HERRERO ACADEMY: The 8 Elemental Guardians

KABANATA 24

Fyron's POV

Kanina pa ako nakatitig kay Faven, hindi ko alam kung namamalik mata lang ba ako kanina o nakita ko talaga na meron siyang simbulo ng elemento na nagsasagisag ng liwanag.

Alam kong hindi ako namamalik mata at kung siya man ang may hawak ng elemento ng liwanag bakit hangin ang elemento na meron siya—argh sumasakit ang ulo ko kakaisip!

Napatigil ako sa kakaisip ng tapikin ng Calvin ang balikat ko. Kaya napatingin ako sakanya.

"Kanina ka pa nakatingin kay Faven. May problema ba?" Tanong niya.

"May iniisip lang ako." Napatango tango naman siya.

Tumingin uli ako kay Faven. Nahuli ko naman na nakatingin saakin pero umiwas siya agad ng tingin.

Tumayo ako at lumapit sa isang puno. Umupo ako sa tabi non at sumandal ako sa puno at pumikit.  Napahawak naman ako sa bulsa ko at nilabas ang isang gintong ahas na singsing.

Napulot ko ito ng may kumislap sa pinaglabanan namin ni Faven ng nagmamadali siyang lumabas kanina at sigurado akong kanya ito. Ramdam ko na hindi ito isang ordinardong singsing lang at aalamin ko yun.

Pumikit nalang uli ako.

____________________________

Katatapos lang namin kumain ng hapunan ngayon at nandito ako ngayon sa sala nakaupo kaharap ko si Wren na nagbabasa ng libro at si Alice na may sinusulat na nakaupo sa sahig.

Bagay ang dalawang to isang mahilig magbasa na tahimik at isang mahilig magsulat at gumuhit pero maingay.

Napatingin naman ako sa kusina dahil kita sa kinauupuan ko ang pwesto ng lamesa dun. Nakita ko naman agad si Faven at Talia na naguusap. Napatingin naman saakin si Faven at mabilis nagiwas ng tingin ng nakita niyang nakatingin din ako sakanila.

"sensus auditus"

Pag enchant ko para mapalakas ang pandinig ko. Pero hindi gumagana, siguradong may tinatago ang dalawang dagang to.

"Wahhh yung Nutella ko!" Rinig kong sigaw ni Yarelia. Halos mabingi ako sa sobrang lakas ng boses niya nakalimutan kong nagenchant pala ako ng pangpalakas ng pandinig.

Tinanggal ko na ang pagkaenchant at napatingin kay Yarelia na inaagaw ang palaman na kinuha nila sa mundo ng mga tao.

"Pahingi lang naman eh!"

"Nakatatlong kutsara ka na! Akin na!"

"Isa na lang!"

"Nakakainis ka!"

Tsk! Parang mga bata.

Pumikit nalang ako at sumandal sa kinauupuan ko.
.
.
.
.
.
Nagising ako ng marinig kong nag uusap sila hindi ko muna dinilat ang mga mata ko. Pinapakinggan ko lang sila ng magsalita si Calla.

"Saan kayo pupunta Faven?" Tanong ni Calla.

"Magpapasama lang ako kay Talia papundang kantina para kumuha ng pagkain ni Luz mamaya." Rinig kong sagot ni Faven.

"Sige, paki kuha na rin si Laily."

Narinig ko namang nagbukas sara ng pinto. Dinilat ko na ang mga mata ko at tumingin sa pintong nilabasan ng dalawa.

Tumayo ako kaya napatingin sila saakin. Hindi ko na sila hinintay pang magsalita at lumabas ng casa namin.

Alam kong hindi sa kantina ang punta ng dalawang yun. Kaya pagkalabas ko naglaho na agad ako papunta sa campo de batalla (battlefield).