سلام القمر

بارت 15

:قمر
ابتسم براحة شلون ابتسامتي من اشوفه ومن يجي على بالي من اشوف صورة ابتسامة من گد ماحلوه عصرته لگلبي عصر ضليت اباوعله من يحجي واشوفه شلون من يذكر اسمها الابتسامه متفارگه ابد گال
جنت بالمستشفى واجتنا وجبة طلاب وطلبة مال تمريض ديطبقون بالمستشفى  وبس هالسنه والسنه الي وراها ويتخرجون جانت اكو وحده ممرضة واگفة من ضمن المجموعة وزعوهم وهيه جانت وياي هيه وطالبه وطلاب اثنين جانت هادئه الى درجة ضليت كل اليوم مركز وياها بين كل تلث ايام تجي تطبق وعيوني متفارگها
من گتلي حتأخر عندي شغل بالمستشفى رحتلها موو گلتها ومابينت الغصة
ابتسم گال لا واي لا لان جان صدك عندي شغل وعملية واي لانو اني جنت مشتاقلها
...اي كمل
...اي فضليت هيج الى ان صارت عندي عملية وگالو خليها توگف وياك گتلهم تمام ماشي فاتت كمت اشتغل بمعدة المره واباوع على عيونها الا شويه تموت بيدي قررت انو اختبر مشاعري واعرف اني احبها لو لا رحت للمستشفى واني جنت المحلها وجانت كلشي تريد تطلبه مني واني جنت منطيها الامان كلش رحت وصفيت كلشي شغل مال اسبوع صفيته ضليت تقريباً سبوع واني مارايح للمستشفى ولا طابها صرت اشتاقلها وهنا عرفت مشاعري حقيقة تجاها لا اكلج ولا تگوليلي اربع ايام ورحت للمستشفى جانت مموجودة رحت على صاحبي محمود وينها گال انقلت گتله ووين  ماعرف شنو متعرف تنبش الگاع عليها مشيت من يمه ورحت عالمدير سلام عليكم
وعليكم السلام تفضل دكتور
مشكور دكتور زاد فضلك جانت اكو حده من مجموعة الممرضين الي طبو اسمها نور محمد صح نقلتوها
لا ابني بس هم يوميه حيطبقون بمستشفى
هزيت راسي بالقبول اگدر اعرف اسم المستشفى
گال اي يمكن گالو بمستشفى ***
تمام مشكور دكتور رحتلج طاير عليها الف حادث ردت اسوي بالطريق وگفت السياره وطبگتها لگيتها بالحديقه مال المستشفى
رحت عليها سحبتها من ايدها جبتها لحد سيارتي لان جان المكان مابي ناس وهيه تصيح بصوت ناصي دكتور سلام ...عزا عاي شبيك دكتور
بيييهه انتيييي انييي مو گتلج ممنوع تطلعين من المستشفى مالتي
هااا گلت لو مگلت
هزت رأسها بخوف
سحبت نفس حتى اهدي نفسي
نور اني اخاف عليج اني اعرفج خوش بنيه بس اكو دكاتره يخلوج خفر ويسوي الي يريده وياج وانتِ نايمه وهو الممنون
فتحت عيونها على كبرها صح عيونها صغار بس احبهن
گالت وهيه تصطنع القوه انته انته شلون تحجي وياي بهالشكل ماتستحي بعدين شلون هيج تگول كلام عيب گدامي اني بنيه وعيب اسمع هالكلام
ضحكت من گالت كلام عيب گتلها ميخالف يلا روحي جيبي چويلاتج وتعاي
ماا معليه مااروح
شلون حتنبسط هنا سويت  روحيي رككضض
فزت وراحت صعدت بالسيارة والجكارة بحلگي صار اربع ايام اشربها بحرگه هسه دشربها براحة اجتي من المستشفى واني باوع عليها صعدت بالسيارة من بعد مااشرتلها بغضب گعدت وصار الهدوء يعم عالسيارة جانت المستشفى بعيده عن المستشفى مالتي
...انتِ وين ساكنه
...ليش!؟
...مو دخطبج گلتها بالشقة وين ساكنه
...بـ**
...هزيت راسي
وصلنه للمستشفى گبل لا ننزل گتلها
...اول واخر مره تروحين لغير هاي المستشفى خوشش
...هزت راسها بالقبول
نزلنه ودخلنه للمستشفى جانو محمود وامنه سوه هيه شافت نور عيونها وصلت لگصتها محمود غمزلي ابتسمت ومشيت من يمهم ونور جانت ورايه رحت للمرضى وهيه المساعدة مالتي صارت بدون متدري مرت فتره واني ابد ماافارگها المح ابسمر فمره اجتي عليه گالت دكتور سلام تريدني بوقتها جان اخر اسبوع الهم يطبقون
...هزيت راسي بالقبول أگعدي
...گعدت وهيه مستغربه
...نور انتِ تعرفيني صح
...اي دكتور
...راح احجي بس لتقاطعيني تما
...تمام
... نور ماني ماعرف الف وادوراني احبج وحياتي فاهيه وناقصها نكهه هاي النكهه والطعم انتِ
...فتحت عيونها بتفاجئ
...گمت من المكتب گعدت مقابيلها
...نور انه احبج ورايدج رادت تحجي ادري حتگولين شوكت وشلون من اول ما شفتج  اني ماگدرت افارگ المستشفى يومين ومن عرفت منقوله لغير مستشفى وانيي جن جناني عليج
...ضلت ساكته
...بس تگولين اي اخطبج من اهلج والله
...رفعت راسها وخدودها حممررر  وگامت بسرعه طلعت
...مگالت لا يعني مارافضتني ولا كالت اي وقابلتني بس اذا مخليتج تقبليني مااستسمى بسمي مرت يومين واني مخليها على راحة راحتها وعادي مثل قبل لا اعترفلها  بيوم شفت دكتورة آمنه دترزل بنور يابه شصار بيه رحت واسمعها تگوللها انتي شغلتج بالمستشفى خدامة عليش شايفه نفسج يلا مسحي الدم بالوصلة فتحت الغرفة عليها جانت هيه ومريض ونور وممرضتين
...نوووررر گوووومييي
...باوعتلي امنه جريت نور من ايدها وكومتها رحت على آمنه رفعت اصبعي بوجها وروحه للنبي وحق عزة وجلالة الله اذا سمعتج بعد متعرضه لنور ولا مسويه وياها هالتصرف والله المستشفى اگلبها على راسج اخير جمله گلتها بعياط بعدين يالثورة هاييي ممرضة اكو ناس مختصة بالتنظيف مو همه هذوله ويانه وييه المريض طلعت وماباوعت بخلقتها صحت نور ورايه طبت للمكتب مالي فهااوه بطليها ترا ياكلنج ويشربنج يولي صيري عرمه شويه
...هاا اني
...شوف يولو شوف لعد امييي
...ضحكت يابه لو فرفحت گلبي عيب غيرر هيه دكتوره واكبر مني
...واذا ثوره على نفسها مو علينه
...مره لخ ضحكت وطلعت غمازتها عيب ميصير
...ضليت صافن عليه واتأملها بهدوء التقت عيونه وخرت عينها
...لتوخريها لتخوخريها خليني اشبع منها شوف وماضل اتحسر بالليل ماحن گلبج وتريحين گلبي وتردين الجواب
...بسرعه انهزمت
باليوم الثاني اجتي مره جبيره ووياها بنيه هالبنيه مو راحه طبت امها وگعدت جان تحجي بمياعه اتذكرت بيها سحر من جتي هم هيج لحالها لابسه الشال صارت تحجي وامها ساكته واني هم ساكت خلصت سألت امها
...حجيه شنو تحسين وين وجعج بالضبط
...كالت بنتها مو صار ساعه احجيلكياها
...صديت عليها عزيزتي الوجع محد يحس بي بس صاحبه والدكتور
... صارت تحجي امها وهيه كلشويه ناطه نطيتها دوه علاج مادري شنو دتاخذ من الراجيته لزمت ايدي نصها طبت نور عيونها طارن من العصبية ابتسمت بوجه هاي البنيه وراحت
گعدت رفعت راسي هاا نورر انتي هنا هستوني دصيحج
ايي هنا خير شتريد گالتها بنتره
غلست عالنتره مالتها الغرفه كذا مريض كذا روحي اضربي ابرة مالته بالوريد هزت راسها ومشت مزعوجه وره شويه رجعت هاي البنيه علمود الادويه ومواعدهن عليهن انطتني العلاگ وهم طبت نور اشرت عالدوا واتطيتها العلاگه مالتها وهم عادت نفس الحركة نور بسرعه طلعت جان تكول اكو علاج لقلبي گتلها مابين امها ملتهيه بالعلاج وتشوف بي والله لو تشوفين علاج قلة تربيه وادب احسنلج
باوعت متفاجئة تفضلي عزيزتي واني ااشرلها عالباب
طلعو واني رحت ادور على نور لگيتها وحدها بغرفة الممرضات جاي تحط غراض وتعزلها فتت وهيه منطيتني ظهرها جانت تحجي بصوت مسموع
...انوب عليه المراجعات اخلص من الثوره امنه يجني هنه وهو ولا عبالك ولاجن گدامه مطيه والله اني كلبه بنت سطعش كلب ا.. حشاج حشاج حبيبي بعدين عليش تسبين عمي
اندارت متفاجئة ومفتحه عيونها كلها
...والله محد حيجلطني غير هذني
تمشيت باتجاها شبيها نور حياتي
...لا يابه عليش جيت جان رحتلها للخانم جان اسفردت بيها فدنوب عليش جاي عليه
...ابتسمت عليها ...غيرانه!؟
...لاا مو اني الي اغار من هيج اشكال
...امم ديلا لعد حروح عليها
...اي روح رووح عليها
...دطلع قفلت الباب گتلها بگلبي والله لو اطلع بموافقتج لو موافقتج
...انداريت عليها اي اعتبريني رحت عليها شسوين احجي وامشي باتجاهه
...مااسوي شسوي مثلاً
...يعني اروح !؟
...ايي گالتها بغيض
...وصلت الها كلش
...گوليها وريحيني
...رفعت عينها بعيني
...اييي ايي عفيه هيج خليني هيج طول عمري
...خجلت ...دكتور سلام
...سلام سلام بدون دكتور كلتها واني مسطور بعيونها
...سكتت وراها بشويه گالت سلام
...عيونه رويحته گلبه يبعد گلبه لسلام
...ضلت تباوع بعيوني صافنه واني ولامدي ارمش مرت دقيقة واحنه بس نباوع بعيون بعض عينها بيهن خوف بيهن رهبه
...احبك
گالتها واني ممستوعب انو كالتها
...عيديها
... ضحكت احبك احبك احبك احبك احبك
...اويلي يابه الحك وليدك اموت عليج
...نور حياتي انتِ اليوم اروح على ابوج والجمعه الگعده
...عزا سلام حيل مستعجل بعدين خلي اكمل هالسنه واني مابقالي شي هنه بس شهرين امتحن اخير السنه ونهلي هطوبتنه سنه ومن اتخرج نتزوج وتعال
...حطلع قبل لايجي احد وبعدين نتفاهم خوش حبيبي
...هزت راسها بالقبول
...احبج
...اموت عليك
طلعت والراحة فووول عبالك ملكت الدنيا سنه كامله اني معلعل وهسه دننتظر تخلص امتحانات وروح اخطبها
قمر
حطيت ايدي عالطاولة الگدامي مال مطعم الي نزلني بي سلام حتى يكمل قصة حبه وقصة موت گلبي سألته وكأنما اريد اقضي على حياة گلبي
...تحبها!؟
...باوعلي كلمة احبها قليله كلش قليله احسها كلمة تافهه مقابل حبها حبها مثل البحر عميق ومااله نهاية مادري من شوكت وشلون هيج حبيتها بهالشكل الجنوني هذا
...ابتسمت بقهر الله يخليكم لبعض
...آميين ...قمر هالحجي يضل بيناتنه مو يطلع
...اي اكيد يله گوم خنطلع
كمنه طلعنه وهو يحجي بيها وصلت البيت ودعته فتت مثل كل مرة تغديت وصعدت حالة صمت مريبه مرعبه كلش منطقت ولا حرف نمت وگعدت اقره وماما صاحتني عالعشى ونزلت وهيج كضن الايام كلها كل يوم يحجيلي عليها ويوصفلي حبه الها خلصت امتحانات وعطلنه بيوم الجمعة العصر جنت گاعده دااصبغ بأظافري دگ تلفوني سلام تعجبت شعجب داگ رديت
...الو!
...الو قمر معهدي احد غيرج حاجيله رايد نصيحتج
...نصيحتي اني!!
...ايي انتي
...شكو شصاير !!
...ابوها رفضني
...شنوو ليش مااجذب جان اكو خيط فرح بس للامانة والله زعلت عليه
...رحت علي اليوم وگتله انو اني جاي اخطب نور بنتكم واني شفتها بالمستشفى وانعجبت بيها وبتربيتها واخلاقها ومن هالحجي واني سلام ابن الشيخ عطية وهيج وهيج وتگدر تسأل عليه ومااعرف شنو گال نفكر بالموضوع واردلك خبر طلعت واني متأمل بخير گبل ربع ساعة خابرني يگلي ماكو نصيب شسوي
...شنو شسوي يرادلها فد علم يعني اكيد ضل اخطبها لحد ميوافقون