صعيدي علمني الادب

البارت التاني

#البارت_الثاني

روح: بابا ..عاااااااا😭

بيدخلوا يجروا علي صوتها ..

بدر: في ايه يا بنتي اذيك يا يونس يا ولدي

روح: الحقني يا بابا طالعه من الحمام خبطني وقعني عالأرض وقالي انتي عاميه وغبيه كمان انا اتهزقت من حته عيل بعضلات مايسواش يا بابا😭
بقلم حنين عادل..

يونس: انا يتقلي اكده وانت ساكت يا عمي طب انا هاربيكي من اول وچديد .

بيقرب مني وعلي وشه علامات الشر هوا ماله قلب الرجل الاخضر كده ماتحوش عني مش ابويا مثلا..

استووب ...
يونس شاكر النمر شاب طويل بعضلات عنده 28 سنه  وباقي المعلومات هتعرفوها في تفاصيل الروايه عشان ترسموا الشخصيه بنفسكم

ماكانش قدامي الا حل واحد اجريييييييي.

روح: بتجري ورايا ليه يا بتاع انت

يونس: بتاع ؟؟! هوا عيار واحد ويخلصني منيكي ومن طوله لسانك 😡

فضلت اجري وهاجري لمالا نهايه عشان ان مسكني هاينفخني ادعي عليك بإيه 😭
..........................

بدر: ربنا يهديها انا اللي ربيتها وحدي غياب امها كان مأثر فيها عشان اكده عملت ام واب ودلعتها وماكانش بيهون عليا ازعلها او اضايقها لحد ما وصلت لكده مابجاش هاممها حد لجيت يونس اولي واحد بيها راچل وجيمه وهيصونها انا عارف انها هتغلبه..

شاكر: ربنا يجدم اللي فيه الخير

........................
بقلم حنين عادل
وقفت بعد ربع ساعه جري مابقتش عارفه انا فين مساحه خضرا كبيرة شكلها روعه في الجمال تبارك الخلاق فيما خلق ..

فضلت اتمشي فيها لقيت اسطبل خيول ...

روح: لأ انت جيت عالجرح بقا ..

جبت حصان ابيض وركبته وفضل ماشي كنت مبسوطه جدا انا بحب الخيول اخيرا لقيت حاجه في البلد دي احبها
...........................

دخل يونس البيت...

بدر: ايه ده يا ولدي فين روح؟!

يونس: هيا مش اهنيه؟! هيا هربت مني من كتير وفكرتها عاودت عالدار ..

بدر: لا راحت فين دي ماتعرفش حاجه في البلد .

يونس: ماتجلجش يا عمي انا هلاجيها

شاكر: ما تجلجش عليها يا بدر يونس هايجيبها لحد عنديك.

مشي يونس يدور عليها وركب فرسه ..

بيدخل واحد من الحراس: يا حضرة العمدة يا حضرة العمدة ..

شاكر: في ايه يا مسعود

..الهانم الصغيرة ركبت رهوانه..

شاكر: ايه مالجتش غيرها ..