#مشاعر
ﺍﻟﺠﺰﺀ ﺍﻟﺨﺎﻣﺲ 💓💙💔
للكاتبة GomanFared
ﺧﺶ ﺗﺤﺖ ﺟﻬﺎﺯ ﺗﺨﻄﻴﻂ ﺍﻟﺪﻣﺎﻍ ... ﺩﺍﺭﻭﻟﻪ ﺻﻮﺭﺓ .. ﺑﺶ ﻳﺘﺄﻛﺪﻭﺍ ﺍﻛﺜﺮ ﻣﻦ ﺣﺎﻟﺘﻪ ...
ﻧﻮﺭﺍﻥ ﻭﺍﻛﺮﻡ ﺍﻟﺼﺪﻣﻪ ﻣﺴﻴﻄﺮﺓ ﻋﻠﻴﻬﻢ ﻣﻘﻌﻤﺰﻳﻦ ﻳﺴﺘﻨﻮﺍ ﻓﻲ ﺍﻟﻨﺘﻴﺠﻪ .. ﻭﺭﺿﻮﺍﻥ ﻣﺎﺑﻄﻠﺶ ﺍﺗﺼﺎﻻﺕ ﺑﺄﻛﺮﻡ ..
ﻧﻮﺭﺍﻥ : ﺧﻼﺹ ﺍﻛﺮﻡ ﻋﺪﻱ ﻣﺮﺍﺕ ﻳﻌﺼﺐ ﻋﻠﻴﻚ ..
ﺍﻛﺮﻡ : ﺗﻌﺮﻓﻲ ﺗﺼﺮﻓﻲ ﺑﺮﻭﺣﻚ ..
ﻧﻮﺭﺍﻥ ﺑﻀﺤﻜﻪ : ﺍﻛﺮﻡ ﻣﺶ ﻃﻔﻠﻪ ﺍﻧﺎ ...
ﺍﻛﺮﻡ ﺍﺑﺘﺴﻢ ﻭﻧﺎﺽ : ﻣﺎﺗﻨﺴﻴﺶ ﺗﺼﻴﺮ ﺣﺎﺟﻪ ﺭﻧﻲ ..
ﻧﻮﺭﺍﻥ ﺍﺑﺘﺴﻤﺖ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻣﺸﻲ ﺃﻛﺮﻡ ... ﻃﻠﻊ ﻣﻦ ﺣﺠﺮﺓ ﺍﻟﺪﻛﺘﻮﺭ ...
ﻭﻧﻮﺭﺍﻥ ﻗﺎﻋﺪﻩ ﺗﺴﺘﻨﻰ ... ﺍﺫﻛﺮﺕ ﻋﻴﻮﻧﻪ ﺍﻟﺤﻠﻮﺓ ﻭﻧﻈﺮﺗﻬﺎ .. ﺗﻠﻘﺎﺋﻴﺎ ﺍﺭﺗﺴﻤﺖ ﻉ ﻭﺟﻬﻬﺎ ﺍﺑﺘﺴﺎﻣﻪ ... ﺑﻌﺪﻳﻦ ﺿﺤﻜﺖ ﻭﻗﺎﻟﺖ ﻓﻨﻔﺴﻬﺎ
" ﻳﺎﻫﺒﻠﻪ ﺍﻧﺘﻲ ﻓﺸﻦ ﻭﻻﻓﺸﻦ ... ﺑﺲ ﻭﺍﻟﻠﻪ ﻳﻬﺒﻞ ... ﻏﺰﺍﻝ ﻳﺎﻫﻤﻲ ...😍 ﺍﺻﺤﻲ ﻳﺎﻫﺒﻠﻪ ﺍﺻﺤﻲ "
ﺧﺶ ﺍﻟﺪﻛﺘﻮﺭ ... ﻭﻭﺟﻬﻪ ﻣﺎﻳﺒﺸﺮﺵ ﺑﺎﻟﺨﻴﺮ ... ﻗﻌﻤﺰ ...
ﻧﻮﺭﺍﻥ : ﺷﻦ ﺩﻛﺘﻮﺭ ..
ﺍﻟﺪﻛﺘﻮﺭ : ﻣﻊ ﺍﻷﺳﻒ .. ﻓﻘﺪﺍﻥ ﺫﺍﻛﺮﺓ ﺯﻱ ﻣﺎﺗﻮﻗﻌﺖ ..
ﻧﻮﺭﺍﻥ ﺑﺼﺪﻣﻪ : ﻣﺼﻴﺒﻪ ... ﺑﺎﻩ ﻟﻌﻨﺪ ﻣﺘﻰ ..
ﺍﻟﺪﻛﺘﻮﺭ : ﻣﺶ ﻣﻌﺮﻭﻑ ... ﺍﻧﺎ ﻛﻨﺖ ﻣﻌﺎﻩ ﻭﺳﺄﻟﺘﻪ ﺷﻮﻳﻪ ﺍﺳﺌﻠﻪ ﻉ ﺑﻌﺾ ﺍﻷﻣﻮﺭ ... ﻫﻮ ﻧﺎﺳﻲ ﺗﻤﺎﻣﺎ ﺃﻱ ﺷﻲ ﻟﻴﻪ ﻋﻼﻗﻪ ﺑﺎﻷﺷﺨﺎﺹ .. ﻳﻌﻨﻲ ﻋﻴﻠﻪ ﺃﺻﺤﺎﺏ ﺯﻣﻼﺀ .. ﺑﺲ ﻳﺬﻛﺮ ﺍﻟﺤﺎﺟﺎﺕ ﺍﻟﻌﻤﻠﻴﻪ ﺍﻟﻤﻌﺮﻭﻓﻪ ﺍﻟﻠﻲ ﻧﺴﺘﺨﺪﻣﻮﻫﺎ ﻓﻲ ﺣﻴﺎﺗﻨﺎ ﺍﻟﻴﻮﻣﻴﻪ ..
ﻧﻮﺭﺍﻥ ﺗﻨﻬﺪﺕ : ﺑﺲ ﻫﻮﻧﺎﺳﻲ ﻣﻦ ﻳﻜﻮﻥ .. ﻭﻫﻀﺎ ﻫﻮ ﺍﻷﻫﻢ ..
ﺍﻟﺪﻛﺘﻮﺭ : ﺻﺎﺡ .. ﻫﻮ ﺣﺎﻟﻴﺎ ﻳﺸﺒﻪ ﺍﻟﻄﻔﻞ ... ﻛﻞ ﺷﻲ ﺣﻮﺍﻟﻴﻪ ﻣﺠﻬﻮﻝ ﺣﺘﻰ ﻧﻔﺴﻪ ﻣﺶ ﻋﺎﺭﻓﻬﺎ
ﻧﻮﺭﺍﻥ ﺯﻋﻠﺖ ﻉ ﺧﺎﻃﺮﻩ ﻫﻠﺒﻪ ﺑﻌﺪﻳﻦ ﻗﺎﻟﺖ : ﺩﻛﺘﻮﺭ ﻧﻘﺪﺭ ﻧﺸﻮﻓﻪ ﻣﺮﺓ ﺛﺎﻧﻴﻪ؟
ﺍﻟﺪﻛﺘﻮﺭ : ﻣﺶ ﺣﺘﺴﺘﻔﻴﺪﻱ ﺷﻲ ..
ﻧﻮﺭﺍﻥ ﺗﻨﻬﺪﺕ : ﻧﺤﺎﻭﻝ ﺑﺲ ..
ﺍﻟﺪﻛﺘﻮﺭ ﺍﺑﺘﺴﻢ : ﻣﺎﻓﺶ ﺿﺮﺭ .. ﺑﺲ ﻧﺒﻲ ﻧﺒﻬﻚ ﻉ ﺣﺎﺟﻪ ﻣﺎﺗﻨﺰﻟﻴﺶ ﻋﻠﻴﻪ ﻭﺍﺟﺪ ﺑﺎﻷﺳﺌﻠﻪ ﺍﻟﺸﻲ ﻫﻀﺎ ﻳﺘﻌﺒﻪ ..
ﻧﻮﺭﺍﻥ : ﺣﺎﺿﺮ ... ﻋﻦ ﺇﺫﻧﻚ ..
ﻧﺎﺿﺖ ﻃﻠﻌﺖ ﻣﻦ ﺣﺠﺮﺓ ﺍﻟﺪﻛﺘﻮﺭ ﻭﺗﻮﺟﻬﺖ ﻟﻐﺮﻓﺘﻪ ...
ﻭﻗﻔﺖ ﻗﺪﺍﻡ ﺍﻟﺒﺎﺏ ﻭﻛﺎﻧﺖ ﻣﺘﺮﺩﺩﻩ ﺣﻄﺖ ﺍﻳﺪﻫﺎ ﻉ ﺍﻟﺒﺎﺏ ﻭﻃﻘﺖ ﻣﺎﺳﻤﻌﺘﺶ ﺻﻮﺕ .. ﺑﺲ ﺗﺠﺮﺃﺕ ﻭﻓﺘﺤﺖ ﺍﻟﺒﺎﺏ ﺑﺎﻟﺸﻮﻳﻪ ﻭﺧﺸﺖ ...
ﻟﻘﺎﺗﻪ ﻣﺘﻜﻲ ﻉ ﺍﻟﻤﺨﺪﻩ ﻭﺭﺍﺳﻪ ﻓﻮﻕ ﻭﻋﻴﻮﻧﻪ ﻣﻐﻤﻀﺎﺕ ..
ﻗﻌﺪﺕ ﻣﺘﺴﻤﺮﺓ ﻓﻲ ﻣﻜﺎﻧﻬﺎ ﻭﻫﻲ ﺗﺘﺄﻣﻞ ﻓﻴﻪ ..
💙 ﻧﻮﺭﺍﻥ ..
ﻳﻬﺒﻞ ﻳﺎﻧﺎﺱ ﻳﻬﺒﻞ .. ﺣﻠﻮ ﺑﺸﻜﻞ ﻣﺶ ﻃﺒﻴﻌﻲ .. ﺍﺳﺘﻐﻔﺮ ﺍﻟﻠﻪ .. ﺑﺲ ﻣﺶ ﻗﺎﺩﺭﻩ ﻧﻤﻨﻊ ﻧﻔﺴﻲ ﻣﻦ ﺗﺒﺤﻴﺖ .. ﺑﺲ ﻓﺠﺄﺓ ﻧﺰﻝ ﺭﺍﺳﻪ ﻭﺑﺤﺖ ﻭﺍﻧﺎ ﻗﺒﻞ ﺭﻗﺎﻟﻲ ﺍﻟﺴﻜﺮ ﻭﺷﻴﻂ .. ﻣﻦ ﺍﻹﺣﺮﺍﺝ ﻭﻣﻦ ﻋﻴﻮﻧﻪ ﺁﺍﺍﺍﻩ ﻣﻦ ﻋﻴﻮﻧﻪ ﻭﻧﻈﺮﺗﻬﻦ ..💓
ﻗﻌﺪ ﻳﺸﺒﺤﻠﻬﺎ ﻭﻫﻮ ﻣﻀﻴﻖ ﻋﻴﻮﻧﻪ ﻭﻣﺎﺗﻜﻠﻤﺶ ﺑﻜﻞ ..
ﻧﻮﺭﺍﻥ ﺑﺈﺣﺮﺍﺝ : ﻫﻮ ﺍﻧﺎ ﻋﺎﺭﻓﻪ ﺭﻭﺣﻲ ﻛﻴﻒ ﺍﻟﻤﺘﻄﻔﻠﻴﻦ .. ﻭﺧﺸﻴﺖ ﻋﻠﻴﻚ ﻫﻚ .. ﺑﺲ ﺍﻧﺎ ﺩﻗﻴﺖ ﻭﺍﻟﻠﻪ .. ﺍﻧﺖ ﻳﻌﻨﻲ ﻛﻨﺖ ﺗﻔﻜﺮ .. ﺳﺮﺣﺎﻥ ﻳﻤﻜﻦ .. ﻭﻣﺎﺳﻤﻌﺘﺶ .. ﻋﻤﻮﻣﺎ ﺍﺳﻔﻪ ﻳﻌﻨﻲ .. ﻭﺍﻫﻮ ﺑﻨﻄﻠﻊ .. ﻟﻔﺖ ..
: ﻣﻦ ﺇﻧﺘﻲ ..
ﺍﻟﺘﻔﺘﺖ ﺑﺒﻂﺀ ﻭﺷﺒﺤﺘﻠﻪ ﻭﻋﻴﻮﻧﻬﺎ ﺫﺍﻳﺒﻪ ﻓﻌﻴﻮﻧﻪ : ﺍﻧﺎ .. ﻧﻮﺭﺍﻥ ..
ﺍﺑﺘﺴﻢ ..
💙 ﻧﻮﺭﺍﻥ ..
ﺣﻲ ﻋﻠﻴﺎ ﻭﺣﻲ .. ﻧﻬﺎﺭﺍﺗﻲ ﺍﻟﺴﻮﺩ ﺍﻧﺎ ... ﻧﺎﻗﺼﻪ ﻫﻮ ﺍﻧﺖ ﺟﺎﻣﺪ ﻭﺗﻬﺒﻞ ﻛﻴﻒ ﻟﻮﺍﺑﺘﺴﻤﺖ .. ﺍﻧﺎ ﺑﻴﺮﻛﺒﻨﻲ ﻣﺮﺽ ﺍﻟﻘﻠﺐ ﻣﺶ ﺑﺲ ﺍﻟﺴﻜﺮ ..
: ﺗﻌﺮﻓﻴﻨﻲ ﻗﺒﻞ
ﻧﻮﺭﺍﻥ " ﻳﺎﺭﻳﺖ ..." ﻫﺰﺕ ﺭﺍﺳﻬﺎ ﺑﺎﻟﻨﻔﻲ ..
ﺗﻨﻬﺪ : ﻳﻌﻨﻲ ﻣﺎﻓﻲ ﺣﺪ ﻳﻌﺮﻓﻨﻲ ﻫﻨﻲ ﺑﻜﻞ ..
ﻧﻮﺭﺍﻥ ﺍﺑﺘﺴﻤﺖ : ﻏﺮﺑﺎﻭﻱ ..
: ﻧﻌﻢ؟
ﻧﻮﺭﺍﻥ : ﺍﻧﺖ ﻏﺮﺑﺎﻭﻱ ...
ﺿﺤﻚ : ﻣﻤﻜﻦ ...
ﻧﻮﺭﺍﻥ " ﻧﺎﻋﻠﻴﺎ ﻣﻦ ﺍﻟﻀﺤﻜﻪ ﻧﺎﻋﻠﻴﺎ ﻣﻨﻚ .."
ﺗﻨﻬﺪ ﺑﻀﻴﻖ : ﻣﺶ ﻗﺎﺩﺭ ﻧﺬﻛﺮ ﻣﺶ ﻋﺎﺭﻑ ﺷﻲ ... ﺷﺒﺤﻠﻬﺎ .. ﺍﻧﻲ ﻋﻼﺵ ﻫﻨﻲ ﺍﺻﻼ ..
ﻧﻮﺭﺍﻥ ﺍﻧﻮﺟﻌﺖ ﻋﻠﻴﻪ : ﺍﻧﺎ ﻟﻘﻴﺘﻚ ﻉ ﺍﻟﺒﺤﺮ ﻭﻛﻨﺖ ﻓﺎﻗﺪ ﺍﻟﻮﻋﻲ ..
ﺣﻂ ﻳﺪﻩ ﻉ ﺟﺒﻬﺘﻪ ﻭﻗﻌﺪ ﻳﻔﺮﻙ ﻓﻴﻬﺎ ﻭﻋﻴﻮﻧﻪ ﻣﻐﻤﻀﺎﺕ ﺑﺸﺪﻩ ..
ﻧﻮﺭﺍﻥ ﺧﺎﻓﺖ : ﻛﻨﻚ؟
ﻓﺘﺢ ﻋﻴﻮﻧﻪ : ﻛﻨﻚ ﻗﺼﺪﻙ ﺧﻴﺮﻙ ؟
ﻧﻮﺭﺍﻥ ﺍﺑﺘﺴﻤﺖ : ﺍﻫﺎ ...
ﺍﺑﺘﺴﻢ ﺑﺘﻬﻜﻢ : ﻧﺒﻲ ﻧﺬﻛﺮ ﻭﻟﻮ ﺷﻲ ﺑﺴﻴﻂ ﻣﺶ ﻗﺎﺩﺭ ...
ﻧﻮﺭﺍﻥ : ﻣﺎﺗﺠﻬﺪﺵ ﺭﻭﺣﻚ .. ﺑﺸﻮﻳﺶ ﻋﻠﻴﻚ .. ﺳﻴﻮﺭﻙ ﺗﺬﻛﺮ .. ﺍﻧﺖ ﻣﺎﻟﻜﺶ ﻭﺍﺟﺪ ﻭﺍﻋﻲ .. ﻣﺎﺗﻌﺒﺶ ﺭﻭﺣﻚ ..
ﺷﺒﺤﻠﻬﺎ ﺑﺈﺑﺘﺴﺎﻣﻪ : ﺇﻥ ﺷﺎﺀﺍﻟﻠﻪ ..
ﻧﻮﺭﺍﻥ : ﻧﺤﺐ ﻧﻄﻤﻨﻚ ﺍﻧﺖ ﻫﻨﺎ ﻓﻲ ﺃﻣﺎﻥ ﻭﺍﻟﻠﻲ ﺗﺒﻴﻬﺎ ﺍﻃﻠﺒﻬﺎ ﺗﻠﻘﺎﻫﺎ .. ﺍﻧﺖ ﺿﻴﻔﻨﺎ ﻋﺎﺩ ﻭﻭﺍﺟﺐ ﻧﻬﺘﻤﻮﺍ ﺑﻴﻚ ..
ﺍﺑﺘﺴﻢ : ﺷﻜﺮﺍ ... ﺑﺲ ﻳﻌﻨﻲ ﻣﻄﻮﻟﻪ ﺍﻟﻀﻴﺎﻓﻪ ﻫﻨﻲ ﻳﻌﻨﻲ ﻻﺯﻡ ﻧﻄﻠﻊ ﻓﻲ ﺍﻟﻨﻬﺎﻳﻪ ..
ﻧﻮﺭﺍﻥ ﺍﺑﺘﺴﻤﺖ : ﻳﺤﻠﻬﺎ ﺭﺑﻚ ﻣﺎﻋﻠﻴﻜﺶ ﻓﺸﻲ ...
ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻣﺒﺘﺴﻢ ...
ﻧﻮﺭﺍﻥ : ﺗﻮﺍ ﻻﺯﻡ ﻧﻌﺪﻱ .. ﻧﺠﻴﻚ ﺑﻌﺪﻳﻦ ..
ﻫﺰ ﺭﺍﺳﻪ ﺑﺈﻳﺠﺎﺏ ..
ﻧﻮﺭﺍﻥ : ﻣﺎﺗﺒﻲ ﺷﻲ ..
ﻫﺰ ﺭﺍﺳﻪ ﺑﺎﻟﻨﻔﻲ ..
ﻧﻮﺭﺍﻥ ﺍﺑﺘﺴﻤﺖ : ﺳﻼﻡ ﺗﻮﺍ .. ﻟﻔﺖ ﺑﺘﻄﻠﻊ ﻭﻣﺎﺗﺒﻴﺶ ﺗﻄﻠﻊ ..
" ﻧﻮﺭﺍﻥ .."
ﻧﻮﺭﺍﻥ ﻏﻤﻀﺖ ﻋﻴﻮﻧﻬﺎ " ﻧﺎﻋﻠﻴﺎ .."💓 ﻓﺘﺤﺖ ﻋﻴﻮﻧﻬﺎ ﻭﺍﻟﺘﻔﺖ ..
ﻟﻘﺎﺗﻪ ﻳﺸﺒﺤﻠﻬﺎ ﺑﺈﺑﺘﺴﺎﻣﻪ : ﺷﻜﺮﺍ ..
ﻧﻮﺭﺍﻥ ﺑﺈﺑﺘﺴﺎﻣﻪ ﺧﺠﻮﻟﻪ : ﺍﻟﻌﻔﻮ ... ﺑﺎﻱ .. ﻭﻟﻔﺖ ﻭﻃﻠﻌﺖ ... ﻗﻠﺒﻬﺎ ﻓﻲ ..💓1000 ﻣﺶ ﻉ ﺑﻌﻀﻬﺎ ﺑﻜﻞ ﺯﻱ ﺍﻟﻤﺴﺤﻮﺭﺓ ﻣﺎﺷﻴﻪ ﺗﺒﺘﺴﻢ ﻭﺧﻼﺹ .. ﻣﺶ ﻣﺮﻛﺰﺓ ﺑﻜﻞ ﻟﻴﻦ ﺍﻧﺨﺒﻄﺘﺖ ﻓﻲ ﺣﺪ ..
ﺳﻨﺪﺱ ﺑﻀﺤﻜﻪ : ﻭﻳﻦ ﻋﻴﻮﻧﻚ ﻳﺎﺍﺧﺘﻲ ..
ﻧﻮﺭﺍﻥ ﻭﺟﻬﻬﺎ ﺍﺣﻤﺮ ﻭﺗﻀﺤﻚ : ﺷﻦ ﺟﻮﻙ ..
ﺳﻨﺪﺱ : ﻛﻨﻪ ﻭﺟﻚ ﻗﻌﺪ ﺑﺎﻛﻮ ﺍﻟﻮﺍﻥ ..
ﻧﻮﺭﺍﻥ ﺿﺤﻜﺖ ﺑﺮﺑﻜﻪ : ﻻ ﻋﺎﺩﻱ ﻭﺟﻲ ﻛﻨﻪ .. ﻳﻠﻼ .. ﺗﻮﺍ ﺑﻨﻌﺪﻱ ﻟﻠﻤﺸﻐﻞ .. ﺍﻟﻌﺸﻴﻪ ﺟﺎﻳﻪ ﻗﺎﻋﺪﻩ ﻟﻌﻨﺪ ﺍﻟﻠﻴﻞ ..
ﺳﻨﺪﺱ : ﺍﻧﺘﻲ ﻛﺮﻋﻴﻚ ﺧﺬﻥ ﻋﺎﻟﻤﺴﺘﺸﻔﻰ ﺍﻟﻤﺪﻩ ﺍﻷﺧﻴﺮﻩ .. ﺍﻋﺘﺮﻓﻲ ﺷﻦ ﻓﻲ ..
ﻧﻮﺭﺍﻥ : ﺷﻦ ﺑﻴﻜﻮﻥ ﻳﻌﻨﻲ ﻳﺎﺳﻨﺪﺱ ﻳﻠﻼ ﺑﺎﻱ ﻳﺎﺳﻤﺤﻪ .. ﻭﻣﺸﺖ ﺗﺠﺮﻱ ﻭﺳﻨﺪﺱ ﺗﺸﺒﺤﻠﻬﺎ ﻭﺗﻀﺤﻚ ﺑﻌﺪﻳﻦ ﻛﻤﻠﺖ ﻃﺮﻳﻘﻬﺎ ..
***
ﻻﻣﺘﻰ ﻫﺎﻟﺤﺎﻝ ﺍﻟﺒﻨﺖ ﺣﺘﺮﻳﺢ ﻣﻦ ﺑﻴﻦ ﺍﻳﺪﻳﻨﺎ ..
ﻣﻨﺼﻮﺭ : ﺷﻦ ﻧﺪﻳﺮ ﻳﺎﻓﺮﻳﺤﻪ ﻣﺎﺑﻴﺪﻱ ﺷﻲ ﺗﺸﺒﺤﻲ ﻓﻴﻬﺎ ﻭﻓﺤﺎﻟﻬﺎ ﺭﺍﻓﻀﻪ ﺣﺘﻰ ﺗﺪﻭﻱ ..
ﻓﺮﻳﺤﻪ ﺩﻣﻮﻋﻬﺎ ﻧﺰﻟﻮﺍ : ﺁﺍﺍﺍﻩ ﻻﻛﺎﻥ ﻻﻉ ﺑﺎﻝ ﻭﻻﻉ ﺧﺎﻃﺮ .. ﺍﻟﻌﺮﺱ ﻣﻔﺮﻭﺽ ﺗﻮﺍ ﺑﺎﺩﻱ ... ﺍﺳﺘﻐﻔﺮ ﺍﻟﻠﻪ ﻭﺧﻼﺹ ..
ﻣﻨﺼﻮﺭ : ﻗﺪﺭ ﺍﻟﻠﻪ ﻭﻣﺎﺷﺎﺀ ﻓﻌﻞ ..
ﻛﻨﺎﻧﻪ ﻓﻲ ﺩﺍﺭﻫﺎ ﺭﺍﻗﺪﻩ ﺗﺸﺒﺢ ﻓﻲ ﺍﻟﻔﺮﺍﻍ ﺩﻣﻮﻋﻬﺎ ﻣﺎﺑﻄﻠﻮﺵ ﻧﺰﻭﻝ ﻟﻴﻦ ﻋﻴﻮﻧﻬﺎ ﻭﻟﻮﺍ ﺣﻤﺮ ﻣﻦ ﺍﻟﺒﻜﻲ ﻭﺿﻌﻔﺖ ﻭﻣﻨﻈﺮﻫﺎ ﻭﻻ ﻳﻘﻄﻊ ﺍﻟﻘﻠﺐ .. ﻭﺭﺩﺓ ﻭﺫﺑﻠﺖ ... ﺭﻭﺣﻬﺎ ﻭﺭﺍﺣﺖ ﻣﻨﻬﺎ .. ﺍﻹﻧﺴﺎﻥ ﺍﻟﻠﻲ ﻋﺎﻳﺸﻪ ﺑﻴﻪ ﻭﺑﺤﺒﻪ ﺭﺍﺡ ﻣﻌﺎﺵ ﺣﺘﺸﻮﻓﻪ ﺧﻼﺹ ﻣﻌﺎﺵ ﻓﺤﻴﺎﺗﻬﺎ .. ﻫﻲ ﺣﺎﺳﻪ ﺍﻥ ﻋﻤﺮﻫﺎ ﻭﻗﻒ ﺧﻼﺹ ﺍﻟﻠﻲ ﺑﻌﺪ
ﻋﻼﺀ ﻣﺶ ﻣﺤﺴﻮﺏ ... ﻣﻴﺘﻪ ﻣﻊ ﻭﻗﻒ ﺍﻟﺘﻨﻔﻴﺪ ..💔
***
ﺭﻭﺣﻲ ﻣﻊ ﺭﺍﺟﻠﻚ ﻳﺎﺳﺮ ...
ﻓﺮﻳﺎﻝ ﺑﺒﻜﻲ : ﺑﻨﻤﻮﺕ ﻳﺎﻣﺎﻣﺎ ﻛﺮﻫﺖ ﻛﻞ ﺷﻲ ﻣﺶ ﻃﺎﻳﻘﺎﺗﻪ ﻳﺎﻣﺎﻣﺎ ..
ﺳﻨﺎﺀ ﺿﺮﺑﺖ ﺑﻜﻔﻬﺎ ﻉ ﺧﺪﻫﺎ : ﺧﻴﺮﻙ ﻳﺎﻧﻬﺎﺭﻱ ﺍﻷﺳﻮﺩ ﻫﺒﻠﺘﻲ !!
ﻓﺮﻳﺎﻝ ﺿﺮﺑﺖ ﻉ ﺻﺪﺭﻫﺎ ﺟﻬﺔ ﻗﻠﺒﻬﺎ : ﻫﺬﺍ ﻳﻮﺟﻊ ﻓﻴﺎ ﻳﺘﻘﻄﻊ .. ﻣﺶ ﻣﺴﺘﻮﻋﺒﻪ ﻋﻼﺀ ... ﺍﺍﺍﺍﺍﻩ ﻳﺎﺭﺑﻲ ... ﻳﺎﺭﻳﺘﻪ ﺗﻮﺍ ﻋﺮﺳﻪ ﻭﻓﺮﺣﺎﻥ ﻭﺧﺪﻱ ﻛﻨﺎﻧﻪ ﻳﺎﺭﻳﺘﻪ ﺍﻟﻤﻬﻢ ﻣﻮﺟﻮﺩ . ﺍﻟﻤﻬﻢ ﻋﺎﻳﺶ ... ﺍﺍﺍﺍﻩ ﻳﺎﻋﻼﺀ ﻳﺎﺣﺒﻴﺒﻲ ﻭﻗﻌﺪﺕ ﺗﺒﻜﻲ ..
ﺳﻨﺎﺀ ﺗﺨﺒﻂ ﻓﻜﻮﻓﻔﻬﺎ ﻉ ﺑﻌﺾ : ﻻﺧﻼﺹ ﻓﻮﺯﺗﻲ ﺭﺳﻤﻲ .. ﺧﻞ ﻧﻄﻠﻊ ﻧﻜﺬﺏ ﺍﻱ ﻛﺬﺑﻪ ﻉ ﺍﻟﺮﺍﺟﻞ ﺍﻟﻠﻪ ﻏﺎﻟﺐ .. ﻭﻃﻠﻌﺖ ﻣﻦ ﺣﺪﺍﻫﺎ ﻭﺧﻠﺘﻬﺎ ﺗﺒﻜﻲ ..
***
💓 ﻃﻮﻝ ﺍﻟﻮﻗﺖ ﻭﻫﻲ ﺗﺨﺪﻡ ﺗﻔﻜﺮ ﻓﻴﻪ ﺑﻴﻦ ﻋﻴﻮﻧﻬﺎ .. ﻋﻴﻮﻧﻪ .. ﺍﺑﺘﺴﺎﻣﺘﻪ .. ﺿﺤﻜﺘﻪ .. ﺻﻮﺗﻪ .. ﺍﺳﻠﻮﺑﻪ .. ﻛﻠﻪ ﻉ ﺑﻌﻀﻪ .. ﺗﺒﺘﺴﻢ ﻭﻗﻠﺒﻬﺎ ﻳﻨﺒﺾ ﺑﻘﻮﺓ ...
ﻧﻮﺭﺍﻥ : ﺁﺍﺍﺍﺍﻩ ...
ﺻﻔﺎﺀ : ﻛﻨﻚ؟
ﻧﻮﺭﺍﻥ ﺗﻀﺤﻚ ﺑﺨﺠﻞ : ﻧﺸﺖ ﺻﺒﻌﻲ ﺑﺎﻟﻐﻠﻂ ..
ﺻﻔﺎﺀ ﺗﻀﺤﻚ : ﻭﻫﻤﺎ ﺍﻟﻠﻲ ﻳﻨﻮﺷﻮﺍ ﺻﺒﺎﻋﻬﻢ ﻳﻀﺤﻜﻮﺍ ﻭﺧﺪﻭﺩﻫﻢ ﻳﺘﻮﺭﺩﻭﺍ ﻫﻚ ... ﺍﻋﺘﺮﻓﻲ ﻣﻦ ﻭﺍﺧﺪ ﻋﻘﻠﻚ ..
ﻧﻮﺭﺍﻥ ﻣﺒﺘﺴﻤﻪ ﺑﺨﺠﻞ : ﻭﺍﺧﺪ ﻋﻘﻠﻲ؟ ! ﻣﻦ ﺑﻴﺎﺧﺪﻩ ﻳﻌﻨﻲ .. ﺍﺳﻜﺘﻲ ﺗﺮﺍ ..
ﺻﻔﺎﺀ : ﻭﻟﺪ ﺳﻴﺪﻙ ..
ﻧﻮﺭﺍﻥ ﺑﻀﺤﻜﻪ : ﻳﺎﺑﻨﺘﻲ ﺍﻧﺘﻲ ﺍﻟﺘﺎﻧﻴﻪ ﻣﻴﺔ ﻣﺮﺓ ﻧﺪﻭﻳﻠﻚ ﻓﻴﻬﺎ ﻛﻴﻒ ﺧﻮﻳﺎ ...
ﺻﻔﺎﺀ : ﻭﻛﻴﻒ ﺧﻮﻙ ﻭﻫﻮ ﺣﺎﺟﺮﻙ ..
ﻧﻮﺭﺍﻥ : ﻭﺭﺍﺱ ﺻﻔﺎﺀ ﺗﺴﻜﺘﻲ ﻭﻣﺎﺗﻌﻜﺮﻟﻴﺶ ﺟﻮﻱ ..
ﺻﻔﺎﺀ : ﻣﻌﻨﺎﻫﺎ ﻓﻲ ﻭﺍﺣﺪ ﻏﻴﺮﻩ ..
ﻧﻮﺭﺍﻥ ﺗﻀﺤﻚ ﺑﻌﺼﺒﻴﻪ : ﺍﻟﻬﻲ ﺑﺸﻐﻠﻚ ﻳﻠﻼ ..
ﺻﻔﺎﺀ : ﻫﻬﻬﻬﻬﻬﻬﻬﻪ .. ﻫﺎﻧﺎ ﻟﻬﻴﻨﺎ ..
ﺩﺍﻟﻴﺎ : ﺿﺤﻜﻨﺎ ﻣﻌﺎﻛﻦ ..
ﺭﻗﻴﻪ : ﺍﻫﺎ ..
ﺍﻧﻔﺘﺢ ﺍﻟﺒﺎﺏ ﻭﺧﺸﺖ ﻣﻼﻙ ..
ﺍﻟﺒﻨﺎﺕ 😑😑😑:
ﻣﻼﻙ : ﻫﺎﺍﺍﻟﻮ ﻧﺎﻧﻲ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﻫﻼ ﻟﻴﻜﻲ ..
ﻣﻼﻙ : ﺻﺒﻲ ﺻﺒﻲ ﻧﺮﻭﺣﻮﺍ ﻟﺤﻮﺷﻜﻢ ﻧﺘﻐﺪﻭﺍ ...
ﻧﻮﺭﺍﻥ : ﺍﺳﺘﺎﺣﺸﺘﻲ ﺍﻳﻜﺎﻝ ﻧﺒﻮﻳﻪ ..
ﻣﻼﻙ :. ﺍﻫﺎ ﻭﺍﺟﺪ .. ﻫﻴﺎ ﻫﻴﺎ .. ﺑﺎﺗﻲ ﻭﺍﻣﻲ ﻋﺪﻭﺍ ﻟﺴﺮﺕ ﻋﻨﺪ ﻋﻤﺘﻲ ..
ﻧﻮﺭﺍﻥ : ﻛﻨﻬﺎ ..
ﻣﻼﻙ : ﺯﻳﺎﺭﺓ ﻋﺎﺩﻱ ..
ﻧﻮﺭﺍﻥ : ﺍﻫﺎ ..
ﻣﻼﻙ : ﻫﻴﺎ ﺻﺒﻲ ..
ﻧﻮﺭﺍﻥ : ﺍﺭﺟﻲ ﺷﻮﻱ .. ﻧﺎﺿﺖ ﺣﻮﻟﺖ ﺍﻟﺤﺎﺟﺎﺕ ﻭﺧﺪﺕ ﺷﻨﻄﺘﻬﺎ ﻭﻭﺻﺖ ﺻﻔﺎﺀ ﺯﻱ ﺍﻟﻌﺎﺩﻩ ﻭﻃﻠﻌﻮﺍ ..
ﺻﻔﺎﺀ : ﻛﺎﻥ ﻧﻌﺮﻑ ﻋﻠﻴﺶ ﻗﺎﻋﺪﻩ ﻣﻌﺎﻫﺎ ...
ﺩﺍﻟﻴﺎ : ﺗﺸﻢ ﻋﻠﻴﻬﺎ ﻓﺒﻨﺔ ﺍﻣﻬﺎ ﻣﺴﻜﻴﻨﻪ ..
ﺭﻗﻴﻪ : ﻃﻴﺎﺑﺔ ﻫﺎﻟﺒﻨﺖ ﻧﻌﻤﻪ ﻭﻧﻘﻤﻪ ﻋﻠﻴﻬﺎ ..
ﺻﻔﺎﺀ : ﺍﻟﻨﺎﺱ ﺍﻟﻠﻲ ﺭﺍﻳﺤﻴﻦ ﻛﻴﻒ ﺍﻟﺸﻴﺎﻃﻴﻦ ﻣﺎﻳﺘﺤﻤﻠﻮﺵ ﺍﻟﻠﻲ ﻛﻴﻒ ﺍﻟﻤﻼﻳﻜﻪ ﺑﻴﻨﺎﺗﻬﻢ ..
ﺩﺍﻟﻴﺎ : ﺻﺪﻗﺘﻲ ..
***
ﻭﺻﻠﻮﺍ ..
ﻓﺘﺤﻠﻬﺎ ﺍﻟﺴﻮﺍﻕ ﺍﻟﺒﺎﺏ ..
ﻭﻫﻮ ﻧﺰﻝ ﻣﻦ ﺟﻨﺐ ﺍﻟﺴﻮﺍﻕ ...
ﺧﺸﻮﺍ ﺍﻟﺰﻭﺯ ..
ﺭﻳﻬﺎﻡ ؛ ﺑﻄﻞ ﺍﻟﻐﺮﻭﺭ ﺍﻟﻜﺬﺍﺏ ﺍﻟﻠﻲ ﺍﻧﺖ ﻓﻴﻪ ..
ﺍﻛﺮﻡ : ﻭﺍﻧﺖ ﺑﻄﻠﻲ ﺗﻌﻴﺸﻲ ﻓﻲ ﺍﻷﻭﻫﺎﻡ ..
ﺭﻳﻬﺎﻡ ﺑﺈﺳﺘﻔﺰﺍﺯ : ﺑﻄﻞ ﺗﻌﻴﺶ ﻓﻴﻬﺎ ﺍﻧﺖ ﻗﺒﻞ ..
ﺍﻛﺮﻡ ﺷﺒﺤﻠﻬﺎ ﻉ ﺟﻨﺐ ﻭﺳﻜﺖ ..
ﺭﻳﻬﺎﻡ ﺍﺑﺘﺴﻤﺖ : ﻋﻴﻮﻧﻚ ﻓﺎﺿﺤﻴﻨﻚ ..
ﺷﺒﺢ ﺍﻟﻘﺪﺍﻡ ﻭﺣﺎﻁ ﻧﻈﺮﺍﺗﻪ ﻉ ﻋﻴﻮﻧﻬﺎ ﻭﻭﻗﻒ ﻗﺪﺍﻡ ﺍﻟﺤﻮﺵ .. ﻭﻫﻲ ﺷﺒﺤﺘﻠﻪ ﺑﺤﺪﻩ ﻭﺧﺸﺖ ..
***
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
: ﺍﻣﺎ ﺍﻧﺘﻲ ... ﻭﻭﻭﻙ ﻋﻠﻴﺎ ﺟﻨﺎﺑﻲ ..
: ﻓﻀﻴﻌﻪ ﻭﺣﻖ ﺍﻟﻠﻪ ..
ﺳﺎﺭﺓ : ﺍﻫﺎ ﺑﻴﻔﻮﺗﻪ ﻋﻠﻴﺎ ﻻﺍﺍﻳﺎﻣﺎﻣﺎ ﺍﻧﺎ ﻧﺮﺑﻴﻪ ﻭﻧﺮﺑﻲ 10 ﻣﻦ ﺍﻣﺜﺎﻟﻪ ..
ﻗﻌﺪ ﻳﺪﻭﺭ ﻓﻲ ﺍﻟﻤﺼﻨﻊ ﻟﻘﺎﻫﺎ ﻻﻣﻪ ﺍﻟﺒﻨﺎﺕ ﻭﻳﻬﺪﺭﺯﻭﺍ ﻭﻳﻀﺤﻜﻮﺍ ..
ﺍﻟﻤﺴﺆﻭﻝ : ﻫﻀﺎ ﺷﻨﻮ؟؟
ﺍﻟﺒﻨﺎﺕ ﺍﻧﺨﻠﻌﻮﺍ ﻣﺸﻮﺍ ﻳﺠﺮﻭ ﻛﻞ ﻭﺣﺪﻩ ﻟﻤﻜﺎﻧﻬﺎ .. ﻭﺳﺎﺭﺓ ﻣﺶ ﻣﻌﺒﺮﺍﺗﻪ ..
ﺍﻟﻤﺴﺆﻭﻝ ﻗﺪﻣﻠﻬﺎ : ﺍﻣﺘﻰ ﺑﺘﻌﻘﻠﻲ .. ﻣﺎﺻﺒﺮﺕ ﻋﻠﻴﻚ ﺇﻻ ﻭﺍﺟﺪ ..
ﺳﺎﺭﺓ ﻣﻄﻨﺸﻪ ﻭﺗﺸﺒﺢ ﻟﺘﻠﻔﻮﻧﻬﺎ .. ﺟﺒﺪﻩ ﻣﻨﻬﺎ ..
ﺳﺎﺭﺓ ﻓﻨﺼﺖ ..
ﺍﻟﻤﺴﺆﻭﻝ ﺑﺮﻓﻌﺔ ﺣﺎﺟﺐ : ﺧﻮﺩﻳﻪ ﻛﺎﻥ ﻗﺪﺭﺗﻲ ..
ﻗﺪﻣﺖ : ﺟﻴﺒﻪ ﻫﻨﺎ ﺍﺣﺴﻠﻚ ..
ﺍﻟﻤﺴﺆﻭﻝ ﺿﺤﻚ ﺑﺘﻬﻜﻢ : ﺧﻮﺩﻳﻪ ﺑﺮﻭﺣﻚ ..
ﺳﺎﺭﺓ : ﺃﻛﺴﺮ ﺍﻟﺸﺮ ﻭﺟﻴﺐ .. ﻣﺎﺩﺓ ﻳﺪﻫﺎ .. ﺣﻄﻪ ﻫﻨﺎ ﻳﻠﻼ ..
ﺍﻟﻤﺴﺆﻭﻝ ﺑﻀﺤﻜﺔ ﺳﺨﺮﻳﻪ : ﺧﻮﻓﺘﻴﻨﻲ ..
ﺳﺎﺭﺓ : ﺍﻭﻓﻔﻔﻒ .. ﻣﺼﺮ ﻳﻌﻨﻲ ..
ﺍﻟﻤﺴﺆﻭﻝ ﺍﺑﺘﺴﻢ ﺑﺈﺳﺘﻔﺰﺍﺯ : ﺍﻫﺎ ..
ﻗﺪﻣﺖ ﺷﺒﺤﺖ ﻟﻌﻴﻮﻧﻪ ﺑﺤﺪﻩ ﻭﻫﻮ ﻳﺸﻮﻓﻠﻬﺎ .. ﺑﺤﺮﻛﻪ ﺳﺮﻳﻌﻪ ﺟﺒﺪﺕ ﻳﺪﻩ ﻟﻠﻲ ﻓﻴﻬﺎ ﺍﻟﺘﻠﻴﻔﻮﻥ ﻭﻟﻮﺗﻬﺎ ﻭﺭﺍ ﺿﻬﺮﻩ ﻭﻟﺼﻘﺎﺗﻪ ﻉ ﺍﻟﺤﻴﻂ .. ﻭﻫﻮ ﻣﺼﺪﻭﻡ .. ﻭﺍﻟﻌﺎﻣﻼﺕ ﻣﺼﺪﻭﻣﺎﺕ ..
ﺳﺎﺭﺓ ﻗﺪﻣﺖ ﻟﻮﺫﻧﻪ : ﺁﺧﺮﻣﺮﺓ ﺩﻳﺮ ﻓﻴﻬﺎ ﺣﺎﻧﻂ ﻣﻌﺎﻳﺎ .. ﺟﺒﺪﺕ ﺗﻠﻴﻔﻮﻧﻬﺎ ﻭﻣﺸﺖ ﻟﻤﻜﺎﻥ ﺧﺪﻣﺘﻬﺎ . ﻭﺧﻼﺗﻪ ﻣﺼﺪﻭﻡ ﻭﻣﺤﺮﺝ ﻣﺸﻲ ﺑﺴﺮﻋﻪ ..
***
ﻉ ﺍﻟﻐﺪﻱ ..
ﻧﻮﺭﺍﻥ : ﻣﺸﻐﻮﻟﻪ ﺑﻴﻬﺎ ﺷﻮﻳﻪ ..
ﺭﺿﻮﺍﻥ : ﻟﻮ ﻓﻲ ﻣﺸﺎﻛﻞ ﻗﻮﻟﻲ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﺭﺑﻲ ﻣﺎﻳﺠﻴﺒﻬﻦ ..
ﺍﺑﺘﺴﻢ ﺭﺿﻮﺍﻥ : ﻛﻮﻳﺲ ..
ﺭﻳﻬﺎﻡ ﺑﺈﺑﺘﺴﺎﻣﻪ : ﻣﺎﺷﺎﺀ ﺍﻟﻠﻪ ﻋﻠﻴﻚ ﻳﺎﻧﻮﺭﺍﻥ .. ﻓﺎﺗﺤﻪ ﻣﺸﻐﻞ ﻭﻧﺎﺟﺤﻪ ﻓﻴﻪ ﻭﻣﺴﺘﺸﻔﻰ ﺧﻴﺮﻱ ﻭﺍﻟﻨﺎﺱ ﺗﺸﻜﺮ ﻓﻴﻪ ﻭﻓﺨﺪﻣﺎﺗﻪ .. ﻧﻬﻨﻴﻚ ﺑﺠﺪ .. ﺳﺎﺑﻘﻪ ﺑﻨﺎﺕ ﺟﻴﻠﻚ ..
ﺷﻬﺎﺏ ﺑﺈﺑﺘﺴﺎﻣﻪ : ﻧﺎﻧﻲ ﻣﺎﻓﺶ ﻛﻴﻔﻬﺎ .. ﻭﺟﻬﻪ ﻭﻻﺃﺣﻤﺮ ﻟﻤﺎ ﺣﺲ ﺑﺄﻟﻢ ﻣﻦ ﺭﺟﻠﻪ ﺍﻟﻠﻲ ﻋﻔﺴﺖ ﻋﻠﻴﻬﺎ ﻣﻼﻙ ...
ﺷﺒﺤﻠﻬﺎ ﻟﻘﺎﻫﺎ ﺗﺸﺒﺢ ﻟﻠﺼﻮﻧﻴﻪ ﺑﺮﻓﻌﺔ ﺣﺎﺟﺐ ..
ﺭﺿﻮﺍﻥ : ﻃﺎﻟﻌﻪ ﻟﺒﻮﻫﺎ ﺍﻟﻠﻪ ﻳﺮﺣﻤﻪ ..
ﻛﻠﻬﻢ ﻗﺎﻟﻮﺍ ﺑﺄﺻﻮﺍﺕ ﻣﺘﻘﻄﻌﻪ : ﺍﻟﻠﻪ ﻳﺮﺣﻤﻪ .
ﻧﻮﺭﺍﻥ : ﺫﻛﺮﺗﻨﻲ ﻳﺎﻋﻤﻲ ﻧﺒﻲ ﻧﺠﻴﺐ ﻭﺣﺪﻩ ﺗﻨﻈﻒ ﺍﻟﻔﻴﻼ ﺍﻟﻠﻲ ﺟﻨﺒﻨﺎ ﻣﺘﺎﻋﻲ ..
ﺭﺿﻮﺍﻥ : ﺍﻧﺘﻲ ﻗﺘﻴﻬﺎ ﻣﺘﺎﻋﻚ ﺍﻧﺘﻲ ﺣﺮﻩ ﻓﻴﻬﺎ
" ﻓﻴﻼ ﻧﻮﺭﺍﻥ ﻫﻲ ﻓﻴﻼ ﺑﻮﻫﺎ ﻭﺃﻣﻬﺎ .. ﺑﻮ ﻧﻮﺭﺍﻥ ﺍﺳﻤﻪ ﺳﻔﻴﺎﻥ .. ﻛﺎﻥ ﻳﺴﻜﻦ ﻫﻮ ﻭﺧﻮﻩ ﺟﻨﺐ ﺑﻌﺾ ﻭﺍﻟﻔﺎﺻﻞ ﺑﻴﻨﺎﺗﻬﻢ ﺻﻮﺭ .. ﻓﻴﻪ ﺑﺎﺏ ﻣﺸﺘﺮﻙ .. ﺑﻴﻦ ﻓﺘﺮﻩ ﻭﻓﺘﺮﻩ ﺗﺠﻴﺐ ﻣﻦ ﻳﻨﻈﻔﻪ .. ﻭﻣﺨﻠﻴﺎﺗﻪ ﺯﻱ ﻣﺎﻫﻮ ﻣﺎﺗﻐﻴﺮﺕ ﻓﻴﻪ ﺣﺎﺟﻪ ﻛﻞ ﺷﻲ ﻓﻤﻜﺎﻧﻪ .."
ﻧﻮﺭﺍﻥ ﺍﺑﺘﺴﻤﺖ : ﺗﻤﺎﻡ .. ﺍﻫﺎ ﻋﻤﻲ !
ﺭﺿﻮﺍﻥ : ﻧﻌﻢ ؟ !
ﻧﻮﺭﺍﻥ : ﻟﻮ ﻣﻤﻜﻦ ﻳﻌﻨﻲ ﺍﻟﻴﻮﻡ ﺑﻨﺒﺎﺕ ﻓﻲ ﺍﻟﻤﺴﺘﺸﻔﻰ ..
ﺭﺿﻮﺍﻥ ﺷﺒﺢ ﻟﺮﻳﻬﺎﻡ ﺑﻌﺪﻳﻦ ﺷﺒﺢ ﻟﺸﻬﺎﺏ ﺑﺘﻬﻜﻢ ﻭﺷﺒﺤﻠﻬﺎ ﻭﻗﺎﻝ : ﻟﻴﺶ؟
ﻧﻮﺭﺍﻥ : ﻛﻴﻒ ﻣﺎﺃﻧﺖ ﺗﻌﺮﻑ ﺍﻧﺎ ﻣﻤﺮﺿﻪ ﻏﺎﺩﻱ ﻭﻓﻲ ﺣﺎﻻﺕ ﻭﺍﺟﺪ ﻓﻲ ﺍﻟﻤﺴﺘﺸﻔﻰ ﻻﺯﻡ ﻧﻜﻮﻥ ﻣﻮﺟﻮﺩﻩ ..
ﺭﺿﻮﺍﻥ ﺷﺒﺢ ﻟﻠﺼﻮﻧﻴﻪ ﻗﻌﺪ ﻳﻔﻜﺮ ﺷﻮﻳﻪ .. ﻭﻣﻼﻙ ﺗﺸﺒﺢ ﻟﻨﻮﺭﺍﻥ ﺑﺸﻚ ..
ﺭﺿﻮﺍﻥ ﻫﺰ ﺭﺍﺳﻪ ﺑﺈﻳﺠﺎﺏ ﻭﺷﺒﺤﻠﻬﺎ : ﺗﻤﺎﻡ .. ﺗﻮ ﻧﺒﻌﺘﻠﻚ ﺍﻛﺮﻡ ..
ﻧﻮﺭﺍﻥ ﺍﺑﺘﺴﻤﺖ ﺑﻔﺮﺡ : ﻛﻮﻳﺲ ..
ﻛﻤﻠﻮﺍ ﻏﺪﺍﻫﻢ ﻭﺭﻳﻬﺎﻡ ﻭﻣﻼﻙ ﻳﺨﺘﻠﺴﻮﺍ ﻓﻲ ﺍﻟﻨﻈﺮ ﻟﻨﻮﺭﺍﻥ ﻭﺣﺎﺳﻴﻦ ﺇﻥ ﻓﻲ ﺷﻲ ...
***
ﺗﻌﺎﻟﻰ ﻳﺎﺧﻠﻴﻔﻪ !!!
ﺧﻠﻴﻔﻪ ﻃﻠﻊ ﻣﻦ ﺍﻟﺪﺍﺭ ﻳﺠﺮﻱ ﺍﻧﺨﺒﻂ ﻓﻲ ﻣﻨﻴﺮ ﺍﻟﻠﻲ ﻃﺎﻟﻊ ﻳﺠﺮﻱ ﻣﻦ ﺩﺍﺭﻩ ﺷﺒﺤﻮﺍ ﻟﺒﻌﺾ ﻭﻣﺸﻮﺍ ﻳﺠﺮﻭﺍ ﻟﻠﺼﺎﻟﻪ ...
ﻟﻘﻮﺍ ﺳﻨﺎﺀ ﻭﺍﻗﻔﻪ ﻉ ﻧﻌﻴﻤﻪ ﺍﻟﻠﻲ ﻛﺎﻧﺖ ﻣﻐﻤﻀﻪ ﻋﻴﻮﻧﻬﺎ ﻭﻻﺣﺮﻛﻪ ..
ﻗﺪﻡ ﺧﻠﻴﻔﻪ ﻷﻣﻪ : ﺍﻣﻲ .. ﻳﻤﺎ ... ﻳﺎﻡ ... ﻗﻌﺪ ﻳﻀﺮﺏ ﻓﻀﺮﺑﺎﺕ ﺧﻔﻴﻔﻪ ﻉ ﺧﺪﻫﺎ .. ﺍﻣﻲ ﻳﺎﻡ ... ﺷﺒﺢ ﻟﻤﺮﺗﻪ ﻭﻭﻟﺪﻩ ﺑﺨﻮﻑ ..
ﻣﻨﻴﺮ ﻗﺪﻡ ﺗﺤﺴﺲ ﻣﻜﺎﻥ ﺍﻟﻨﺒﺾ .. ﺟﻤﺪ ﻓﻤﻜﺎﻧﻪ ﻋﻴﻮﻧﻪ ﺗﻌﺒﻮﺍ ﺩﻣﻮﻉ ...
ﺳﻨﺎﺀ ﺿﺮﺑﺖ ﻭﺟﻬﻬﺎ ﺑﺈﻳﺪﻳﻬﺎ ﻭﺷﻬﻘﺖ .. ﻭﺧﻠﻴﻔﻪ ﻭﺧﺮ ﻭﺣﻂ ﻳﺪﻩ ﻉ ﺭﺍﺳﻪ .. ﻉ ﺧﺸﺔ ﺑﻮﻩ ..
ﺍﺑﺮﺍﻫﻴﻢ ﻭﺯﻉ ﻧﻈﺮﻩ ﻋﻠﻴﻬﻢ ﺑﺨﻮﻑ : ﺧﻴﺮﻛﻢ؟ !!
ﺷﺒﺤﻮﻟﻪ ﺍﻟﺜﻼﺗﻪ ﺑﻨﻈﺮﺓ ﻛﻠﻬﺎ ﺣﺰﻥ ....
ﻓﻬﻢ ﻧﻈﺮﺍﺗﻬﻢ ﻋﻴﻮﻧﻪ ﺗﻌﺒﻮﺍ ﺩﻣﻮﻉ ﻃﻠﻊ ﻭﺧﻼﻫﻢ ...
🌫 ﻏﻴﻤﻪ ﺳﻮﺩﺍﺀ ﻭﻏﻄﺖ ﺳﻤﻲ ﻫﺪﻳﻜﺎ ﺍﻟﻌﻴﻠﻪ .. ﻭﺃﻳﺎﻣﻬﻢ ﺍﻟﺼﻌﺒﻪ ﺍﻟﺒﺎﻳﻦ ﺍﻧﻬﺎ ﻣﺶ ﺣﺘﻢ .. ﺍﻟﺤﺎﺟﻪ ﻧﻌﻴﻤﻪ ﻣﺎﺗﺤﻤﻠﺘﺶ ﻓﻘﺪﻫﺎ ﻟﺤﻔﻴﺪﻫﺎ ﺍﻟﻐﺎﻟﻲ ﻋﻠﻴﻬﺎ ﺍﻷﻏﻠﻰ ﻣﻦ ﺑﻮﻩ ﻋﻨﺪﻫﺎ .. ﻭﺯﻱ ﻣﺎﻳﻘﻮﻟﻮﺍ ﻣﺎﺃﻋﺰ ﻣﻦ ﺍﻟﻮﻟﺪ ﺇﻻ ﻭﻟﺪ ﺍﻟﻮﻟﺪ .. ﻗﻠﺒﻬﺎ ﺍﻟﻀﻌﻴﻒ ﻣﺎﻛﺎﻧﺘﺶ ﻋﻨﺪﻩ ﻗﻮﺓ ﺗﺤﻤﻞ ﻛﺎﻓﻴﻪ ﺑﺶ ﻳﺘﺤﻤﻞ ﺃﻟﻢ ﺍﻟﻔﻘﺪ ﻫﺬﺍ ... ﺳﻠﻤﺖ ﺍﻟﺮﻭﺡ ﻟﺒﺎﺭﻳﻬﺎ .... ﻭﻭﺩﻋﺖ ﺩﻧﻴﺎ ﺷﺎﻓﺘﻬﺎ ﻣﺎﺗﻨﻌﺎﺷﺶ ﺑﻌﺪ ﺣﻔﻴﺪﻫﺎ ﺍﻷﻗﺮﺏ ﻟﻘﻠﺒﻬﺎ ..💔
***
ﻭﺻﻠﺖ ﻟﻠﻤﺴﺘﺸﻔﻰ ﻭﻫﻲ ﻛﻠﻬﺎ ﻟﻬﻔﻪ ﺑﺶ ﺗﺮﺟﻊ ﺗﺸﻮﻑ ﺍﻟﻐﺮﻳﺐ ..
ﺍﻟﻠﻲ ﺩﺍﺭ ﻓﻲ ﻗﻠﺒﻬﺎ ﺍﻟﻬﻮﺍﻳﻞ ﻣﻦ ﻧﻈﺮﺓ ﻋﻴﻮﻧﻪ ﺍﻟﻌﺴﻠﻴﻪ ﺍﻟﺤﻠﻮﺓ ﺑﺎﻟﻤﺮﺓ..💓
ﺧﺸﺖ ﻟﻠﻤﺴﺘﺸﻔﻰ ﺗﺴﻠﻢ ﻉ ﺍﻟﻠﻲ ﺗﺸﻮﻓﻪ ﻗﺪﺍﻣﻬﺎ ﺭﻛﺒﺖ ﻓﻮﻕ ..
ﻭﻃﻮﻝ ﻟﻐﺮﻓﺘﻪ ﻭﻗﻠﺒﻪ ﻳﺠﺮﻱ ﻭﻳﺠﺮ ﻓﻴﻬﺎ .. ﻭﺟﻬﻬﺎ ﺍﺣﻤﺮ ﻭﻣﻠﺨﺒﻄﻪ .. ﻗﻠﺒﻬﺎ ﻳﻨﺒﺾ ﺑﺄﻗﻮﻯ ﻣﺎﻓﻴﻪ .. ﻭﺻﻠﺖ ﻓﻲ ﺑﺎﺏ ﻏﺮﻓﺘﻪ .. ﺳﻤﺖ ﺑﺎﻟﻠﻪ .. ﺑﻠﻌﺖ ﺭﻳﻘﻬﺎ ﻭﻓﺘﺤﺖ ﺍﻟﺒﺎﺏ ﺑﺎﻟﺸﻮﻱ .. ﻣﻦ ﻟﻬﻔﺘﻬﺎ ﻣﺎﻓﻜﺮﺗﺶ ﺍﻃﻖ ... ﻭﺍﻧﺼﺪﻣﺖ ﺑﺎﻟﻠﻲ ﺷﺎﻓﺎﺗﻪ ..
ﻛﺎﻥ ﻻﺑﺲ ﺳﺮﻭﺍﻝ ﺑﺲ ﻣﻦ ﻓﻮﻕ ﻣﺶ ﻻﺑﺲ ﺷﻲ ﻭﻭﺍﻗﻒ ﻉ ﺍﻟﺮﻭﺷﻦ .. ﻭﻋﺎﻃﻲ ﺑﺎﻟﻈﻬﺮ .. ﻣﻌﺎﺵ ﻋﺮﻓﺖ ﺗﻄﻠﻊ ﻭﻻﺷﻦ ﺍﺩﻳﺮ ...
ﻛﺎﻥ ﻃﻮﻳﻞ ﻭﻋﺮﻳﺾ ﺍﻟﻤﻨﻜﺒﻴﻦ ﺯﻱ ﻣﺎﻳﻘﻮﻟﻮﺍ ...😁
ﺣﺎﻁ ﻳﺪﻩ ﻉ ﺍﻟﺮﻭﺷﻦ ﻭﻳﺸﻮﻑ ﻟﺒﺮﺍ ...
ﻫﻮ ﺣﺲ ﺑﺤﺪ ﺧﺶ ﺗﻠﻔﺖ ﻭﺷﺎﻓﻬﺎ ..
ﻫﻲ ﻣﺎﺗﺖ ﻓﻲ ﻣﻜﺎﻧﻬﺎ ... ﻋﻜﺴﺖ ﺍﻟﺸﻤﺲ ﻉ ﻋﻴﻮﻧﻪ ﻭﻟﺤﻴﺘﻪ ﻭﺷﻌﺮﻩ ... ﻛﺎﻥ ﺷﻲ ﻓﻮﻕ ﺍﻟﻮﺻﻒ ..
💙 ﻧﻮﺭﺍﻥ ..
ﻳﻤﻲ ﺗﻌﺎﻟﻴﻠﻲ ﻳﻤﻲ .. ﺣﻲ ﻉ ﺑﻨﺘﻚ ﻳﻤﻲ ... ﺑﻨﻤﻮﺕ ﻳﺎﻧﺎﺱ .. ﻫﻀﺎ ﺷﻨﻮ ﺑﺲ ﺷﻨﻮ ... ﻛﺎﻥ ﻧﻌﺮﻑ ﻳﺎﺭﺏ ﺳﻴﺪﻧﺎ ﻳﻮﺳﻒ ﻛﻴﻒ ﻛﺎﻥ ﺑﺲ ..💓💓💓💓💓💓💓😍...
ﺍﺑﺘﺴﻢ ﻭﻗﺎﻝ : ﺍﻫﻼ ﻧﻮﺭﺍﻥ ...
ﻧﻮﺭﺍﻥ " ﻣﻦ ﻧﻮﺭﺍﻥ ؟؟ .." ﻧﺴﺖ ﺍﺳﻤﻬﺎ 😂
ﻫﻮ ﺍﺳﺘﻐﺮﺏ ﻓﻴﻬﺎ ﻛﻴﻒ ﺗﺸﺒﺤﻠﻪ .. ﻟﻠﺤﻈﻪ ﺍﻧﺘﺒﻪ ﻉ ﻧﻔﺴﻪ .. ﺗﺤﺸﻢ ﻭﻭﺟﻬﻪ ﺇﺣﻤﺮ ... ﺗﻨﺤﻨﺢ .. ﺍﺣﻤﻤﺤﻤﻢ ..
ﻧﻮﺭﺍﻥ ﺍﺳﺘﺎﻗﻀﺖ : ﺃﺳﻔﻪ .. ﻭﻃﻮﻝ ﻟﻔﺖ ﻭﻃﻠﻌﺖ ﻭﺳﻜﺮﺕ ﺍﻟﺒﺎﺏ ..
ﻭﺟﻬﻬﺎ ﺗﻘﻠﻲ ﻋﻠﻴﻪ ﺩﺣﻴﻪ ﺍﻃﻴﺐ .. ﻣﺸﺖ ﻭﻫﻲ ﺗﻤﺮﻭﺡ ﻉ ﺭﻭﺣﻬﺎ ﺑﺘﻤﻮﺕ ﻣﻦ ﺍﻟﺨﺠﻞ ﻭﻣﻦ ﻣﺸﺎﻋﺮﻫﺎ ﺍﻟﻠﻲ ﻣﺪﺍﻳﺮﻳﻦ ﻋﺎﺻﻔﻪ ﺩﺍﺧﻞ ...
ﺷﺎﻓﺘﻬﺎ ﺳﻨﺪﺱ : ﺍﻫﺎ ﻳﺎﺣﻨﻪ ﺍﻟﻴﻮﻡ ﺣﻤﻮ ..
ﻧﻮﺭﺍﻥ ﻻﺣﻴﺎﺓ ﻟﻤﻦ ﺗﻨﺎﺩﻱ ..
ﺳﻨﺪﺱ ﻗﻌﺪﺕ ﺗﺤﺮﻙ ﻓﻴﺪﻫﺎ ﻉ ﻭﺟﻬﻬﺎ : ﻫﻮﻭﻭﻭﻭ ﻧﺎﺍﺍﺍﻧﻲ ..
ﻧﻮﺭﺍﻥ ﺍﻧﺨﻠﻌﺖ : ﻫﺎﺍﺍﻩ ﻛﻨﻚ ﺗﺼﻴﺤﻲ ﻧﺴﻤﻊ ﺭﻩ ..
ﺳﻨﺪﺱ ﺑﻀﺤﻜﻪ؛ ﻛﻨﺘﻲ ﺳﺮﺣﺎﻧﻪ ﻳﺎﺳﻤﺤﻪ ﺍﻧﺘﻲ .. ﺷﺒﺤﺘﻠﻬﺎ ﺑﺸﻚ .. ﻓﻲ ﺣﺎﺟﻪ ﻓﻲ ﺍﻟﺪﻭﺭ ﻫﻀﺎ ﺗﺸﻘﻠﺒﻠﻚ ﻓﺤﺎﻟﻚ .. ﻭﺗﺨﻠﻲ ﻓﻴﻚ ﻛﻴﻒ ﺍﻟﻤﻤﺴﻮﺳﻪ ..
ﻧﻮﺭﺍﻥ ﺿﺤﻜﺖ : ﺑﺎﻟﻚ ﻣﺴﻜﻮﻥ ..
ﺳﻨﺪﺱ ﺧﺎﻓﺖ : ﻭﺭﺍﺱ ﻋﻤﻚ ﺍﺳﻜﺘﻲ ..
ﻧﻮﺭﺍﻥ : ﻫﻬﻬﻬﻬﻬﻬﻬﻬﻬﻪ .. ﺗﻌﺎﻟﻲ ﻣﻌﺎﻳﺎ ﺗﻌﺎﻟﻲ ...
ﺷﺪﺗﻬﺎ ﻣﻦ ﻳﺪﻫﺎ ﻭﻣﺸﻮﺍ ﻭﻧﻮﺭﺍﻥ ﺗﺘﺒﺮﺩ ﻉ ﺳﻨﺪﺱ ﻭﺗﻀﺤﻚ ﻉ ﺭﺩﺓ ﻓﻌﻠﻬﺎ ..
***
ﻋﻴﺎﻁ ﻭﺑﻜﻲ ... ﺍﻟﺨﻴﻤﻪ ﻧﻔﺴﻬﺎ ﻣﻨﺼﻮﺑﻪ ﻣﺶ ﻉ ﻋﻼﺀ ﺑﺲ ﻉ ﺣﻨﺎﻩ ..
ﻓﺎﺟﻌﻪ ﻛﺒﻴﺮﻩ ... ﻛﻨﺎﻧﻪ ﻟﻤﺎ ﺳﻤﻌﺖ ﺑﻜﺖ ﺑﻜﻲ ﻣﺶ ﻃﺒﻴﻌﻲ .. ﻣﻦ ﺑﻌﺪ ﺣﺎﻟﺔ ﺍﻟﺼﺪﻣﻪ ﺍﻟﻠﻲ ﻛﺎﻧﺖ ﻓﻴﻬﺎ ﺯﺍﺩﺗﻬﺎ ﺻﺪﻣﻪ ﺗﺎﻧﻴﻪ .. ﺗﺘﻤﻨﻰ ﻟﻮ ﺗﻠﺤﻘﻬﻢ ﺍﻟﺰﻭﺯ ﺧﻼﺹ ﺍﻟﺪﻧﻴﺎ ﻭﻟﺖ ﺧﻴﻴﻴﻲ .. ﻣﺎﻟﻴﻬﺎﺵ ﻟﺰﻭﻡ ﺍﻟﻌﻴﺸﻪ ﻓﻴﻬﺎ .. ﻛﻞ ﺷﻲ ﺣﻠﻮ ﺑﺎﻟﻨﺴﺒﻪ ﻟﻴﻬﺎ ﻓﻴﻬﺎ ﺭﺍﺡ ... ﺭﺍﺡ ﻭﻣﺶ ﺣﻴﺮﺟﻊ ..
ﻣﻨﻴﺮ .. ﻛﺎﻥ ﻣﻮﺟﻮﻉ ﻉ ﺣﻨﺎﻩ ﺑﺲ ﻣﺶ ﺣﺎﺳﺲ ﺑﺎﻟﺬﻧﺐ .. ﻣﺶ ﺣﺎﺳﺲ ﺍﻥ ﻫﻮ ﺳﺒﺐ ﻫﺎﻟﺒﻠﻲ ﺍﻟﻠﻲ ﻋﻴﻠﺘﻪ ﻓﻴﻪ .. ﺑﺴﺒﺐ ﺍﻟﺤﺴﺪ ﻭﺍﻟﻐﻴﺮﻩ ﺍﻟﻠﻲ ﻋﻤﻮﺍ ﻋﻴﻮﻧﻪ .. ﻭﺧﻠﻮﻩ ﺯﻱ ﻗﺎﺑﻴﻞ ... ﺑﺲ ﻣﻊ ﺍﻷﺳﻒ ﻣﺎﻧﺪﻣﺶ ﺯﻱ ﻣﺎﻗﺎﺑﻴﻞ ﻧﺪﻡ ..
***
ﻓﻲ ﺍﻟﻠﻴﻞ ..
ﻛﺎﻧﺖ ﻋﻨﺪ ﺍﻟﺪﻛﺘﻮﺭ ﻫﻲ ﻭﺃﻛﺮﻡ ..
ﺍﻟﺪﻛﺘﻮﺭ : ﻭﺟﻮﺩﻩ ﻫﻨﺎ ﻣﺎﻻﺵ ﻟﺰﻭﻡ ﻣﺶ ﺣﻴﻨﻔﻌﻪ ..
ﺍﻛﺮﻡ ﺷﺒﺢ ﻟﻨﻮﺭﺍﻥ : ﻳﻌﻨﻲ ﻛﻴﻒ ﻧﺪﻳﺮﻭﺍ ..
ﻧﻮﺭﺍﻥ ﺷﺒﺤﺘﻠﻪ ﺑﻀﻴﻖ : ﻣﺠﺒﺮﺓ ﻧﺨﺒﺮ ﻋﻤﻲ ..
ﺍﻛﺮﻡ : ﺷﻦ ﺑﺘﺨﺒﺮﻳﻪ؟ !
ﻧﻮﺭﺍﻥ : ﺗﻮ ﻧﻘﻮﻟﻪ ﻳﺠﻲ ﻫﻨﺎ ﺑﻜﺮﺍ ﻭﻧﻔﻬﻤﻪ ﻛﻞ ﺷﻲ ..
ﺍﻛﺮﻡ : ﺍﻧﺘﻲ ﺍﻛﻴﺪ ﻋﺎﺭﻓﻪ ﺭﺩﺓ ﻓﻌﻠﻪ ﻣﻦ ﺗﻮﺍ ..
ﻧﻮﺭﺍﻥ : ﻋﻨﺪﻱ ﻓﻲ ﺑﺎﻟﻲ ﺣﺎﺟﻪ ..
ﺍﻛﺮﻡ : ﺷﻦ ﻫﻲ؟
ﻧﻮﺭﺍﻥ : ﻳﺠﻲ ﻭﻗﺘﻬﺎ ﻭﺗﻌﺮﻓﻬﺎ ..
ﺍﻟﺪﻛﺘﻮﺭ ﺑﻀﺤﻜﻪ : ﺗﻤﺎﻡ ... ﺗﺒﻮﺍ ﻣﻨﻲ ﺷﻲ ﺣﺎﺟﻪ ..
ﻧﻮﺭﺍﻥ ﺍﺑﺘﺴﻤﺖ : ﻣﺸﻜﻮﺭ ...
ﺍﻟﺪﻛﺘﻮﺭ ﻟﻒ ﺑﻴﻤﺸﻲ ﺑﺲ ﺍﺫﻛﺮ ﺣﺎﺟﻪ ﺗﻠﻔﺖ : ﺍﻫﺎ ﻓﻲ ﺷﻲ ﻣﻬﻢ ﻧﺴﻴﺖ ﻧﻘﻮﻟﻪ ..
ﺷﺒﺤﻮﻟﻪ ﺑﺈﺳﺘﻐﺮﺍﺏ ..
ﺍﻟﺪﻛﺘﻮﺭ : ﻟﻤﺎ ﻛﺎﻧﻮ ﻳﺠﻬﺰﻭﺍ ﻓﻴﻪ ﻟﻠﻌﻤﻠﻴﻪ ﻓﻴﺪﻩ ﺍﻟﻴﻤﻴﻦ ﻛﺎﻥ ﻓﻲ ﺩﺑﻠﻪ ..
ﻧﻮﺭﺍﻥ ﺍﻧﺼﺪﻣﺖ ...
ﺍﻟﺪﻛﺘﻮﺭ : ﺍﺿﻄﺮﻭﺍ ﻳﻘﺼﻮﻫﺎ ﻭﻣﻊ ﺍﻷﺳﻒ ﺭﻣﻮﻫﺎ ﺩﻭﻥ ﻣﺎﻳﺮﺟﻌﻮﺍ ﻟﺤﺪ ﻓﻴﻜﻢ ..
ﺍﻛﺮﻡ ﺗﻨﻬﺪ : ﺍﻫﻲ ﻣﻌﻠﻮﻣﻪ ﻣﻤﻜﻦ ﺗﻔﻴﺪ ..
ﺍﻟﺪﻛﺘﻮﺭ : ﺍﻧﺎ ﻣﺎﺣﺒﻴﺘﺶ ﻧﺴﺄﻟﻪ .. ﻷﻧﻪ ﻳﺘﻌﺐ ﻭﺍﺟﺪ ﻣﻦ ﺍﻷﺳﺌﻠﻪ ﺣﺎﻭﻟﻮﺍ ﺍﻧﺘﻢ ﺑﺲ ﻣﺶ ﺗﻮ ..
ﻧﻮﺭﺍﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﻣﻀﺎﻳﻘﻪ ..
ﺍﻛﺮﻡ : ﺗﻤﺎﻡ .. ﻣﺸﻜﻮﺭ ..
ﺍﻟﺪﻛﺘﻮﺭ ﻫﺰ ﺭﺍﺳﻪ ﺑﺈﻳﺠﺎﺏ ﻭﻣﺸﻲ ..
ﺍﻛﺮﻡ ﺗﻠﻔﺖ ﻟﻨﻮﺭﺍﻥ ﻭﻗﻌﺪ ﻳﺸﻮﻓﻠﻬﺎ ﻋﻼﻣﺎﺕ ﺍﻟﺰﻋﻞ ﻣﻤﺰﻭﺟﻪ ﺑﺨﻴﺒﺔ ﺍﻷﻣﻞ ﺑﺎﻳﻨﻪ ﻉ ﻭﺟﻬﻬﺎ : ﻛﻨﻚ ﻧﻮﺭﺍﻥ ..
ﺑﻠﻌﺖ ﺭﻳﻘﻬﺎ ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﻭﺍﺑﺘﺴﻤﺖ : ﻻﺷﻲ .. ﻧﻤﺸﻮﺍ ﻧﺸﻮﻓﻮﻩ ..
ﺍﻛﺮﻡ ﻫﺰ ﺭﺍﺳﻬﺎ ﺑﺈﻳﺠﺎﺏ ﻭﻫﻮ ﻳﺸﻮﻑ ﻟﻠﺪﻣﻮﻉ ﻓﻌﻴﻮﻧﻬﺎ : ﻫﻴﺎ ...
ﻭﻣﺸﻮﺍ ﻣﻊ ﺑﻌﺾ ..
ﻭﺻﻠﻮﺍ ﻓﻲ ﺍﻟﻐﺮﻓﻪ .. ﺍﻛﺮﻡ ﻃﻖ ..
" ﺗﻔﻀﻞ .."
ﻓﺘﺢ ﺍﻟﺒﺎﺏ ﺍﻛﺮﻡ ﻭﺧﺶ ﻭﺧﺸﺖ ﺑﻌﺪﻩ ﻧﻮﺭﺍﻥ ﻭﻋﻴﻮﻧﻬﺎ ﻟﻮﻃﺎ ..
ﺍﻛﺮﻡ : ﺍﻟﺴﻼﻡ ﻋﻠﻴﻜﻢ ..
: ﻭﻋﻠﻴﻜﻢ ﺍﻟﺴﻼﻡ ..
ﻋﻴﻮﻧﻪ ﺟﻮ ﻉ ﻧﻮﺭﺍﻥ ﺍﻟﻠﻲ ﺟﺎﻳﻪ ﻭﺭﺍ ﺍﻛﺮﻡ ﻭﻋﻴﻮﻧﻬﺎ ﻟﻮﻃﺎ ﻭﺍﻟﺨﺠﻞ ﻣﺴﻴﻄﺮ ﻋﻠﻴﻬﺎ ﺍﺫﻛﺮ ﻣﻮﻗﻒ ﺑﻜﺮﻱ ﻭﺃﺑﺘﺴﻢ ..
ﺍﻛﺮﻡ : ﺣﺎﻟﻚ ﺑﺎﻫﻲ
: ﺍﻳﻪ ﻛﻮﻳﺲ ﺍﻟﺤﻤﺪ ﻟﻠﻪ ..
ﺍﻛﺮﻡ : ﺍﻛﻴﺪ ﺗﺒﻲ ﺩﺑﺶ ﻭﺣﺎﺟﺎﺕ ..
ﺷﺒﺢ ﻟﻠﺮﻭﺷﻦ ﻭﺑﺎﻥ ﻉ ﻭﺟﻬﻪ ﻣﻼﻣﺢ ﺍﻟﻀﻴﻖ ﻭﻫﻲ ﻻﺣﻈﺖ ﻧﻮﺭﺍﻥ : ﻣﺎﺗﻀﺎﻳﻘﺶ ﻋﺎﺩﻱ .. ﺍﻧﺖ ﺣﺎﻟﺘﻚ ﺧﺎﺻﻪ ﻭﺑﻌﺪﻳﻦ ﻛﻴﻒ ﻣﺎﻗﺘﻠﻚ ﻗﺒﻞ ﺍﻧﺖ ﺿﻴﻔﻨﺎ ﻭﻫﻀﺎ ﻭﺍﺟﺒﻨﺎ .. ﻻﻫﻮ ﺟﻤﻴﻞ ﻭﻻ ﺑﻤﻨﻴﻪ ..
ﺷﺒﺤﻠﻬﺎ ﻭﺃﺑﺘﺴﻢ : ﺷﻜﺮﺍ ..
ﺃﻛﺮﻡ ﺑﺈﺑﺘﺴﺎﻣﻪ : ﺍﻟﻤﺨﻠﻮﻗﻪ ﻫﺬﻱ ﺍﻃﻴﺐ ﻛﺎﺋﻦ ﺑﺸﺮﻱ ﻣﻤﻜﻦ ﺗﻘﺎﺑﻠﻪ ﻓﺤﻴﺎﺗﻚ ﻭﺭﺑﻲ ﻳﺤﺒﻚ ﺍﻟﻠﻲ ﻋﺘﺮﻫﺎ ﻓﻴﻚ ..
ﻧﻮﺭﺍﻥ ﺗﺤﺸﻤﺖ : ﺃﻛﺮﺭﻡ ﻭﺍﺟﺪ ﻫﻚ ..
ﺍﻛﺮﻡ ﺑﻀﺤﻜﻪ : ﻣﺎﻗﻠﺖ ﺇﻻ ﺍﻟﺤﻖ .. ﻧﺒﻴﻪ ﻳﻌﺮﻑ ﺍﻧﻚ ﺇﻧﺴﺎﻧﻪ ﺻﺎﻓﻴﻪ ﻣﺎﺳﺎﻋﺪﺗﻴﻪ ﻟﻐﺮﺽ ﻣﻌﻴﻦ ﺃﻭ ﻟﻤﻘﺎﺑﻞ ...
: ﻭﺃﻧﻲ ﻣﻤﻨﻮﻥ ﻟﻴﻬﺎ ﻫﻠﺒﻪ ..
ﻧﻮﺭﺍﻥ " ﻫﻠﺒﻪ .. ﻧﺎﻋﻠﻴﺎﻧﺎ ﻭﺧﻼﺹ .."💓
ﺍﻛﺮﻡ ﺍﺑﺘﺴﻢ : ﺗﻤﺎﻡ ﺃﻧﺎ ﺍﻟﻠﻴﻠﻪ ﺑﺎﻳﺖ ﻫﻨﺎ .. ﺗﺒﻲ ﺣﺎﺟﻪ ﻣﺎﻳﺮﺩﻙ ﺇﻻ ﻟﺴﺎﻧﻚ ..
: ﺑﺎﺭﻙ ﺍﻟﻠﻪ ﻓﻴﻚ ..
ﺍﻛﺮﻡ ﺷﺒﺢ ﻟﻨﻮﺭﺍﻥ : ﺍﻧﺎ ﺑﺮﺍ .. ﻭﻃﻠﻊ ..
ﻧﻮﺭﺍﻥ ﻗﻌﺪﺕ ﺑﻌﻴﻮﻧﻬﺎ ﻣﻌﺎﻩ ﺑﻌﺪﻳﻦ ﺍﻟﺘﻔﺘﺖ ﻟﻘﺎﺗﻪ ﻳﺸﺒﺤﻠﻬﺎ ...
: ﺧﻮﻙ؟
ﻧﻮﺭﺍﻥ : ﻛﻴﻒ ﺧﻮﻳﺎ ..
: ﻣﺶ ﻋﺎﺭﻑ ﺑﺲ ﺣﺴﻴﺖ ﺍﻟﻠﻲ ﻓﻲ ﺍﻟﻤﺴﺘﺸﻔﻰ ﻛﻠﻬﻢ ﻳﻌﺎﻣﻠﻮﺍ ﻓﻴﻚ ﻣﻌﺎﻣﻠﻪ ﺧﺎﺻﻪ .. ﻭﻛﺈﻧﻚ ﺻﺎﺣﺒﺘﻬﺎ ..
ﻧﻮﺭﺍﻥ ﺑﻀﺤﻜﻪ : ﺍﻣﻤﻢ .. ﺻﺎﺡ ...
ﺍﺗﻔﺎﺟﺄ : ﺑﺠﺪﻳﺎﺕ؟ !
ﻧﻮﺭﺍﻥ ﺑﻀﺤﻜﻪ : ﻣﺶ ﺑﺎﻳﻦ ﻋﻠﻴﺎ ؟ !!
ﺿﺤﻚ : ﻻﻣﺶ ﻗﺼﺪﻱ .. ﺑﺲ ﻣﺴﺘﻐﺮﺏ .. ﺗﺒﺎﻧﻲ ﺻﻐﻴﺮﻩ ﻓﻲ ﺍﻟﺴﻦ ..
ﻧﻮﺭﺍﻥ ﻗﺪﻣﺖ ﺧﺪﺕ ﻛﺮﺳﻲ ﻭﻗﻌﻤﺰﺕ : ﺗﻮ ﻧﺤﻜﻴﻠﻚ ﺑﺶ ﻳﺰﻭﻝ ﺍﺳﺘﻐﺮﺍﺑﻚ ..
ﺿﺤﻚ ﻭﻗﺎﻝ : ﺍﺣﻜﻲ ..
💙 ﻧﻮﺭﺍﻥ ..
ﻛﻨﺖ ﻧﺒﻴﻪ ﻳﺮﺗﺎﺣﻠﻲ ﻭﻳﻜﻮﻥ ﻋﺎﺩﻱ ﻣﻌﺎﻳﺎ ﻭﻳﺘﻘﺒﻞ ﺍﻟﻠﻲ ﺟﺎﻱ ﺑﻌﺪ ﻫﻚ .. ﺣﻜﻴﺘﻠﻪ ﻋﻨﻲ ﻭﻋﻦ ﺣﻴﺎﺗﻲ .. ﺣﺴﻴﺘﻪ ﺍﺗﻔﺎﺟﺄ ﻓﻲ ﺣﺎﺟﺎﺕ .. ﻭﻭﺟﻌﺘﻪ ﻓﻲ ﺃﺧﺮﻯ .. ﺑﺲ ﻛﺎﻥ ﻳﺴﻤﻊ ﻭﻣﺎﻗﻄﻌﻨﻴﺶ ﻧﻬﺎﺋﻲ ..
ﺑﺲ ﻣﺎﻗﺪﺭﺗﺶ ﻧﺤﻜﻴﻠﻪ ﻋﻦ ﻣﺮﺿﻲ .. ﻧﻜﺮﻩ ﻧﻈﺮﻩ ﺍﻟﺸﻔﻘﻪ .. ﻭﻣﺎﻧﺤﺒﺶ ﻧﺴﺘﻌﻄﻒ ﺣﺪ ...
ﻧﻮﺭﺍﻥ : ﻭﻫﺬﻱ ﻫﻲ ﺣﻜﺎﻳﺘﻲ ..
ﺗﻨﻬﺪ : ﻟﻮ ﻧﻘﺪﺭ ﻧﺬﻛﺮ ﻭﻟﻮ ﺷﻲ ﺑﺴﻴﻂ ﻣﻦ ﺣﻜﺎﻳﺘﻲ ..
ﻧﻮﺭﺍﻥ ﺍﺫﻛﺮﺕ ﻗﺼﺔ ﺍﻟﺪﺑﻠﻪ : ﺍﺣﻤﻢ .. ﻗﺒﻞ ﻟﻴﺪﻳﺮﻭﻟﻚ ﺍﻟﻌﻤﻠﻴﻪ ﻛﺎﻥ ﻓﻴﺪﻙ ﺩﺑﻠﻪ ﻗﺼﻮﻫﺎ ﻭﺭﻣﻮﻫﺎ ..
ﺷﺒﺤﻠﻬﺎ : ﺷﻦ ﻳﻌﻨﻲ !!
ﻧﻮﺭﺍﻥ : ﺍﺑﺪﺍ ﻣﺎﺫﻛﺮﺕ ﺷﻲ ﻟﻤﺎ ﺗﻜﻠﻤﺖ ﻋﻨﻬﺎ؟ !!
ﻫﻮ ﻫﺰ ﺭﺍﺳﻪ ﺑﺎﻟﻨﻔﻲ ﻭﺑﺎﻥ ﻉ ﻭﺟﻬﻪ ﺍﻹﺳﺘﻴﺎﺀ ..
ﻧﻮﺭﺍﻥ ﺑﻀﻴﻖ : ﻟﻘﻮﻫﺎ ﻓﻴﺪﻙ ﺍﻟﻴﻤﻴﻦ ﻳﻌﻨﻲ ﺍﻧﺖ ﺧﺎﻃﺐ؟ !
ﻫﻮ ﺣﺎﻭﻝ ﻳﻌﺼﺮ ﻣﺨﻪ ﺣﺎﻭﻝ ﻣﺎﻓﻲ ﺷﻲ ﻭﻻﺃﻱ ﺷﻲ .. ﻻﺣﺲ ﺑﺸﻲ ﻭﻻﻗﺪﺭ ﻳﺬﻛﺮ ﺷﻲ .. ﺷﻮﻳﻪ ﻭﺭﺍﺳﻪ ﺑﺪﻱ ﻳﻮﺟﻊ ﻓﻴﻪ ﺣﻂ ﺍﻳﺪﻳﻪ ﻋﻠﻴﻪ : ﺁﺍﺍﺍﻩ ...
ﻧﻮﺭﺍﻥ ﺧﺎﻓﺖ ﻭﻧﺎﺿﺖ : ﺧﻼﺹ .. ﺧﻼﺹ ..
ﻫﻮ ﻗﺎﻋﺪ ﻳﺘﻮﺟﻊ ..
ﻃﻠﻌﺖ ﻧﻮﺭﺍﻥ ﺗﺠﺮﻱ ..
ﺍﻛﺮﻡ : ﺷﻦ ﻓﻲ؟
ﻧﻮﺭﺍﻥ ﺑﻬﻠﻊ : ﺍﺿﺒﺢ ﻉ ﺍﻟﺪﻛﺘﻮﺭ ..
ﻣﺸﻲ ﺍﻛﺮﻡ ﺑﺴﺮﻋﻪ .. ﻭﻧﻮﺭﺍﻥ ﺗﺸﺒﺤﻠﻪ ﻭﻫﻮ ﺷﺎﺩ ﺭﺍﺳﻪ ﻭﺑﺎﺩﻱ ﻳﻌﺮﻕ ...
ﻧﻮﺭﺍﻥ ﺧﺸﺖ ﻗﺎﻟﺖ ﺑﺄﻟﻢ : ﺍﻧﺎ ﺃﺳﻔﻪ ... ﺃﺳﻔﻪ .. ﻛﻠﻪ ﻣﻨﻲ ..
ﺷﻮﻳﻪ ﻭﺧﺶ ﺍﻟﺪﻛﺘﻮﺭ ﻭﻣﻌﺎﻩ ﻣﻤﺮﺽ .. ﺿﺮﺑﻮﻟﻪ ﻳﺒﺮﺓ ﻣﺴﻜﻦ ...
ﺷﻮﻳﻪ ﻭﺍﺭﺗﺨﻲ ﻭﺭﻗﺪ ..
ﻧﻮﺭﺍﻥ ﻃﻠﻌﺖ ﻭﻛﺎﻧﺖ ﺗﺒﻜﻲ .. ﺷﻮﻳﻪ ﻭﺑﺪﺕ ﺗﺮﻋﺶ ..
ﺟﺎﻩ ﺍﻛﺮﻡ : ﻧﻮﺭﺍﻥ ﻛﻨﻚ ..
ﻣﺎﺗﺴﻤﻌﺶ ﻓﻴﻪ ..
ﺍﻛﺮﻡ ﺑﻌﺼﺒﻴﻪ : ﻧﺴﻴﺘﻲ ﺍﻟﺪﻭﺍ ﻳﺎﻧﻮﺭﺍﻥ ﺍﻟﻴﻮﻡ ...
ﻣﺎﺗﺴﻤﻊ ﻓﺸﻲ ...
ﺩﺍﺧﺖ ﻗﺎﻣﻬﺎ ﻭﺭﻓﻌﻬﺎ ﻃﻮﻝ ﻟﻮﺣﺪﻩ ﻣﻦ ﺍﻟﻐﺮﻑ ... ﻭﺟﺎﻩ ﻭﺍﺣﺪ ﻣﻦ ﺍﻟﺪﻛﺎﺗﺮﺓ ﺟﺎﺏ ﻋﺴﻞ ﻭﺣﻄﻪ ﻉ ﺍﻟﻠﺜﻪ ﻣﺘﺎﻋﻬﺎ ... ﻹﺳﻌﺎﻓﻬﺎ ﻓﻲ ﺍﻟﺒﺪﺍﻳﻪ ..
💙 ﻧﻮﺭﺍﻥ ..
ﻧﺴﻴﺖ ﺍﻟﻴﺒﺮﺍ .. ﺍﻧﺸﻐﻠﺖ ﻭﺍﺟﺪ ﺑﻴﻪ ﻭﻧﺴﻴﺘﻬﺎ ... ﻭﻫﺬﻱ ﻛﺎﻧﺖ ﺍﻟﺒﺪﺍﻳﻪ ﻣﻊ ﺣﺒﻪ ... ﻧﺴﻴﺖ ﻧﻔﺴﻲ ﻭﻣﺎﻧﺬﻛﺮ ﻓﻐﻴﺮﻩ ..❤
ﻭﺟﻌﻠﻨﻲ ﻣﺎﻧﺬﻛﺮ ﻏﻴﺮﻩ ..
ﺍﻟﻜﺎﺗﺒﻪ : ﻫﺒﻠﻜﻢ ﺑﻮ ﺍﻟﻌﻴﻮﻥ ﺍﻟﻌﺴﻠﻴﻪ ..
ﻧﻮﺭﺍﻥ ﺑﻬﻴﺎﻡ : ﺟﻌﻠﻪ ﻣﺎﻳﻐﻴﺐ ﻋﻠﻴﺎ ..😍
ﺍﻟﻜﺎﺗﺒﻪ : ﻫﻬﻬﻬﻬﻬﻬﻬﻬﻬﻬﻪ
💙💙💙
... ﻳﺘﺒﻊ
