اسيل : طب ما انا زيه اهو و مبحبش حد بس مفيش حد مناسب من اللى اتقدمو , كلهم محترمين و كل حاجه يس انا شايفاهم مش مناسبين ليا , اكيد هو كمان كده , اصله لو بيحب ايه اللى هيخليه يصبر ده كله ما كان اتجوز
ايثار : مش عارفه بس قلبى بيقولى ف واحده ف حياته , طب هو مكلمكيش قبل كده ولا لمحلك
اسيل : لا والله اياد مش بيخبى حاجه عليا لو كان ف حاجه زى كده كان قالى , كل اللى قاله مش بيفكر ف الجواز دلوقتى
ايثار : انا هعرف بطريقتى
اسيل : يااااااااه ع دماغ الامهات
ايثار : والنبى اقعدى انتى ع جنب , انتى هبله انا هعرف و هقولك
اسيل : ع راحتك
ايثار : اياد بيفتح الباب قفلى بقى ع الموضوع ده
اسيل : تمام
اياد : يا مساء الحلويات , ايه ده ! شكلكو عامل كده ليه
ايثار : شكلنا ماله يا حبيبى شايفنا بغبغانات
اياد : لا شايف قمرين قاعدين , مالك يا ثرثر بهزر معاكى
اسيل : المهم قولى عملتو ايه
اياد : هححححححح اتكلمنا مع اهلها و قولنالهم ع اللى عرفناه و لازم يعملو محضر عشان يرجعو حق بنتهم , اخدناهم و روحنا القسم و عملو محضر و بياخدو اقوالهم و هيجيبو زمايلهم الصبح و يجيبو الواد
اسيل : طب الحمدلله , ريان رجع معاك ؟
اياد : لا ريان لسه هناك مش هيرجع غير لما يجيب الولد
اسيل : تمام اسيبكو انا بقى تنامو , يلا تصبحو ع خير
ايثار : وانتى من اهله يا حبيبتى
اسيل : روحت عند الباب و اياد ماشى جنبى
اياد : لو احتاجتى اى حاجه كلمينى
اسيل : تسلملى , حاضر
اياد : تصبحى ع خير يا دوك
اسيل : و انت من اهله يا دوك , خرجت
_________________________________
اياد : واقف بيراقبها من العين السحريه لحد ما دخلت البيت
ايثار : بتحبها ؟!
اياد : خضتينى يا ماما
ايثار : بـ تحبها ؟؟
اياد : هى ايه دى اللى بحبها يا ثرثر
ايثار : مين .. مش ايه
اياد : طيب هى مين دى اللى بحبها
ايثار : اسيل يا اياد
اياد : اكيد بحبها ما هى صديقة طفولتى و جارتى و زميلتى ف الشغل
ايثار : لا لا انت فاهم قصدى
اياد : لا مش فاهم يا امى فهمينى
ايثار : بتحب اسيل يا ابن محمد من و انتو صغيرين , كان باين ف عينك و تصرفاتك معاها , ع طول لازقلها و بتعملها اللى هى عاوزاه و مش بتسيبها لوحدها و مش بتزعلها و بتدافع عنها دايما حتى ف المواضيع اللى ملكش فيها
اياد : ما انا قولتلك يا ماما اسيل صديقتى و جارتى و زميلتى ف الشغل طبيعى اعمل كده معاها
ايثار : طيب ليه كنت بتضايق لما بيجيلها عرسان
اياد : مين قالك انى كنت بتضايق
ايثار : محدش قالى شكلك كان بيبان عليه , اول ما تعرف ان جيلها عريس او لما اتخطبت مرتين , كنت بتبقى حزين جدا و اسألك تقولى مفيش ضغط شغل واول ما تفركش تبقى فرحان جدا و ترجع تلزقلها تانى و تعمل نفسك قال ايه بطلعها من حالتها النفسيه عشان متتعبش
اياد : ضحك , عاوزه توصلى لأيه يا ام اياد
ايثار : عاوزه اجابه صريحه , بتحبها ؟
اياد : ايوه بحبها ها ايه تانى
ايثار : ايوه كده ريحت قلبى الله يريح قلبك , تعالى بقى اقعد جنبى عشان نعرف نتكلم عدل
اياد : هححححح و ادى قاعده اتفضلى اتكلمى
ايثار : ساكت ليه كل ده
اياد : عاوزانى اعمل ايه او اقول ايه
ايثار : تقولها و تتقدملها , ليه استنيت كل ده ليه ساكت
اياد : عشان هى شايفانى زى ريان مش اكتر , لمحت كتير بس كانت بتاخدها بهزار وبس , قالتلى قبل كده لما طلبت منها نتجوز انا مش هبوظ حياتنا عشان اهلى يتبسطو انا طبعا قلبتها هزار , هى فكرانى عاوز اتجوزها عشان محدش يتكلم معاها تانى ف موضوع الجواز , هى مش شايفه حبى ليها او مش واخده بالها ان ده حب مش صداقه , اتكلم بقى اقول ايه بعد ده كله
ايثار : طب ليه مكملتش مع واحده من اللى خطبتهم , ليه مشوفتش حياتك بعيد عنها !
اياد : عشان انا مش عاوز غيرها انا عاوزها هى بس , اخوها عارف و ابوها عارف بس مش عارفين نعمل ايه , مش هقدر اجبرها تحبنى
ايثار : يا حبيبى ما انت مش مديها فرصه , انت ع طول ف وشها , البنت بتاخد نفس و التانى بتلاقيك قدامها , ابعد عنها شويه اديها مساحه عشان تقدر تعرف تحدد مشاعرها من ناحيتك , هى اتعودت ع صديق طفولتها و جارها و زميلها ف الشغل , مش عارفه انك بتحبها و هى كمان متعرفش مشاعرها الحقيقيه , لازم تبعد عنها فتره عشان مشاعرها تظهر و تعرفها
اياد : طيب ليه لما خطبت متضايقتش
ايثار : عشان متأكده انك مش هتبعد حتى لو بقى ف حياتك واحده غيرها , فـ انت لازم تغير الفكره دى و تعرفها انك لازم يبقى ليك حياه بعيد عنها
اياد : بس انا مش هقدر ابعد عنها
ايثار : ما هو انت كده موقف حياتك و مش بتعافر اصلا عشان توصلها
اياد : طيب اعمل ايه
ايثار : ما انا قولتلك تعمل ايه , ابعد عنها فتره و كمان تخطب
اياد : ده اللى هو ازاى يعنى , المفروش انى ابعد عشان تعرف انها بتحبنى , اخطب ليه بقى
ايثار : يا ذكى افهم , انت هتخطب كده و كده يعنى مش حقيقى , عشان تعرف ان خلاص ليك حياتك و هتعيشها مش هتبقى معاها زى الاول
اياد : مش عارف طيب سبينى افكر
ايثار : انت حر انا قولتلك ع الحل خليك بقى كده لحد ما يجى ابن حلال ياخدها منك
اياد : ده تبقى امه داعيه عليه , انا اصلا اللى كنت بطفشلها العرسان
ايثار : ما هو مسير واحد يجى و تحبه وقتها مش هتعرف تعمل حاجه
اياد : لا ان شاء الله مش هيحصل
ايثار : براحتك بقى اعمل اللى انت عاوزه انا داخله انام
اياد : ماشى تصبحى ع خير ...
_____________________________
اسيل : كده اتطمنت ع ريان انام بقى , شغلت اذاعة القرأن و نمتـ.....
مى : شكرا ليكى جدا ع اللى عملتيه
اسيل : والله ما عارفه اقولك ايه , زعلانه عشانك ضيعتى حياتك عشان واحد قذر و ميعرفش ربنا انا اسفه
مى : و انا فرحانه جدا انك جبتى حقى و حق كل البنات التانين
اسيل : هشوفك تانى !
مى : ان شاء الله
اسيل : سلام
مى : سلام
اسيل : صحيت ع أذان الفجر , قومت اتوضيت و طلعت أصلى ....... , السلام عليكم و رحمه الله و بركاته , السلام عليكم و رحمه الله , خلصت و فضلت ادعى شويه و فجأه سمعت صوت بيكلمنى , لبص يمين و شمال مفيش حد , مـين ....
مش لازم تعرفى كل اللى عاوزاه منك تسمعينى كويس
اسيل : سمعاكى !!
انتى ساعدتينى قبل كده و انا دلوقتى جه دورى عشان اساعدك
اسيل : هتساعدينى ف ايه ؟!
ف حد قريب منك اوى بيحبك جدا و نفسه يكمل باقى عمره معاكى بس خايف يقولك و يخسرك
اسيل : مين ده !
لازم تعرفى لوحدك , ودورى جواكى كويس هتلاقيكى انتى كمان بتحبيه , بس لازم تعرفى ف اقرب وقت قبل ما يفوت الاوان و تندمى
اسيل : حاضر !
تصبحى ع خير ..
اسيل : قومت قعدت ع السرير و عماله افكر ف كلامها , مين ده ياربى اللى قريب منى و بيحبنى ده , و انا معرفش حد اصلا غير اخويا و اياد , و اكيد مش اياد لأنه بيعتبرنى زى اخته , ايه الحيره دى بقى طب كنتى قولى اول حرف من اسمه طيب , لا انا هنام و افكربكره بقى ...............
Fly me to the moon ………….
الوو ............. صباح الخير يا دكتور ............... بخير الحمدلله .............. تمام يا دكتور هقوم البس اهو و هاجى ............ سلام ,
كانت الساعه 7 الصبح قومت اخدت شاور و لبست و خرجت
تميم : صباح الخير يا اسو
اسيل : صباح العسل يا بابا
تميم : خارجه ؟
اسيل : اه عندى نبطشيه النهارده
تميم : ماشى يا حبيبتى ربنا معاكى و خدى بالك من نفسك
اسيل : حاضر يا بابا عاوز حاجه
تميم : لا يا روحى سلامتك , متنسيش تاكلى
اسيل : حاضر يا حبيبى سلام
تميم : سلام
__________________________
نزلت , النهارده طبعا اجازة اياد فـمرضتش ازعجه و اصحيه , ركبت مواصلات عشان العربيه مع الاستاذ ظبوطه , الحمدلله الطريق كان فاضى و وصلت بسرعه
صباح الخير يا دكتوره
اسيل : صباح النور يا منال , عامله ايه يا جميل و بناتك عاملين ايه
كويسين الحمدلله يا دكتوره بيسلمو عليكى كتير
اسيل : حبايبى سلميلى عليهم
يوصل يا دكتوره ربنا يخليكى لينا
اسيل : عاوزه حاجه منى
لا يا دكتوره تسلميلى
اسيل : روحت مكتب الدكتور الاول , خبطت و دخلت .. صباح الخير يا دكتور ياسين
الدكتور: صباح الجمال يا اسو يا حبيبتى , انتى نزلتى ع طول بعد ما كلمتك !
اسيل : اه يا دكتور
الدكتور : يعنى مفطرتيش
اسيل : لا
الدكتور : طب اتفضلى يا استاذه ع مكتبك و اطلبى فطار عشان باباكى ميتخانقش معايا و يقول انى بعذبك ف الشغل
اسيل : ايه يا دكتور ده هو انا طفله , انا دكتوره كبيره ع فكره
الدكتور : طب يلا يا دكتوره يا كبيره ع مكتبك و افطرى
اسيل : طيب انا مش جعانه دلوقتى
الدكتور: ولا كلمه يلا امشى
اسيل : ياربى بقى حاسه انى ف حضانه مش دكتوره ف مستشفى
الدكنور : بتقولى حاجه يا اسيل
اسيل : لا يا دكتور حاضر هروح افطر
الدكتور : شويه و هكلم الكافتريا اشوفك فطرتى ولا
اسيل : ماااااشى ف اى أوامر تانيه
الدكتور : لا يا حبيبتى
اسيل : عن إذن حضرتك
الدكتور: اتفضلى
أسيل : نزلت الكافتريا طلبت أكل و اخدته و طلعت ع مكتبي و بدأت أكل , افتكرت كلام البنت اللي كانت بتكلمنى امبارح , يا ترى هو مين .. سمعت صوت خبط ع الباب , أتفضل
مروان : صباح الخير يا دكتوره
أسيل : اول ما شوفته تنحت , لا يارب اكيد مش دكتور مروان انا رفضته لما اتقدملى قبل كده , احم صباح النور يا دكتور حماتك بتحبك اتفضل افطر معايا
مروان : تسلميلى بألف هنا طيب هجيلك شويه كده
أسيل : تمام ماشى أتفضل , لا ان شاء الله مش هيبقى مروان يااااااارب لا والنبي .....
Fly me to the moo…….
ده الظبوطه حجى الوو ...
ريان : ايوه يا حبيبتى عامله ايه
أسيل : بخير يا ظبوطى و آنت أخبارك ايه
ريان : الحمدلله وصلتى الشغل امتى
أسيل : لسه من شويه , تقريبا بقالي نص ساعة
ريان : ما انا لسه داخل البيت ملقتكيش سألت بابا قالى ف الشغل
أسيل : اه حمدلله ع سلامتك يا قلبى , قولى بقى عملت ايه قبضتو ع زياد
ريان : اه و استجوبنا زمايلهم و قالو انه مش كويس و حذرو مى كتير بس هى مكانتش بتصدقهم عشان هو بيبقى ملاك بجناحين قدامها , و هيتحكم عليه بكره ان شاء الله ف كل القضايا اللى عليه و مش هيعرف يطلع منها
أسيل : الحمد لله كده حق مي رجعلها ربنا يرحمها و يغفر لها
ريان : يارب يا حبيبتى , انتى بتاكلى !
أسيل : اه تعالى كل معايا
ريان : بألف هنا يا حبيبتى انا هنام عشان خلاص فصلت و لما اصحى هكلمك
أسيل : ماشى يا قلبى سلام , هححححح الحمدلله خلصت اكل , لما اكلم بقى دكتور مروان .. طلبته ف مكتبه ........ ايوه يا دكتور انا اسيل لو حضرتك عاوزنى ف حاجه انا فاضيه دلوقتى ................ تمام يا دكتور انا مستنيه حضرتك .......... سلام , 5 دقايق و الباب خبط , أتفضل
مروان : أنا أسف أنى بزعجك يا دكتورة
أسيل : مفيش ازعاج ولا حاجه اتفضل اقعد
مروان : شكرا , انا كنت جاى بس اعزمك ع خطوبتى الاسبوع الجاى يوم الخميس
أسيل : ارتحت جدا من جوايا , الف الف مبروك يا دكتور ربنا يكملك ع خير يارب
مروان :الله يبارك فيكى عقبالك يارب
أسيل : من المستشفى بقى ولا
مروان : لا دى صديقه بعيد عن المستشفى
أسيل : ربنا يكملكو ع خير يارب خلاص ابعتلى اللوكيشن و ان شاء الله هاجى
مروان : ان شاء الله حاضر اسيبك انا بقى عشان معطلكيش
أسيل : تمام يا دكتور و ألف مبروك تانى
مروان : الله يبارك فيكى يا دكتور , عن اذنك
أسيل : اتفضل, الحمدلله مطلعش مروان امال مين ياربى , خلينى انزل اخلص شغلى الاول , نزلت المشرحه و بدأت استغل بعد ساعتين قعدت استريح حسيت بحاجه بارده ع وشى بفتح عينى لقيتها ليان . بتمسحلى وشى بمنديل و مبتسمه , شكرا يا ليو يا حبيبتى
ليان : العفو يا طنط وحشتينى
أسيل : وانتى كمان يا قلب طنط , بس تعالى نتفق اتفاقـ..............
