#شمس🔥
الحلقه 14ج 2
.
سند توسعو عيونه بصدمه: مستحيل تكون هيا لا
امير: سند شن يلى صااير
سند قدم خطوتين وياخد فى نفس
محسن يشوف ل سند وقعد يحاول ايدقق
عند شمس
شمس شدت فى يدين وسيم: الفتره هاذي لازم روبى تختفى وانت لاازم ترجع لروتينك الطبيعي
وسيم هز راسه: اى اى ضرورى
شمس : تمام معنها برا ل المركز وانى حنقعد مع روبى
وسيم خدى نفس وشاف ل الحوش
شمس : وووسيم
وسيم: تمام خلاص حنمشي وحنرجع بكرى ووقف
شمس ابتسمت : تلقانى مستنياتك
وسيم شافلها وابتسم بخبت: زى ايام زمان
شمس ضرباته ع كتفه : ايي قداش ليها العضله هاذي متحركتش
وسيم عرض كتافه وغمزلها : حنرجع بكرى امالاا وضربها بصبعه ع جبهتها
شمس: احووو قاعده حارهه
وسيم ابتسم وقرصها ع خدها: ديري بالك على روحك
شمس بخبت: حاضرر حندير بالى عليها
وسيم شافلها وطلع وهو يضحك
شمس تشوفله كيف يباعد ومبتسمه خدت نفس وهيا تشوف ل الحوش طلعت بوكس الملاكمه وبدت تدررب ....
عند بتول
كقطقطق
بتول فتحت وقلبت عيونها بمملل: اهلينن
مروان : فى بنت تستقبل قى خطيبها هكي
بتول خدت نفس وتشوفله ومبتسمه
مروان ابتسم : حاولت نلبس ابيض
بتول: بالرغم ان تبك بس ابيض بس يجنن عليك
سحر: بتول
مروان ابتسم : هئحم
بتول : ء ء تبيي بابا صح
مروان: اى سمعت انه مريض
بتول ابتسمت : اى خش
مروان شاف ل سحر : كيف حالك حاجهه
سحر: حاجه؟؟
مروان: وليتى مرت بو خطيبتي شن تبيني نقولكك متلاا ..
سحر خدت نفس وجايه بتدوى
مروان خش وهو متجاهلها وشويه وجى موسيي
موسى : بردهه بسيطه يا ولدي
مروان : انشاء الله لابأس
موسي : اى ياولدى كنت مستنيكك تعرفنى نحب تهدريزك
خفاش شافله وابتسم
موسي: عرفنى على عيلتك لو عادى
خفاش خدى نفس عميقق ووصل عمقه ل جرحه وهو يدكرر غمض عيونه
موسي ابتسم بحزن : اسف لو متبي...
خفاش فتح عيونه : لا اصلا لازم تعرف
موسي حط ايده ع كتف مروان
مروان ابتسم بمجامله : بوى اسمه سليمان منعرفش عليه هلبا حاجاتت وتنهد لان حياتى معاهم كانت قصيره 😪
ماتو وكان عمرى خمسه شهورر
موسي: الله يرحمهم ويغفر لهم
خفاش : امين
موسي: وامكك وعيلتها
خفاش توسعو عيونه وعروقه برزو
موسي يشوفله ومش فاهم
خفاش خدى نفس وهوا يقاوم: عندى خال
موسي : كويس
خفاش: بس مش ممن عيلتى
موسي يشوفله وحاير
خفاش : خدانى بس ع خاطر الاملاكك
موسي نصدم وحاول يغير الدوه: انت وين كنت تسكن
خفاش قعد يشوف ل موسي: هربت
موسي: من خالك
خفاش: اى هربت
موسي بلع ريقه ومش مصدق
خفاش خدى نفس: كان عمرى15 السنه وقتها
موسي: و و وكيف صار
خفاش: متحملتش المعامله يلى كانو يعاملونى فيهاا كان خيارى الوحيد انى نهربب وندور اى مكان ننجأله
موسي يسمعله ومصدوم
خفاش مسح دموعه قبل ليشوفهم موسي: هربت فى الليل و مكانش عندى مكان نمشيله
موسي شافله
خفاش : المكان الوحيد كان ل قبر امى وبوى
موسي مسح دموعه: وبعدها
خفاش خدي نفس : بتت يومها جنبهم وبرغم الجو سقعع بس ادفيت ب ترابهم
موسي مسح وجهه بيديه
خفاش خدي نفس : كان السقع والريح والتراب اهونن من العذاب يلى عشته فى الحوش هضاكه ،
موسي بتردد: خلوك تقعد فى المقبره
خفاش ابتسم: لا
موسي يشوفله ومش فاهم
خفاش خدي نفس : كنت نفيق بكري وننقز من صور المقبره وفى اليل نقز ونخشلهم تاني و الصبح نقراا وفى العشيه نخدمم
موسي : وشن خدمت
خفاش: اي شي كان يجي قدامي نخدمه
موسي تنهد
خفاش : وبعدها صاحب المقبره شك فيا
موسي : اي
خفاش ابتسم : وحكيتله قصتي لحتي يخليني بس ، اتأتر بحالتى واصر انى نروح معاه بس رفضضت عطاني مفتاح الحوش يلى كان بجنب المقبره بس من بره واستقريت فيه
موسي : وبعدها
خفاش خدي نفس : جى الصيف وبديت نخدم ليل نهاار وفى الليل نروح درت شفره وتلفون وكنت مقرر انى نستأجر حووش واستأجرت فعلا و كان عمي احمد يتصل بيا كل يووم وفى كل يوم كنت نكدب عليه
موسي : بشنو
خفاش: هوا كان فى المانيا وميعرفش بيلى صاير معاى ويكلم فى خالى بس ميردش عليه ولو رد يطمنه انى كويس
موسي: وخالك
خفاش ابتسم بهزوه: كان يبيي يتخلص مني اصلا
موسي : متوقعتش قصتك هكي مروان
مروان ابتسم
موسي: وبعده
مروان: لما رجع عمي احمد وعرف بالقصه تعفلق هلبا ولدرجه متنوصفش، رفع قضيه ع خالى وخالى نحبس وخدانى معاه ومن يومها معتبريني فرد منهم ❤
موسي ابتسم : تنحب يا مروان
مروان ابتسم
بتول خشت بالقهوه
مروان شافلها وابتسم بحب
بتول عطاته القهوه وعيونها معبيين دموع حطت السفره وطلعت
مروان يشوفلها ومستغرب
موسي : اي وشن اسمها امك
مروان ابتسم : اسمها عببير محمد ال
موسي بلع ريقه وشاف ل مروان
مروان شرب قهوه وشاف ل موسي
موسي نزل عيونه من مروان وابتسم بمجامله: عندك صوره ليهم
مروان ابتسم وطلع صوره من جيبه
موسي قعد يشوف ل الصوره وملامح وجهه تغيرو
مروان بعفاويه : بوي كان عنده اسمين لهاذا مكتوب نصر الذين وعبير اهنى
موسي يشوف ل الصوره وبلع ريقه
مروان انتبهله:فيك حاجه
موسي شافله وعطاه الصوره: ءه لا
مروان خدي الصوره وحطها فى جيبه
