معاناتي بسبب جمالي

بارت 7

بسبب سوء الظن كرهنا بعضنا،
وقلَ لقاؤنا، وقطعنا رحمنا فسلوا
الله حسن الظن بالناس ففيه راحة للقلب،
وسلامة اللصدر💜💜

اتمنه تعجبكم القصه والسرد
رئيكم يهمني

♡♡اميرة زماني ♡♡

------------

وينهم اهلي ابوي وينهم يا ترا
بدت الاساله براسي مثل المطر لمرت ساعات و طبينه لمنطقه تجنن يربي اتكول مو بلعراق
البيوت اتكول اقصور ربي يحفض ساكنيها

وصلت السياره يم بيي لا قصر مو حيل جبير
بس التصميم يخبل طبكت السياره للكراج ونزلنه
جان بصف البيت مثل الطريق الضيك وجوه اكو باب

كال ليث امشو وياي نزلت الاغراض وهوه دفع ابوي
وصلنه للباب فتحنه ودخلنه جوه
البيت يخبل الاثاث والنضافه بيه مطبخ وصاله وغرفه وحمام بس صدك يجنن كلش حلو

والديكور مال البيت بينما اني صافنه بلبيت كال

انتم حتبقون هنا معززين مكرمين هذا بيتكم الجديد الي حتسكنون بيه هسه تعالو هناك امي محضره غده
يله

اخذنه وطلعنه ودخلنه بلباب الثاني طبينه
واكو حجيه بدت تصلي على النبي
واني اجت باوستني وحضنتني وسلمت واني سلمت عليه بدوري بعدين سلمت على ابوي

عبرتله عن حزنه والي صار بعدين عمو ليث اخذ ابوي
وراحو للاستقبال وهوه فايت كال كلي للولد من يجون خل يدخلون بلاستقبال

اني جفلت لا يربي بس لا عدهم ولد طبه وبعدين نزلت مره من فوك يربي شنو من جمال شنو من اخلاق والترتيب والنزاكه نزلت وسلمت عليه

وكالت اني مرت ليث اسمي حوراء سلمت عليه بكل احترام ومبينه مره مومنه ولافه الحجاب صدوك حبيته وؤه اشوي صاحت علي ليال واجت ليال

بنيه عمره تقريبا ٧ سنوات تخبل ايه من الجمال سمينه والعيون سود وبيضه شحم كل ساعه وباسته  وتحطه على كلبه سالته خاله حوراء عندج بس هاي  اابنيه

حوراء : اي الله ما اكرمني بس بهل البنوته ربي يحفضه ااحمد والشكر من صارت

غسق : انتم بس عمو ليث والحجيه وانتي عايشين هنا بهذا البيت  سالته وستحيت يربي هسه شتكول عني بس اني اريد اعرف اذا ماكو احد اخذ راحته علمود

حوراء : لا بنتي بس احنه وعلي ابن ليث
من يخلص شغل يجي بس اليوم يم امه ويمكن يجي وره الغده  اخذي راحتج بنتي وذبي العبايه

غسق : ذبيت العبايه جنت لابسه فستان اشوي عريض بس بيه احزام اني ما احب البس ملابس ضيقه كمت وياهن للمطبخ اساعدهن

جاي انجهز بلغده بلمطبخ واسولف ويه خاله حوراء
سمعت واحد يتحمحم ودك الباب
ركضت وره الحجيه ودرت وجهي على الباب