أنا كبنت منطقية عندي تناقض كبير في كلحاجة.. كلحاجة جايبتها مع عكسها!
إنحّب لمّة هلي وصحباتي،
بس إنحب القعدة بروحي.
إنحب نسهر طوال الليل،
بس إنحب إنوض بدري الصبح.
منحبش القراية بكل،
بس شاطرة فيها واجد.
منحبش المجاملة أبدًا،
بس نا أكبر مُجاملة.
نمثل أن كلمة سيئة مأثرتش فيا ومدارتش شي..
بس هيّ قعدت تتردد في راسي عشر مرات وجرحتني من الصميم.
نمثل أني إيجابية ومرحة، والناس تحسبني كيوت،
بس نا سلبية واجد ونكدية، وبيق بـاد غيرل!
مرات إتغِملِي* ونعصب واجد وبسهولة!!
بس مرات ردود فعلي باردة واجد!
مرات نكره نفسي واجد،
ومرات نحبها واجد!!
مرات نضحك على حاجة تافهة؛
ومرات حاجة يضحك عليها الكل إلا أنا!
مرات نهتم بنفسي وكأني بنتزوج بكرا،
ومرات نقعد وكأني طالعة مِن الحبس بكفالة!
قوية وصلبة وباردة؛
بس ضعيفة وهشّة وحساسة..
ننشط لحاجات واجدات بس إنتنبل* في رفعة تلفوني.
نحاول منجرحش شخص بكلامي،
بس نفشل ونقوله في الأخير.
مرات نحس بروحي intj ومرات نحس بروحي infp وبهذا نتأكد أني intp!
لو كان بيدي كنت الـ intp بدل ما نسميه المنطقي نسميه المُتناقض، لأن هذه الصّفة تغلب على طابعه!
أني أنا intp حاجة تو تخليني ننجلط في شي يوم!
~~~
*إتغملي: مرحلةٌ عاليةٌ مِن الغضّب المَكبوت.
*إنتنبل: أكسل.
~~~
يمثلكم الكلام فوق ولا أنا بس؟
~~~
بارت لقيته مكتوب قلت ننشره عليما جهزت غيره..
سبب التأخير في النّشر:
Oops! This image does not follow our content guidelines. To continue publishing, please remove it or upload a different image.
في آمان الله~
كونوا بخيرٍ!♡︎
YOU ARE READING
INTP's World
Random" تعلم من الأمس، وعِش اليوم، وإرجو الخير في الغد.. الشيء المهم هو أن لا تتوقف عن التساؤل! " مُحادثات، مَواقف، حقائق وكلمات تُمثلني كصاحبة نمط المنطقي. كتبتها بنفسي وبعضها جمعته مِن عمو قلوقل •-•~ ~~~~~~~~ ـ نُشّر : ١٠، يُونيو، ٢٠٢١م. ـ زينِيث.© ـ #J...
