يجري على المطبخ يدور شي ياكله على السريع ويناظر الطاوله يلاقي امه مجهزه له فطور يبتسم وياكله بسرعة وتدخل امه عليه
الام : بسم الله يا ولدي شوي شوي مارح يفوتك شي
؟؟؟: يمه ضروري الله يهديك متأخر
الام : طيب لا تنسى انها ثاني سنه جامعيه لك في جامعتك الجديده
؟؟؟ : عشان كذا متقروش وابغى اروح بسرعه
يقوم بعد ما غسل يده وفمه ويروح يفتح باب البيت عشان يطلع بس يسمع صوت يناديه وماكان غير اخوه الصغير الي عمره ٤ سنين
الاخ: يويو !
يلف ويقعد على الارض قدامه
؟؟؟: عيون يويو انت
الاخ : ممكن تشتري لي حلاوه وانت راجع؟
يبتسم ويهز راسه له : طبعا حبيبي بشتري لك ثلاث مو وحده
يبتسم اخوه ويضمه بقوه : احبك كثييرر
؟؟؟ : احبك اكثر يقلبي
يبعد عنه و يوقف وتناديه امه
الام (زينب):ايار حبيبي
ايار :هلا يمه
زينب تقرب منه : في حفظ الرحمن
يبتسم ايار و يبوس يدها وراسها : انتبهي لنفسك و قسور
زينب : ابشر يلا روح قبل لا تتأخر
يركض ايار لبرى شايل شنطته معاه و يناظر صاحبه الي توه جاي وفاك الطاقه (الشباك)
مُلهَم يصرخ : بسرعه ياكلب !
يركب ايار : اسف اسف اسفففف
ملهَم وهو يحرك السياره : اسكت بس جبت لي حليب؟
يبتسم ايار ويضحك ويطلع من شنطته حليب ويعطيه
من لما كانوا صغار كان ايار دايم يجيب حليب ل ملهَم بحكم انه امه متوفيه ف زينب تعتبره ولدها من لما كان صغير وكانت تعطي ايار علبه حليب يعطيها ل ملهَم عشان يشربها في الصباح في ايام الدوامات
ملهَم : يزين امي وهي تذكرك تجيب لي ولا انا عارف انك رح تنساه
ايار يعبس : هيه مارح انساه
ملهَم يمد له الحليب : فكه لي بس قاعد اسوق
ياخذه ويفكه له ويعطيه ويشربه
ملهَم يوقف السيارة : هيا وصلنا
يطلعون منها ويدخلون الجامعه ويلاقون مافي احد في الساحه الداخليه يعني المحاضرات بدأت !
ملهَم وهو يركض في الدرج: كله منك!
ايار يضحك وهو يركض معه ولما وصلوا دقوا باب القاعه والدكتور سمح لهم يدخلون وناظرهم
الدكتور : تأخير في اول يوم ليش يا ...
يناظر اوراقه ومعلومات الطلاب ويكمل بعد ما ناظرهم : ايار محمد وملهَم خالد؟
ايار من اول وهو منزل راسه من اول ما دخل ومتفشل
و ملهَم ناظر صاحبه بعدين ناظر الدكتور: ايوه انا ملهم وهو ايار
واحد من الي الطلاب قال بصوت عالي و بوقاحه : ايار وش جايبك عندنا؟ روحي قسم النساء
الدكتور يناظره وبعصبيه: منصور !
منصور وهو مبتسم : دكتور سفيان شوف اسمه اسم بنت
ايار ساكت من اول ومنزل راسه وهو شوي و يبكي من الفشله مسك يد صاحبه وشد عليها
سفيان ببرود: اطلع برا
منصور انصدم منه بس طلع برا وهو يسبه
سفيان : اجلسوا في اي مكان تبونه
في هذي اللحظه رفع ايار راسه وترك يد ملهَم وناظر سفيان الي اقل شي ينقال عنه وسيم و سفيان ناظره وابتسم
ايار في ذي اللحظه ارتبك وراح قعد في مكان و قعد ملهَم جنبه وبعد نص ساعه خلصت المحاضره وطلعوا
ملهَم: ياولد هذا شفيه يناظرك من اول؟
ايار : مين
ملهَم : المز سفيان مين غيره
قعد ايار على وحده من الكراسي : هيه تراه دكتور وش المز سفيان ذي
ملهَم غمز: لا وصاروا يدافعون عنه
استحى ايار : كل تبن ما اقصد كذا
ملهَم: ما الومه قسم شايف نفسك كيف لطيف؟ انا لو مكانه بشفشفك قدام الطلاب
ايار ضربه على كتفه : يا حيوان ما توصل لذي الدرجه
ملهَم يضحك : بقوم اجيب شي ناكله
راح ملهَم بعد ما هز ايار راسه له وقال له جيب اي شي وقعد ينتظره ويلعب بالجوال بس فجأة حس بظل احد واقف قدامه
....
بارت قصير ك تجربه لاول مره يارب يعجبكم
أنت تقرأ
أيَار
Romanceكُلُ شَيٍ كانَ مُخْتَلِفاً فِيهْ ......... الرواية عبارة عن علاقة مثليه عامية. فضلاً اذا كنت ماتحب هذا النوع من العلاقات اطلع بكل هدوء. *جميع الحقوق محفوظة لي وأي تشابه بالأحداث والأفكار أو السرد فهو مجرد صدفة لا غير. بدأت : 19\6\2021 انتهت : 2\2\20...
