#الجزء الثاني
من شفته عصف الحنين العندي لگلشي جنت عايشه لأبويه اااخ يا يوم نسيتك حته اتذكرك يابه اشتاقيتلك
أمـي اللي أكل بنفسي اكل ما حضنتهه ما بستهه ما تكدر ازورهه لان ندفنت برا
حته لـ اخوي شگد اذاني اخ يا وسام شكد اذيتني بـس حنيتلك اشتاقيتلك شمهما تگون تبقه اخوي و دمي و دمك هوه نفس الدم
نزلت دموعي مسحهن حيان '" شگلنه اترحميلهم بويه ميصير تبجين اذا شفت دمعه بعد اكلج امشينه نرجع ماشي '"
مسحت دموعي و صدك ظليت اترحملهم البجي لو يرجع الميت جان بجيت بگل مابيه من حيل حته يرجعون 4 سنوات صار ابويه من مات وامي ورا ولهسه روحي بيهم لهسه ذكراهم يجوي گلبي ما انساهم بولا لحظه كل صلاة ادعيلهم كل فتره اهديلهم ختمة قران بكل اكله اكلهه وبكل شربه اشربهه اقرالهم الفاتحه
تأذيت بفراكهم حيل بس حيان واهله همه العوضوني عن كلشي واحتوني وحبوني وكله بفضل ربي اللي سخرلي حب حبيبي الي وحب اهله
ظليت واكفه و حيان مدري المن خابر بس ما حسيت الا شويه و چا جاسر ابن عمو سلم على مروان و حيان بعدهه باوع عليه وابتسم وگال '" هلاا خويه شلونج '"
'" هلا هلا بيك خويه الحمدلله '"
'" دومج ان شاء الله بعد اخوج '"
فتح القفل دخلت وبكل ركن من اركان البيت الي تذكار ضحكنه فرحنه حزنه المكان البي گعدنه
'" ڤيان بسرعه شوفي شتردين دنمشي '"
جان تراب صديت حيان ديخابر جان مروان ورايه '" خويه نورسين اذا تشم تراب تختنك فدوه لا تدخل نجيهه نوبة ربو رأسا اذا هسه شمته '"
'" ماشي خويه '"
دخلت فتحت غرفتي مقفوله صحت جاسر علمود المفتاح شمره الي دا افتحه مينفتح ظليت اعت بي اريد ينفتح ماكو '" اووف والله تعبت شو ميفتح هذا ليش هيج معلك '"
جانت جوري بصفي جرت المفتاح مني '" هو بالله دجيبي خل اشووف شلون ميفتح هالمياعه العندج يداده '"
صدك اخذتهه ظلت تطك بي طكه طكتين فتح سمعة ضحكه من ورايه وصوت جاسر '" خوويه صيري سبعه مثل المحروسه ليش هالمياعه بطليهه بطليهه '"
ضحكت '" ياا چا اني مايعه وين اكو شگول عليج جوريه اني مايعه '"
'" لا حبيبه منو بندارتج بس فضينه '"
ضحكت و دخلت لغرفتي اووف شگد مشتاقتلهه شفت فوني القديم مشمور ع الفراش كله تراب شلته فتحت الكنتور اقلامي اوراقي وكل ادوات الرسم طلعتهن اخذت الاريده وطلعت جاسر شافني شايلهن اخذهن عني و گال '" خويه ڤيان ترا هالمحروسه الجانت وياج ايدهه نجرحت بلباب '"
سئلت. '" منوو '"
'" الفتحت الباب '"
'" أااااا جوري هسه اشوفهه '"
صديت عليهه لكيتهه كامشه ايده ومعكنشه وجهه متوجعه رحت عليهه '" ها ها جوري سلامات '"
