مدى

تَجاوُز .. ؟

صباح/مساء الخير حبايبي💕

…

جوري أحمر وجهها وضربت كتف عبير ضربات سريعة ومتتالية بخجل

جوري : صدمتينييي!!!.

ضحكت عبير محاولة انها ما تنحرج اكثر وقالت وهي تتنهد : وبس اللحين علميني

مين ذي رزان عشان لقافة نجود بتذبحها .

جوري : اوه رزان ذي صاحبتي .

عبير : ووين رحتوا ذاك اليوم؟.

جوري : طلعنا نتقهوى .

همهمت عبير وقامت وهي تطقطق في جوالها

التفتت لما حست بيد جوري مسكت ذراعها

جوري ابتسمت بهدوء : وش رأيك .. نسويها المره الجايه في بيت جدتي؟.

توسعت ابتسامة عبير وهي تومئ : أكيد .

...

يوم الثلاثاء آخر الدوام في المدرسة

لوليا تنهدت وهي تبعدها من رأسها : انتظري يخلص هالاسبوع واحسبي عليه

من أسبوعين لثلاثة وبتلاقيني عندك .

اميرة وهي تتشبث فيها اكثر نفت بطفولية : لا لا خليك معييي .

جوري تنهدت من اميرة وقالت : ترى نورة جاية فأبعدي بالطيب

قبل لا تعطيك ضربة احسن لك .

اميرة زاد نفيها وهم مكملين مشي للبوابة الخارجية

تسارعت خطوات نورة لما شافت اميرة

وبسرعة وخفة بعدتها عن لوليا

وسحبت لوليا محاوطتها بذراعينها

اميرة عبست : وجع بعدي ابي لوليا .

نورة : روحي بعيد هذي حقتي .

لوليا تنهدت من طفوليتهم قبل لا تبعد نفسها عن نورة وتقول وهي

تحاوط ذراع جوري

لوليا : أنا بطلع من جوري وانتوا تفاهموا رفعتوا ضغطي.

حاولت اميرة تلحقها لكن نورة سحبتها من ورى : تعالي تعالي انتِ .

ركضت نورة للوليا وعطتها بوسة خفيفة قبل لا ترجع لأميرة وهي تشمر اكمامها