چا والوعد ؟
❔❔❔❔❔
چا والرسايل والصور
والحيل احبك ؟
❔❔❔❔❔
چا والعيون البچتلك ؟
❔❔❔❔❔
كبرنا هواي
واحنه ازغار
كل دمعه بكبر خدنه
چا والليل ؟
چا والشوك ؟
چا والشيب ؟
باگ هواي من عدنه
❔❔❔❔❔
چا يمتى يجيسك شوگ ؟
چاستني سواجي الشيب
❔❔❔❔❔
وهسه تريدني
بطرگ الهلا اتلگاك
چا ...والشيب ؟
❔❔❔❔❔
چا والناس من تسأل ؟
شگللهم
خان وخلصت العشره
❔❔❔❔❔
چا عيوني الذبلتهن بالهجر
ما شورن ؟
❔❔❔❔❔
چا هيه هيج تروح
واني بعازتك
❔❔❔❔❔
چا شتخسر ؟
لو تصير انسان
شويه بگلبه حنيه
❔❔❔❔❔
چا ليش اشتهي ملگاك
وانته بكلشي لاچمني؟
❔❔❔❔❔
چا ورد روحي الذابل شسوالكم
چا بالچذب عفتولي بس اخيالكم
❔❔❔❔❔
گلت من اشبگك تحن
چا هيج تنكت ايدي ؟
❔❔❔❔❔
چا والضيم ؟
والحسرات؟
والدمعه بتوالي الليل ؟
هذن ما وگفن بعينك !
❔❔❔❔❔
هوا الضيم لو ينباع
چا منه بنيه قصور
❔❔❔❔❔
حگه اليكول تهون چا هيه مو بي ؟
سنين العسر والضيم ما مرن اعليه
❔❔❔❔❔
ولك لو تسوى العتب چا عاتبيتك ؟
عمري برديه شتا وبگاع هيمه
وعمري سباحه جرف عاشت يتيمه
وانته مطرت صيف مرت #ياحريمه
❔❔❔❔❔
شنهي اليجبرك ع الصبر
شنهي اليجبرك منتضر
وچا شنهي خلوك ومشوا ؟
ما وزنوك بأي وزن
المن #تحن
❔❔❔❔❔
وتخون گلبي وتعتذر
وترد ولا چنك خنت
چا هيچ گالولك تحب ؟
❔❔❔❔❔
حمد لو بي سوالف شوگ
چا رد وشبگ ريله ؟
وچا خله الهوى المتعوب
باخذ حيل من حيله !
❔❔❔❔❔
..لو تدري شحصل بچفاك..؟
چا حنيت.
چا رديت.
يلخليت بيه جروح..
من رسوم وجهك ليش ماخليت..
❔❔❔❔❔
چا والسهر والغيرة والمشتاقين
والوينك اتاخرت وابقى متاني
❔❔❔❔❔
چا ليش من دون البشر
مليانه هم گلوبنه
❔❔❔❔❔
چا هوا اليشوف عيونك
يغني
❔❔❔❔❔
مو انت گلت من تختنگ تلگاني راحة بال
چا وينك
❔❔❔❔❔
چا ليش التعزه الروح
ياخذ حيل من حيلك
❔❔❔❔❔
اذا طگاتنه من اعزاز
چا ياهو اليرد حگنه !
❔❔❔❔❔
چا عبالك الينعاف
حوبة شوگه ما تكتل ....
❔❔❔❔❔
كون مامش ليل
چا كلش نسيتك
❔❔❔❔❔
المر لو ينجرع
چا ترسو الفنجان
❔❔❔❔❔
انه اول ابنادم گلبه ما يبرد
انه المبيوع سد بسد
انه الخلص حياته يگول
چا وحد
❔❔❔❔❔
چا ما ترد
يالكاسر بصدري النفس
وبروحي كاسر عافيه
❔❔❔❔❔
چا واني ورث لو وزعوا مااگول
اول مرة اگل البشر
چا واني
❔❔❔❔❔
اذا بينه بخت ترجع تحن لينه
واذا ما بينه چا نستاهل البينه .
❔❔❔❔❔
چا وگلبّي !
چا وكِسري
چا عِفت كِلشيّ وبعّتني
چا شگلِك فَرگاك هيّن
شنسىٰ يا لچمة واعذرَك
چا والعِيَون الـ بچتلك !
والدرَابيِن الـ خذت صَوتي ومشتِلك
چا والعزاز الـ عِفتهّا
والبچي ودكِات گلبّي ذَني شنهيّ !؛♥️"
