شيخ _العشيرة

حلقة 30 واخيرة

شيخ العشيرة ❤
حلقة 30 واخيرة
لمرة هاذي لمرا هي الي باش تحضر سوربريز لراجلها مش كيف لعادة ختارت بلاصة رايضة و راكحة تع ليلة مزيانة بحكم عطاها كارطة تاعها رجعهالها مشات كرات دار صغرونة من لوح على شط تع زوز من ناس و طلبت منهم يعاونوها خاطر ديار هاكم تابعين وتيل نفس لوتيل الي مشاولو اول مرة حضرتلو قعدت قدام لبحر شاتو بالدنتال و مزين و طاولة طويلة شويا فيها ماكلة تدي لعقل عملت طريق للطاولة يبدا كلو ورد احمر و شموع و انبايل رابطتهم بخيط و خطتهم خيوطهم و ردمتهم حضرت كل شي على عينيها صار مشات للبيت حضرت روحها لبست روبة روج طوييلة برشا من تالي و قصيرة شويا من قدام جاية كيف لوردة تعشق كيف لاميرة طلعت عليها و جاية في يديها طايحة للاكتاف سيبت شعرها و ركبت موتيف في شعرها فيه حجارة حمرا طالون احمر تشع بكلها عملت مكياج سيدوز ياسر مزيان طلعت كيف لوردة فحمراء قعدت عالفرش و طلباتو
- عمر وينك
- في خدمة علاه صارت حكاية لامير
- لا لا قلت نخرجو نتعشاو لبرة
- باهي وين نجيك
- تاو نبعثلك لادراس
- باهي
روح للدار بدل دبشو لبس شوميز بيضا و عليها سروال نوار عرضاتو امو
-اووو بالحطة هاذي وين ماشي
-موعد مهم نستنا فيه من عامين
نزلت عالكاس الي في يدها
-من عامين
- ايه ماشي لريم عنا موعد مهم مع بعضنا
-مش ناوية تخرج من حياتنا هاذي
-امي يزي متعبتش انا تعبت والله شوف يا إما تقبل لريم و تنسا كل شي و الا تنسا ريم و تنساني انا و حفيدك و توفا لحكاية ساهلة يزي تعبت انا راو من لحكاية هاذي
- انا مستحيل تقبلها
-مالا كهو نعتبر هاذي ايجابة تنجم تلم قشك وتتفضل
خلاها و خرج هي تصيح خارجة وراه شداتها اختو
-يزي ماما ديما تنغص فرحة كل حد كهو يزي سيبو خليه يتنفس
وصل للادراس لقا واحد
-مسيو حسب طلب مدام لازم نغمضولك عينيك بهاذي
- ههه الله اعلم اش من عملة عاملة باهي يا سيدي
حطهالو و قعد يمشي به لين وصل وقفت هي وراه طبست بوسة في رقبتو حس بيها
-رييم؟!
- ايه ريم يا روحي
نحاتلو من على عينيه يغزر للدنيا لكل محلاها لبلاصة و شموع و جو رومنسي قعد يغزر و عينيه قلوب و كيف دارلها توا بالحق القلوب بانو في عينيه وهو مركز مع كل تفاصيلها مش مصدق هاذي هي ريم هذا جانب جديد راه منها قعد مركز معاها حس بروحو عاجز عن لكلام وهو يغزرلها قربت منو و طبست بوسة صغيرة على شفايفو و قتلو في وذنو
-نحبك عمر
من كثر لفرحة معاش عارف شيعمل قرب منها عنقها بقوة
-وأنا زادة نحبك برشا ريم نحبك محبة مصارتش لا كتبتها كتب ولا تحكات في حكايات نحبك و ربي يعلم بمقدار حبي ليك لا يحرمني منك نحبكككككك
قعدت تضحك وهو يعيط و بعد حاوطها بيديه و يدور بيها تعدات سهرية رومنسية و احلى تلمت عايلة و العشاق تلم شملهم و حكايتنا هنا توفا مرسي الي تبعتونا و قريتو حكايتنا
🌼🌼 النهاية 🌼🌼
انشاء الله تكون عجبتكم 💛💛
اعطيوني رايكم 😘😘