ايامكم سعيده ...😘😘😘
فصلية_فايزر
للكاتبه الصاعده فوگ النخل
_________________
طبعا اني اسمي لولو عمري ١٧ سنه ... وظيفتي دكتوره
مواصفاتي مثل اي فصليه قصص .. يعني قصيره .. جسمي تارس شعري يكنس بالرصيف .. بيضه ثلج عيوني صفر ومرات يصيرن خضر .. حسب لون العدسات
مااطولها عليكم
حلوه واخبل وبالعراق كله ماكو بجمالي
مداخله مركز تجميل كلشي عندي طبيعي حتى رموشي وصبغ الاظافر هم طبيعي
وطبعا اني الوحيده لعشيرتي. مو بس لاهلي ... بابا سفير سابق بنغلادش بس الحكومه طردته لان. اكتشفوا يبيع فيزا لدخول العراق على العمال البنغلاديشين وعاقبوه لان ماانطى حصه للرووس الكببره. لكن الحزب السواه سفير مقتنع براءته من هاي التهم وراح يرشحوه بالانتخابات الجايه كمستقل. حتى يطالب بحقوق الحراميه والسلابه
ماما مديرة بنك هم طردوها لان تلاعبت باسعار العملات .. وحاليا اكو مفاوضات يرجعوها كوزيره ماليه .. اذا صارت الوزاره من حصة جماعتها. النهابه
طبعا احجيلكم عن نفسي .. كلش مدللة واحب القصص والروايات الرومانسيه
وقررت من اريد اتزوج اختار واحد رومانسي ابن رومانسي
..
طبعا
بصباح يوم. صيفي جميل كعدتني امي للريوگ
( اكعدي لولو راح تتاخرين على الدوام )
( عفيه ماما بس خمس دقايق )
( گومي بنت الكلب .. يرادلج ساعه تلطخين وجهج مكياج وساعه تتريكين
وساعه تنتظرين ابو الخط يله يجي )
ماما تحسب للوقت الف حساب وتقسم النهار ساعات .. خاصة الصبح تتستعجل تقلعني انا وبابا من البيت وتلزم الفون حتى تلعب بوبجي
طبعا وصلت للدوام اول مطبيت المستشفى كاعالعاده الموظفين والاطباء والمراجعين كلهم صفنوا على جمالي ولاعبالك لابسه كمامه تخفي نصف جمالي .. وطبعا اني مااهتميت الهم التهيت اخلي سنتايزر لاديه وجهي ورجليه وگعدت اباوع على المراجعين الواگفين ينتظروني انطيهم لقاح فايزر .. شفتهم كلهم شياب وعجايز
ولا شاب بيهم ..
زمخت بيهم من قهري ( البسوا الكمامه واتركوا مسافه متر بينكم وبيني ... )
طلعت مره من السرى وصاحت بيه
( لعد شلون تزرقينا ابره عن بعد لو تطشين اللقاح واهليه )
ضحكن العجايز .. قبل مايفهمن قصدي
( حجيه قصدي تبقون بعيد لحد مايوصلج السره )
باشرت شغلي .. ازرق بالشياب واحد ورى الثاني وعجوز بعدها عجوز
..
وچان فجاءه يفوت للمستشفى
..
شاب معضل طويل ابيض لحيه خفيفه جوى الكمامه عيونه كلها غضب وحواجبه معكوده .. لابس ستره رداناتها قصيره وبنطرون عطواني احمر
وصوته اجش عرفته قبل ليحجي .. ضرب السرى .. حتى
سالني ( عدكم لقاح مال كورونا )
ذبت بمكاني وجاوبته ( فايرز وعيونك حار ومكسب شرط الضوگ .. صدك جذب بس انزع الكمامه خلي نشوف شكوى جواها )
