دل جسے چاہے ( رمضان اسپیشل) (مکمل✔️)

قسط نمبر ۲۳

پلٹن چھت پر بیٹھی تھی۔۔۔۔ سب کہ منہ لٹکے ہوئے تھے۔۔۔۔

کیا سے کیا ہوگیا ہے۔۔۔۔ ثانیہ نے کہا۔۔۔

رائتہ پھیل گیا ہے۔۔۔ شامیر نے ثانیہ کو دیکھتے کہا۔۔۔

جو کہ تم نے ہی پھیلایا ہے۔۔۔۔ سیرت ثانیہ کو دیکھتے بولی۔۔۔۔

اور اس رائتہ کو صاف بھی تم ہی کروگی۔۔۔۔ شیراز آنکھیں چھوٹی کرتا بولا۔۔۔۔

کب سے سب مجھے ہی بولے جارہے ہیں۔۔
میری کیا غلطی۔۔۔۔ ثانیہ معصوم شکل بنائے بولی۔۔۔۔۔

یہ سب آپ نے ہی تو کیا ہے۔۔۔۔ مجھ سے پوچھا بھی نہیں اور سب کو بول دیا جا کر کہ میں اور شیراز ایک دوسرے کو پسند کرتے ہیں۔۔۔۔۔
یخخخخخخخخخخ۔۔۔۔۔۔۔۔۔ سحر نے کہا اور آخر میں اس نے منہ بنا کر کہا جس پر شیراز نے اسے گھورا۔۔۔۔

ابے او چھپکلی۔۔۔ کیا ہاں کیا۔۔۔۔۔۔ ایسی واحیات شکل کیوں بنارہی ہو۔۔۔ شیراز کے کہنے پر سب ہنسنے لگیں۔۔۔۔

یہ جو تم دونوں لڑتے رہتے ہو پھر ایک دوسرے کے لیے سب کرنے کو تیار ہو جاتے ہو۔۔۔ بس ان سب کی وجہ سے ہی سب کو لگا کہ تم دونوں ایک دوسرے کے لیے پرفیکٹ ہو۔۔۔ حاشر نے کہا۔۔۔۔ جس پر سحر اور شیراز نے ایک دوسرے کو دیکھا اور منہ کے زاویے بگڑے ۔۔۔۔۔

بس بھی کرو سب۔۔۔ کب سے شیراز سحر۔ شیراز سحر۔ سن رہا ہوں۔۔۔ شامیر جو چپ سے بیٹھا باتیں سن رہا تھا تنگ آکر بولا۔۔۔۔۔

اہم برا لگا۔۔۔ حسن نے آنکھ ماری۔۔۔۔ شامیر نے اسے چپل کھینچ کر ماری۔۔۔۔

لڑنا بند کرو تم سب۔۔۔۔ اب سوچو سب ٹھیک کیسے ہوگا۔۔۔۔ فبیہہ نے کہا جو ان سب کی باتیں سن کر تنگ آگئی تھی۔۔۔۔۔۔

ابھی کچھ دن باقی ہیں دیکھتے ہیں کیا کرنا ہے۔۔ ابھی نیچے چلیں سب بڑے آگئے ہیں اور سحری کی تیاری بھی کرنی ہے۔۔ سحر نے کہا جو چھت سے نیچے دیکھ رہی تھی۔۔۔
سیرت برہان اور شامیر چھت پھلانگ کر اپنے گھر چلے گئے اور یہ سب نیچے آگئے۔۔۔۔۔

________________________________________________

فبیہہ پراٹھے بنارہی تھی اور ثانیہ سلیپ پر بیٹھی زمین دیکھ رہی تھی۔۔۔۔

یار میری وجہ سے سب الٹ پلٹ ہوگیا۔۔۔۔ ثانیہ سنجیدہ تھی۔۔۔۔

اس الٹ پلٹ کو تم ہی سیدھا کرو گی اب۔۔۔۔ سحر کچن میں داخل ہوتی بولی۔۔۔۔۔

ثانیہ سلیپ سے اتر کر اس کے پاس چلی گئی۔۔۔

یار مانو ناراضگی تو ختم کرو۔۔۔۔

میں تم سے ناراض نہیں ہوں۔۔ ہاں بس تھوڑی سی خفہ تھی کہ تم نے مجھ سے پوچھا کیوں نہیں۔۔ اور اتنی بڑی بات مجھے بتائے بغیر گھر میں سب کو بول دی۔۔۔۔ سحر نے سنجیدگی سے کہا۔۔۔۔

مجھے جو صحیح لگا میں نے وہی کیا۔۔۔ ثانیہ نے کہا۔۔۔

اور جو تمہیں صحیح لگا وہ ہی غلط تھا۔۔۔ فبیہہ نے کہا۔۔۔۔