متزعلوووووش
.. مينفعش خلاص تزعلوا !! ..- لما عيالكم يقفلوا علي نفسهم الاوضه بالساعات وميحبوش القعده معاكم بسبب الانتقاد والكلام اللي زي السم اللي بتوجهوه ليهم ..
- لما يكبروا و يكرهوا كلمة " إن شاء الله " .. لأن كُل وعد توعدوه تقولوا إن شاء الله و مايحصلش !بتفقدوا كلمه المشيئه لمعناها الحقيقى- لما شخصياتهم تبقي ضعيفه وما يبقاش عندهم ثقه في نفسهم لأنكم ما بتديهومش فرصه يعبروا عن اللي جواهم ودايمًا تستغبوهم و تعملوا مقارنات ظالمه بينهم و بين غيرهم رغم ان كل واحد ربنا اداله قدره مختلفه عن التانى و ميزه عنه .
- لما يكرهوا الصلاه و المذاكره ! لأن من أقل غلطه يغلطوها تسألوهم صليت إيه النهارده و كأنه عقاب ليهم ؟! ذاكرت ولا لاء و كأنه ذنب عليهم؟ كأن الصلاه والمذاكره عقاب لانكم زرعتوا جواهم انه مرتبط بالعقاب .- لما اولادكم يدوروا علي الحنان بره البيت لأنهم مالقهوش في حضنكم .
- لما يكرهوا الجواز بسبب المشاكل اللي مبتخلصش وبتولع فى البيت علي اتفه الاسباب .- لما يكرهوا النقاش معاكم لأنكم بتقللوا من اراءهم سواء في السياسه او الحياه عامةً .
- لما كل يوم قبل نومهم يعاتبوكم وهما في اوضهم في سرهم و قد إيه في فجوه بينكم بسبب قلة التفاهُم والاحتواء .
- لما يفشلوا في الكليه اللي اخترتوهالهم بسبب تدخلكم في مستقبلهم و منعهم عن حلمهم المؤمنين بيه لتحقيق احلامكم انتم !!
- لما يكرهوا السفر معاكم في مصيف مثلاً .. لأنكم بتتعصبوا عليهم وممكن تقلبوا الفُسحه غَم !
- لما يحبوا اكل المطاعم لأنكم بترفضوا تعملوا طرق جديده في نفس الاصناف الموجوده من اكل البيت مفيهاش حاجه لما نتعب نفسنا بتغيير الأكل كده كده بنطبخ !
- لما عيالكم يكرهوا بعض لأنكم بتفرقوا في المعامله بينهم و تميزوا حد عن التاني .. وتتحاسبوا يوم القيامه بجريمة الظُلم . !!
- متزعلوش لما تلاقوا ابنكم أو بنتكم كاتبين علي الفيس " كل لما أتمناه حُضن يحتويني " لأنكم مجربتوش تحضنوهم حتي ولو بكلمه حلوه .
- لما يطلعوا مكلكعين من جوا وتفكيرهم محدود بسبب كلمة " انا وانا قدك كنت بجيب لبس كذا .. بصرف كذا .. ( لا تربوا أولادكم علي أخلاق زمنكم فان لهم زمنًا غير زمنكم !!
- متزعلوش قوي لما بنتك تبقي تعيسه ف حياتها الزوجيه بسبب عريس فرضتوه عليها مع ان حقها الشرعي تتجوز اللي يعجبها حتي ولو بعد ١٠٠ سنه .
- واما ابنكم يكسر قلب بنت كل ذنبها انها حبته متتصمدوش يوم القيامه لما تلاقوا ذنب البنت في ميزان سيئاتكم .. انتوا اللي قولتوا الراجل مايعيبهوش الا جيبه !
- مترجعوش تزعلوا بعد عمر طويل لما تقابلوا وجه كريم وعيالكم ميحنوش للقائكم لأنكم زي الطوق علي رقابيهم و بفراقكم اتنفسوا .. بقوا أحرار !
قال رسول الله صلي الله عليه وسلم
" رحِم الله والدًا اعان ولده علي بِره " !
قال الشيخ الغزالي معلقًا على هذا الحديث: لا يجعل ولده عاقًا كارهًا له بسبب سوء معاملته لابنه .
.. " يا كبار البيت اتوصوا بصغارُه بكُره صغارُه يبقوا كبارُه ! "#منقول....
YOU ARE READING
كلام من الاخر 😅😘
Poetryهنا هتلاقي قصص جميله جداً وكاتبات عسل بجد تسلم ايدهم وأفضل ما اشتغلت به كتاب جليل نفعه حلو المذاق فمن لم ير إلا بلده يكون قد قرأ الصفحة الأولى فقط من كتاب الكون فيقول لك المرشدون إقرأ ما ينفعك، ولكني أقول بل أنتفع بما تقرأ وما النسيان سوى قلب صفح...