-
في اليوم التالي..
طبعا هذا اليوم جريدة The Done مسوية سفرة لكل الموظفين إحتفالاً بمرور ١٢٠ سنة على تأسيس الجريدة.
-
الرابع من أبريل ٢٠٦٠ م
الساعة: 7:00 ص
المكان: بيت ليزا
المنبة : طووط طووط طووط طووط
-
ليزا: كمتت كمتت
* وطفت المنبه المزعج** ليزا تفتح موبايلها *
ليزا: اووف هاي شنو الإشعارات؟ شنو شصاير واني ما ادري؟
*ليزا تفتح تطبيق مسج يو*
* ( تطبيق مسج يو هو تطبيق مراسلة وإتصالات في القصة ) *
° ٣ مكالمة فائته من مريم
° ٦ رسالة فائته من مريمليزا: هاي شصاير؟ قلقتني هاي
*ليزا تفتح الرسائل *
مريم : 🙂🙂🙂
مريم : هاي ليش مكايلتلي؟
مريم : افا عليج 💔😕
مريم : عالعموم الف مبروك حبيبتي 😍
مريم : من تكعدين راسليني
مريم : حتى اطيح حضج 🙂..- بهاي اللحظة حرفيا ليزا نست انو تحجي خبر توظيفها وكل الامور الي صارت اخر يومين لمريم..
* ليزا تكتب * ..
ليزا : هلوو مريومتي اسفه توني كعدت ها اها فتحت عيوني على اشعاراتج
ليزا : اول شي منو كلج 🙄؟
ليزا : اسفه حبيبتي مالحكت احجيلج اي شي ولله اخر يومين ماكاعد الحك حتى اكل
ليزا : عندي هواي حجيي مو مال رسائل.. من تكعدين خابريني
*وخلت التلفون عالشحن وطلعت من غرفتها راحت سبحت وغسلت وبدلت حتى تتجهز لرحلة اليوم*
-
7:48 ص
* هاتف يرن *
*ليزا تروح لموبايلها وتشوف مكالمة من مريم *
* ليزا تجاوب *
مريم : احم احم شهلناس عمي
ليزا: احم هلوووو بيبي شلونج مشتاقتلج
مريم: بعد رووحي اني الاشوق ولله، الف مبروك التوظيف 😍
ليزا : حبيبتي الله يبارك بيج
مريم: شنو شلون احجيلي شصار ؟
ليزا: كعدت الصبح تريكت ويه اهلي وكلولي اكو جريدة فاتحة توظيف ف كبل كملت اكلي ورحت بدلت وطلعتت حتى موبايلي نسيته بالبيت 😂😂
مريم: حبيبتي الف مبروك ولله فرحتلج
ليزا: حبيبييي الله يبارك بيج ولله تمنييتج وياي تخيلي نداوم بنفس المكان 😍
مريم: عززه ولله يصيير الدوام يخبل وما نحس بيه اصلا
* وضلوا يسولفون ربع ساعه وإنتهت مكالمتهم*
![](https://img.wattpad.com/cover/267875131-288-k649529.jpg)
DU LIEST GERADE
مصحة أثكلوبيا..! ( متوقفة )
Übernatürlichesيحدث حريق غامض في مصحة في مدينة أثكلوبيا وبعد ١٠٠ عاماً يُكلّف محققان لكشف هذا اللغز الغامض وراء هذا الحريق.