عاهر تحت غطاء الشرف🔞🔞

البارت الثامن

عاهر تحت غطاء الشرف(بارت8)

الصبح الساعه 7:32

ام لارا: يلا يمه زهراء كومي لصالون

زهراء: ي ماما هسه كايمه اكعد لارا تساعدج بلبيت

ام لارا: لا عوفيها مابيها نفع بس تشلع كلبي وكلشي مسوي

راحت زهراء لصالون وبقت ام لارا تهتم بلبيت وسوت غده لناس بس جانت تفكر انو اذا نجح لسحر شون راح تكمل باقي لفلوس بينما جانت لارا تدعي انو محد يخطبها لائن جانت خايفه تنكشف...

بيت ايمن..

شذى: ها يمه شلونج

ام ايمن: هلا هلا يمه انتي شونج

شذى: والله الحمد الله زينه

ام ايمن: ليش مجبتي جهال وياج

شذى: يمعوده وكحين ردت اجيبهم وعمتي كالت بقيهم يمي

ام ايمن: ها خوش

شذى: ي تعاي سولفيلي مني هاي لبنيه وشنو

ام ايمن: تعاي كعدي خل اسولفلج

شذى: اي يمه

ام ايمن: مريم وينج جيبي لاختج مي

شذى: هسه شنو اني غريبه اني اكوم اشرب احجيلي جنج ضايجه

ام ايمن: والله يا يمه بس انتي من اسولفلج ارتاح

شذى: احجي يمه شصاير

ام ايمن:والله يا يمه اول روحه الهم شفت لبنيه معجبتني يعني حسيتها مو خوش بنيه استغفر الله

شذى: اي

ام ايمن: وباوعت ع رجلها من جوا وصخه كلها فطور كلت بيني وبين نفسي شنو هاي

شذى: اي

ام ايمن: ي يا يمه بس من رحت لحنه اختها نضرتي الها تغيرت شفتها حلوه وخوش بنيه فا اخذتها صوره اشوفها لابني

شذى: ي وهسه شنو

ام يمن: بارحه دعيت الله قبل لا انام انو هاي لبنيه تطلع زينه وتناسب ايمن وتريح كلبه بس يا يمه شفت حلم كلش مو زين

شذى: يا ستار يا ربي شنو شفتي

ام ايمن: شفت حلم يبين انو هاي لقسمه مو زينه

شذى: يعني شنو شفتي

ام ايمن: ما اعرف يمه ما اكدر احجيلج شفت شوفه ع لبنيه مو زينه متنحجي

شذى: ي مدام هيج اصرفي نضر عن السالفه عوفيها وذا هاي لمهندسه معاجبته شي جبيره اعرف هواي بنات ازغار بلعمر ويمكن احسن من هاي

ام ايمن: زين شون اذا بقه اله هاي

شذى: يمكن عجبته كا شكل او جسم يعني اذا نلكه احلا منها يعوفها