أحببت استادي

الجزء 11

✳ الجزء 11 ✳

♋احببت استادي♋

☘ فاطمة الزهراء مبارك☘

ضربات الساعة 4 على صوت خولة لي كسر دنيا خرج عندها سعق شدها من قرفادتها و خرجها من ليسي ركبها في لوطو و كسيرا الدارهم كي دور يشوف فيها و يطول الشوفة متأكد خدات شي حاجة وقف قدام الدار نزل و نزلها معاه من حظها مكان حتى واحد تما

دخلها الداخل نيشان الحمام رماها في الارض جبد الرشاش و طلق عليها الماء بارد حتى شهقات و دارت يديها على وجها

خولة:بارد بارد وقف وقف
سعق(وفقها و كلاها مع الحيط):شنو خديتي
خولة(كتشوف فيه):وااالو
سعق(مجنن بالاعصاب):هضريييي
خولة:وااالو وااالو بعد مني مشي سوقك فيا
سعق(ضرب يديه مع الحيط):سوقي سمعتي سوقي هضري شنو خديتي او نديك عند الطبيب قسم بالله معيخليوك نيشان الحبس
خولة:خديت قرقوبي
سعق(تصدم منها شدها من شعرها و داها و جابها):عااودي شنو
خولة:طلق مني طلق
سعق(جمعها معاها حتى رعفات):واش كتعاطاي
خولة:بعد مني مشي سوقك فيا هذا شغلي انا
سعق:علاش اخولة شنو السبب علااش (شدها من فكها) من امتى

خولة(دفعاتو):من نهار مات بابا و انا كناخدو بغيت غير نسا موتو حتى لقيت رسي غارقة فيه حتى من ماما مشات تزوجات واحد اخر و ممهتماش بيا كتقلب على ابسط حاجة باش دور فيا

(شافت فيه و دموعها شلال):انا شفت بابا مليوح في الشانطي مرمي و دماياتو سايلة روحو كتوهق قدام عيني شنو بغيتيني ندير شنو ملد ديالي الوحيد هو القرقوبي كنبغيك نسا

سعق(بقات فيه جرها عندو و عنقها و هي كتبكي):ششش انت مشي بوحدك
(شاف في وجها):حمد الله عندك ام ولو كتعايرك كتبقاي بنتها كاينين ناس معندهم لا ام لا اب ا خولة حمد الله على هذه النعمة

خولة كتبكي و كتنهج منضرها تارتو ملقا مايدير غير يقرب ليها دورها على الحيط و عينيه على شفايفها