قضية شرف

البارت الثامن

هلو كيفكم يارب تكونون بخير ♥️

نقية وكآنها خُلقت من غِيمَة.♥️

قرائه ممتعه 
............................

زينب .طبيت للامام بجيت وعيطت وكنو اريد الطلع الي بداخلي  تعبت واني ابجي كمت صليت ودعيت ربي يفرج همي طلعت رحت يم خواتي بعدهن نائمات كعدت يمهن اباوع عليهم وكنو راح اخسرهن فزت رنا كامت من الكاع واجتي نامت ب حضني شبكتها ربي هذني شنو ذنبهن ماريد يعيشون بل اني عشت بي ولا يشوف الي شفته ولا يمرن بل صار ويايه  شي اصعب من شي. مر الوقت ماغمضت عيني ودموعي ماجفن جنت اباوع على الناس والعوائل شلون ملتمين ومتجمعين. وكول ربي لو اني هم مثل لو اهلي ماميتين جان هيج مثلهم فرحانين وملمومين مووو من عائله 9نفرات صفينه بس 4 امي وابويه ونور ماتوو وروان ورتاج مادري بيهم. اني انانيه اني شلون اريد ازوج واعيش حياتي وأهلي جوه التراب وخواتي ماهنه  لأن اني فكرت بس بنفسي  ف هيج صار ويايه اوووف باوعت جانو اكوو عائله كاعده يمنه وجان صافنات عليه  ابستم ب وجهم كعدة اريج 

اريج.زينب اني احبج لا تعوفينه

زينب .يمه اختي ولج اني اموت عليج شلون ماحبج 

اريج.كافي تبجين  عوفي اياد حتى بعد اني ماحبه 

زينب.اني مابجي على اياد اني ابجي على حالي ابجي عمري 16صفيت لا ام ولا اب ولا اخ وخواتي ثنين ماهنه والثالث جوه التراب وبل شرف ابجي على نفسي وابجي على مستقبلي المضلم  بس تعرفين مراح نبقه هيج  انشااله نلكه حل

اريج.انشاالله

زينب.بده الاذن اريج اني ح اروح اتوضه واصلي انتبهي ل للبنات ولنفسج هسه بسرعه اجي

اريج.ماشي

زينب رحت توضيت ورجعت للامام بديت اصلي خلصت صلاة وبديت ادعي ربي يفرج عني

..ازهار

زينب رفعت راسي شفتها مره جبيره يجي عمرها بل ٦٠سنه

..اني مو ازهار بنيتي

زينب.لا خاله اني اسمي زينب

..ولج رغد تتعالي شوفيها تشبه ازهار

زينب.اجتي مره باوعت عليه

رغد.حبيبتي ماعليج امي كل وحده شوفها اشبها ب اختي ازهار

زينب.اني امي الله يرحمها اسمها ازهار

رغد.الله يرحمها 

زينب .عفتهن وكمت خلي اروح يم خواتي احسن  طلعت جنت امشي الامام شكله وعطره وكلشي بي راحه نفسيه وصلت يمنهن كعدة بقينه اني واريج انسولف اريج تسئلني شلون هيج الامام جبير ومنو بناء. شويه وكعدن خذني النسوان يمنه

رغد.شلونج خاله عرفتيني موو هسه امي الي

زينب.اي عرفتج