البارت الأول.
في بيت في حي السيدة زينب بنت قاعدة ع سجادة الصلاة وبتبكي بحرقة، بتناجر ربها يزيل عنها حزنها ويخفف عنها، دخلت سِت في أواخر الستينات وقعدت جنبها وخدتها ف حضنها:
استهدي بالله ي بنتي كلة قدر ومكتوب.
- ونعم بالله، عارفة إنة قدرها كدا بس مش قادرة، بقالي عشرين يوم مشوفتهاش.. مخدتهاش ف حضني ومغلستش عليا.. مش لاقية معنى لحياتي من غيرها، حياتي فاضية أوي.
- هي في مكان أحسن دلوقتي ي حبيبتي، سابتنا وراحت للي أحن مني ومنك، إدعيلها بالرحمة أختك محتاجة دعواتنا، ادعيلها وقولي يارب.
- ياااارب! قالتها بوجع الدنيا كلة، كإنها كانت مستنية الزرار يتفتح وتخرج كل الكبت اللي جواها.. مكنتش مجرد اخت ليها وبس لا دي كانت توئمها.
تاني يوم صحيت من غير نفس للحياة، فاقدة الشغف في كل حاجة.
- صباح الخير ياماما.
- صباح الخير ي حبيبة ماما، عاملة إية النهاردة.
- تمام الحمدلله.
قعدت ع السفرة فلاحظت دموع والدتها، راحت وقفت قدامها ومسحت دموعها.
- مكنتش اختك وبس ي فريدة، زينة كمان كانت بنتي.. يمكن أكون مخلفتكوش من بطني بس انتوا ولادي، ابوكو وامكو قبل ميموتو وصوني عليكو، متجوزتش وعيشت اربيكو عشان بعتبركو ولادي مش ولاد اختي، موتها كسرني انا كمان مكسركيش لوحدك.
خدتها ف حضنها وفضلوا يعيطوا شوية وبعدين مسحت دموعها:
خلاص بقا كفاية عياط، من النهاردة مفيش حُزن ولا دموع، كن النهاردة في فرح وحب ولعب وبس، أنا راحة ألبس ونازلة الشغل وكفاية لحد كدا.
- ربنا يوفقك ي بنتي ويزقك بابن الحلال.
- مش هنخلص من السيرة دي.. وبعدين انا مش ناوية اتجوز واسيبك.
- لية هتخللي جنبي.
- اه هخلل جنبك فية مانع، وبعدين مفيش راجل هيتجوز صحفية جرايم قتل وانا مش مستعدة اسيب شغلي.
- لا فية بس انتي وافقي.
- لء بردو.
سابتها ودخلت لبست بنطلون جينز وبلوزة سودة ولمت شعرها كحكة ولبست كاب وقبل متخرج من الباب وقفت قدام صورة.
- ورحمة أبويا وأمي لأجيبلك حقك من ولاد الكلب دول،فكرينك عشان ملكيش ضهر ف البلد هيعرفوا ينهشو لحمك ويرموكي ومحدش هيدور وراهم،بس انا وراهم والزمن طويل
.
مسحت دمعة نزلت من عنيها وخرجت باست خالتها ونزلت من العمارة، ركبت تاكسي وملتة عنوان الجريدة ومشي.
في مكان تاني مهجور واقف راجل كبير وقدامة تلاجة صغيرة وفيها أكياس متقسمة لعيون وصوابع وودان وحجات تانية غيرهم:
دول بس تصفية الشهر.
- ايوا ي باشا،بعد فرز اللي باظ واترمي دول بس اللي اتبقوا.
- يتصادرو الليلة.
- أمرك يـ بوص.
خرج الشخص ودخل شاب تاني معاه لاب توب:
شايف اللي حصل ي بوص،في صحفية كدا عاملة حملة ع السوشيال ع حالات الإختفاء والدنيا مقلوبة.
- هه متعمل اللي تعملة وإحنا مالنا،اللي يعرف يثبت علينا حاحة يثبت.
- بس يـ بوص..
- مفيش بس،اتفضل تابع العمليات اللي شغالة،عاوز الجثث اللي عندكم تطلعو منهم بأكبر فايدة..
- تمام يـ بوص.
- في الجريدة واقفة فريدة قدام مكتب قاعد وراه شاب ف الثلاثينات من عمرة.
- فريدة اللي بتعملية دا مش هيرجع حق زينة وبس دا هيرجع حق كل اللي راحوا.
- وانا مش هيهدالي بال غير لما اودي اللى بيعمل كدا ورا الشمس.
- واثق فيكي بس خايف عليكي.
- فارس لو سمحت اخنا ف الشغل واتفقنا ان انا وانت زمايل واصحاب مش اكتر.
- ماشي ي فريدة،اتفضلي ع مكتبك.
*حابة أنوّة عن حاجة،الصداقة بين الولد والبنت طبقاً للشريعة الإسلامية حرام قطعًا بنص الآية "ولا متخذات أخدان "والقصة دي خيالية خيالًا بحت ولا تطابق بينها وبين الواقع وأي تطابق فهو محض مصادفة ليس أكثر ولا أقل *
#قصة_صحفية_دارين.
#بقلم_منار_عصام.
YOU ARE READING
صحفية دارين.
Actionهي لم تكن تريد الدخول لهذا العالم، لا يشبهها ولا يمت لها بصلة، ولكنها في غمضة عين وجدتها نفسها بداخلة فهل تستطيع الخروج.
