لقيتو بحمر لي، طبعا قدام أمي ما حيقدر يتأمر فيني ، أمي قالت لي خالك قبيل اتصل و قال لي مها دي ما راجعه للجامعه ولا شنو ، قلت ليهو خلال يومين حتكون معاكم ، حيدر قال ليها يعنى حتسافر تاني؟ ! أمي قالت ليهو أيوه ماف طريقه والله ، قلت دي فرصتي لْـۆ رجعت الأبيض ح اقدر امشي بيت العم جلال تاني و اسألو عن أبوي بس المَـرّھٌ دي لآزٍمٍ أكلم زول م̷ـــِْن أهلي عشان يكون عندو علم أو هو ذاتو يمشي معاي، بقيت أفكر بيني و بين نفسي و لمن رفعت راسي لقيت حيدر مركز معاي شديد كأنو بحاول يعرف انا كنت بفكر في شنو ، قلت لأمي عدنان وين؟ قالت لي طلع برا ، حيدر قال لي عايزا حاجه؟ هزيت ليهو راسي بمعنى لٱ، و كما أمي اساسا ما كنت ح اتفاهم أو اتكلم معاه ، بعد شويه أمي مشت تشوف حبوبه بقينا واقفين انا و حيدر بس ، عمي مصطفى نادى حيدر و هو طوالي مشى ليهو .
لْـۆ ما الحاج ناداني ما كنت عايز اتحرك شبر م̷ـــِْن جنبها ، مشيت عليهو و عشان اعرف ناداني ليه و لما جيت راجع ما لقيت مها قلت احتمال مشت لأمها في الغرفه الفيها أمي و عماتي بس أبداً ما كانت هناك ، بقيت أفتش عليها لحدي ما طلعت برا المستشفى و لمحتها واقفه مع عدنان و كانوا براهم ما عارف ليه حسيت بالغيره و زي كأنو في نار شاعله جواي مشيت عليهم ،، كانوا بتكلموا و أول ما وصلتهم سكتوا ، عدنان قال ليها خلاص لبكرا كدا بشوف الحاصل شنو، قلت ليهو في شنو يا عدنان؟ قال لي لٱ ما تشغل بالك و معاها ضحكه كدا، قلت ليهو يا زول بالجد في شنو؟ المَـرّھٌ دي ردت علي مها و قالت لي الموضوع خاص ما بنقدر نقول ليك ، كلامها دا وقع علي زي الصاعقه حسيت بطعنه في قَلبـ♡ــيے و الدم الفي شراييني بدا يغلي، موضوع خاص؟ بينها و بين عدنان؟ م̷ـــِْن متين و هم صحبه و بيناتهم أسرار كمان؟ مها أبداً ما بتتعامل مع زول م̷ـــِْن أولاد اعمامها عداي انا ، الحصل شنو فجأه ؟! بالجد ما قادر استوعب سر شنو البين مها و عدنان و ليه تقول لعدنان و انا لٱ 💔 قلت ليها خير يا زوله مش قلتي موضوع خاص معناها خاص و ما ينفع اعرفو ، بعد ما قلت گلآمَيےّ دا ما اتحركت م̷ـــِْن جنبهم ما كنت عايز أمشي و اخليهم مع بعض ، اخيرا مها استأذنت مننا و دخلت جوه أو خليني اقول استأذنت م̷ـــِْن عدنان و دخلت و انا كأني ما كنت واقف معاهم بالغلط ساي ما رفعت عينها و عاينت لي حسيت كأني عملت ليها حاجه أو غلطت غلطه لٱ تغفر 💔 م̷ـــِْن الًيَوُمًِ الطلعت بتبكي فيهو م̷ـــِْن بيتنا و هي بتتعامل معاي بالجفا دا ، بتتعامل؟ ! لٱ حتى معامله بقت ما بتتعامل معاي ، خلتني اراجع حساباتي عشان أعرف انا غلطت في شنو؟ قدر ما حاولت افكر و افهم انا عملت ليها شنو ما لقيت سبب مقنع يخليها تعاملني كدا 💔 دخلت المستشفى و لاحظت إنها بتتجنب الكلام معاي حتى نظراتها بالغلط ما وقعت فيني و المكان البجي اقيف فيهو هي بتمشي منو ، و استمرت كدا لحدي ما الدكاتره طلعوا م̷ـــِْن العمليه و طمنونا على جدي ، أمها قالت ليها بعد دا ارجعي البيت و المره دي انا ما عايزا نقاش نادتني و قالت لي عليك •اللّـہ̣̥ وصلها هي و حبوبتك، قلت ليها حاضر ،، بعديها أمي نادتني و قالت لي نحنا ذاتنا راجعين البيت قلت ليها طيب ارح اطلعوا ،، انا ح اتقدم ليكم ، فعلا طلعوا لي كلهم، عدنان قال لي العربيه ما حتشيلهم كلهم فالأحسن جزء يركب معاك و جزو يركب معاي ، قلت ليهو ټمـٱمـ ، فتحت الباب القدام لأمي ورا ركبت حبوبه عاينت لمها عشان تجي تركب هي ذاتا بس اتفاجأت لمن شفتها مشت و ركبت مع عدنان و باقي عماتي ،، اضايقت شديد بس ما اظهرت ضيقي فتحت الباب التاني لعمتي فوزيه و اتحركت بالعربيه و انا طول الطريق بفكر فيها و في تصرفها دا 💔.
"كان من الممكن أن ألجأ إليك في ليلة أرق كهذه لتخبريني أنه لا داعي للخوف وأن ما كُسر يمكن إصلاحه أو ربما تعويضه بأشياء جديدة تمامًا ، فأطمئن أكثر ، ويعود كلانا إلى النوم شاعرين بسخافة ما يحدث في العالم لأننا معًا لكن الحياة ليست بهذه البساطة".💔
"لا فرق بين عقلي وقلبي ، هذا ينبض لك والاخر يفكر بك "♥️🌻
يتبع.......
