Vixen 3: The Abused (RAW)

Chapter 10

(Noam's POV)

"PAANONG hindi ka sasama?"

"May lakad kasi ako ngayon." Medyo hirap kong sagot kay Enzo. "Pasensya na talaga ah? Marami kasi akong gagawin ngayong araw kaya hindi ako makakasama sa inyo."

"Oh, it's okay. Sasabihin ko nalang kayna Andrei at Jethro, pero saan ba yung lakad mo? Baka pwede ka naming isabay at ibaba roon sa pupuntahan mo."

Kinagat ko yung ibabang labi ko habang hinihigpitan yung pagkakatali ng itim na plastic bag. Punong-puno iyon ng laman kaya nahihirapan akong ibuhol yung taas non para isara.

"Hindi na, kaya ko na. Tsaka dyan lang naman ako sa mall pupunta, may kikitain lang."

"Okay, sige. If that's what you want. Tawagan mo lang kami kung may kailangan ka."

Nagpasalamat ako sa kanya bago natapos yung tawag.

Maingat kong tinanggal yung cellphone mula sa pagkakaipit sa balikat at tenga ko tsaka ibinato sa sofa bago nilingon yung iba pang plastic na naglalaman ng kung ano-anong basura at mga bagay na hindi ko na kailangan. Nagkalat sila sa sahig kasama ng alikabok na nalinis ko mula sa mga estante at cabinet pero hindi tulad kanina na makalat. Ngayon ay ilalabas nalang ang basura at lilinisin ang sahig.

Sabado kasi ngayon kaya nag-ge-general cleaning ako. Pagwawalis at pagpupunas lang ng mga bintana at sahig lang ang nagagawa ko sa araw-araw dala ng pagiging busy sa trabaho. Imbes na sumama kayna Jethro na gumala ay mas pinili kong maglinis, routine na rin kasi namin yon na sa loob ng isang buwan eh kakain kaming apat sa labas pero iba kasi ngayon.

Ito yung araw na sinabi kong mag-di-dinner kami ni Morgan at treat ko, syempre hindi ko yun nakalimutan. Tutuparin ko yung pangako kong ilibre sya, tulad ng pagtupad nya sa pangako nya.

"Let me stay in your life." Anya. "Then I'll spend every minute of my own life fixing everything that is shattered inside you."

Ngumiti ako nang maalala yung mga sinabi nya kasabay ng pag-iinit ng mga pisngi ko.

Masyadong mabilis yung oras, ni hindi ko namalayang nasasanay na pala ako sa presensya nya. Hindi lumilipas ang isang araw na hindi kami nagkikita ng isa o dalawang beses, nakagawian nya na ring magpunta sa eskwelahan para lang makipag-lunch sakin. Ang dami ko ng nagamit na excuse sa mga kaibigan ko masabayan ko lang syang kumain, ewan ko pero ayoko muna syang ipakilala kayna Enzo.

Minsan tuloy pakiramdam ko tama lang talaga na nagkakilala kami ni Morgan. Kahit papaano ay nababawasan yung mga iniisip ko.

Nagpakawala ako ng malalim na buntong hininga bago pinagmasdan yung mga plastik ng basura, matapos bilangin kung ilan ang mga yon ay nilingon ko yung wall clock.

"Ala-una pa lang, alas tres y medya kami magkikita. May oras pa ako para mag-ayos."

Hindi pa kasi ako naliligo, masyado akong busy para maglinis ng bahay to the point na hindi na rin muna ako naligo hehehe. Ayos lang, hindi naman malalaman ni Morgan tsaka mamaya pa naman kami magkikita.

Sinubukan kong bitbitin yung pinakamalaking garbage bag pero hindi ko mabuhat dala ng sobrang bigat kaya nagpasya akong hilahin nalang palabas.

"A-ang bigat..." Pinunasan ko yung pawis sa noo ko tsaka binuksan yung pinto bago ipinagpatuloy yung paghila. "C'mon, m-magpahila ka na, maliligo pa ako-ah!"

Hindi ko naituloy yung sasabihin ko dahil may kung anong malambot yung dumampi sa pisngi ko. Otomatiko ko rin na nabitawan yung plastik at napaatras habang nanlalaki ang mga matang nakatingin sa kanya.

"Morgan?!" Sinapo ko yung pisngi ko na paniguradong namumula na ngayon matapos nyang halikan.

"Hey." Hinawi nya yung berde nyang buhok na marahang dinadala ng hangin.