ဉာဏ်များလွန်းသော ခင်ပွန်းသည်

အခန်း (၁၇)/ခ

Burmese Translation of Fu Jun You Zhe Dian {夫君，悠着点} by Author 苏行乐.

အခန်း (၁၇)/ခ

TRANSLATOR - SHARR

--------------------

လွန်ခဲ့သောခြောက်နှစ်က ဘုရင်မင်းမြတ်သည် ဖေ့ကျင်းနှင့် ယဲ့ဝူတို့၏ မင်္ဂလာကိစ္စကို စီစဥ်ခဲ့သည်။

ဖေ့ကျင်းနှင့် ယဲ့ဝူ၏ မင်္ဂလာကိစ္စကို နန်းတော်ထဲတွင် ကျင်းပသော အောင်ပွဲအခမ်းအနားစားသောက်ပွဲတွင်  ကြေညာခဲ့လေသည်။ ဖေ့ကျင်းသည် ယဲ့ဝူနှင့် စကားအစပျိုးခဲ့သော်လည်း သူမက သူ့ကို အေးစက်စက်သာ ဆက်ဆံလေသည်။ သူမနှင့် အချိန်တိုအတွင်း အပြန်အလှန်စကားပြောပြီးသည့်နောက်တွင် သူမ သူ့ကို အေးစက်စက်ဆက်ဆံရသည့်အကြောင်းကို နားလည်သွားတော့သည်။ သူမက မိဘုရားခေါင်ကြီးဖြစ်ချင်သည်။ သူမသာ မျက်နှာသာပေးခြင်း မခံရသော မင်းသားတစ်ပါးကိုသာ ထိမ်းမြားခဲ့လျှင် သူမ မိဘုရားခေါင်ကြီး မဖြစ်နိုင်တော့ပေ။

ဖေ့ကျင်းက သည်အခြေအနေကို နားလည်ပြီးနောက်တွင် သူက ဝမ်းမြောက်ဝမ်းသာပင် ယဲ့ဝူနှင့် ခပ်တန်းတန်းသာ နေတော့သည်။ ထို့နောက် တစ်နေ့တွင် သူနှင့် သူမအဖေတို့ နန်းတော်ထဲတွင် နန်းတွင်းရုံးတော်ရေးရာကိစ္စများကို ဆွေးနွေးနေစဥ် ယဲ့ဝူက ဖေ့ကျန်းကို သွေးဆောင်ဖြားယောင်းနေသည်ကို သူတို့မြင်လိုက်ကြရသည်။ ရက်အနည်းငယ်ကြာပြီးနောက်မှာတော့ ယဲ့ဝူတစ်ယောက် လျှို့ဝှက်ဆန်းကြယ်သော အဖျားရောဂါကြောင့် ဆုံးပါးသွားခဲ့သည်။

ယဲ့ဝူ၏ဖခင်က ယဲ့ဝူစျာပနအခမ်းအနားတွင် သူ့ကို ပြောခဲ့သည့်စကားများအား သူ မှတ်မိသေးသည်။

"အရှင်မင်းကြီးရှေ့တော်မှောက်မှာ ယဲ့ဝူကို မဖော်ထုတ်တဲ့အတွက် မင်းသားကိုးကို ကျေးဇူးတင်ပါတယ် အနာဂတ်မှာ မင်းသားကိုး လိုအပ်လာရင် ကျွန်တော့်ကို အကူအညီတောင်းနိုင်ပါတယ်" 

ဖေ့ကျင်း သူနှင့် ရန်ရှီးနဥ်တို့၏ အခန်းသို့ ရောက်ရန် စိုစွတ်ပြီး ဗွက်ထနေသောလမ်းကို လျှောက်လာသည်။ ယဲ့ဝူ၏ သေဆုံးမှုတွင် သူ့ပယောဂမပါခဲ့ကြောင်း ပေ့သိုကို သူမပြောပြခဲ့ပေ။ နောက်ပြီး စျာပနအခမ်းအနားတွင် ထိုစကားများကို သူမအဖေ မပြောမချင်း
သူမ ဘာဖြစ်သွားသလဲဆိုတာ မသိခဲ့။ အစတုန်းကတော့ မင်္ဂလာပွဲကို အခင်မင်မပျက် ဖျက်သိမ်းချင်ခဲ့သည်။ သူမအဖေက သူမကို ကိုယ့်ကိုယ်ကို သတ်သေရန် ဖိအားပေးလိမ့်မည်ဟု သူ မထင်ထားခဲ့။