حارس الشاطئ

الفصل الثالث

ريما كانت تجاهد في التقاط انفاسها::انا بقيت بضايق من تفكيري فيك بقيت متلغبطه انا مش عارفه ايه حصلي اول ما شفتك مش عارفه احسيسي مالها كلها بقت بتفكر فيك كنت يابو عضلات
.
ياسين بأبتسامه خفيفه::اسمي ياسين
.
ريما ::ياسين ..حلو الاسم
.
ياسين::انا بقي عامل مشكله لاحاسيسك
.
ريما بأحراج::ااه
.
يس::ليه
.
ريما::معرفش اسباب
.
يس::بس الي بتحسيه ده مبيبقاش ليه اسباب
.
ريما::طيب ليه
.
يس::ليه ايه
.
ريما::ليه انت
.
يس::وليه مش انتي
.
ريما شعرت بلضيق من طريقته التي توحي بلغرور::مش ملاحظ انك بتتكلم بغرور
.
يس::ده مش غرور انا بجاوبك
.
ريما بندم::انا لازم اروح وانسي كل حاجه كلمتك فيها اتا مشكلتي اني..اني عفويه ومبفكرش في الي بقوله سلام
.
يس ::الوقت اتأخر هوصلك
.
ريما تحاول كبت انفجار دموعها::مش محتاجه انا كدا كدا جايه لوحدي
.
اخذت خطواتها للعوده الي الشقه ولكنه لاحظت انه يمشي خلفها
.
ريما التفت ::ماشي وراي ليه
.
يس::انا مش ماشي وراكي انا ماشي في طريق عادي
.
ريما عادت لامشي مره اخري ولكنه مازال خلفها وبلتأكيد لن تحرج نفسها مره اخرب عليها ان تحفظ ماء وجهه وتكمل العوده حتي لو كان يمشي ورأها فهي لا تريد سماع شئ اخر
.
كانت تمشي وبدون انتباه منها كانت ستصطدم بلماره ولكن فات الاوان فصطدمت بشخص امامها
.
ريما بأحراج::انا اسفه
.
كان يس يتابع كل هذا بضيق ورغبه ملحه في الذهاب لها
.
ماجد:: متتأسفيش عادي حصل خير
.
ريما::هو ...
.
ماجد::ااه انا
.
ريما بأحراج::بعد اذنك
.
ماجد::بقولك استني اوصلك معانا انا عرفت اننا تقريبا نفس الشارع
.
ريما بضيق::شكرا
.
كان الغضب وصل لمرحله كبيره عنده
.
يس بهمس::لو ما مشيتش دلوقتي هروح اطلع روحه وروحها
.
ريما ابتسما بهدوء ثم عادت للمشي ولكن تلك المره نظرت خلفها بهدوء ولكن لم تجده
.
ريما بحزن::ايه الي عملته في نفسي ده يقول عليا ايه دلوقتي اكيد هيقول عليا بت سهله
.
ذهبت للسوبر ماركت القريب من الشقه واخذت بعض الاشياء لتجعلها حجه
.
وجدت البنات مازالو منتظرين
.
سهيله بقلق::اتأخرتي كدا ليه يا ريما
.
ريما::كنت بتمشي و نسيت الوقت سرقني
.
ندا::طيب يلا نطلع عشان اتأخرنا مش عايزين يتحلف علينا مننزل تاني لوحدنا
.
شروق::ربنا يستر وميسمعوناش كلام ملهوش لازمه
.
صعدوا للشقه فكانت هادئه ايما وروان ومحمد قد ذهبوا للنوم والباقي منهم من علي التلفاز وساميه ورشا في البلكونه
.
ريما بدلت ملابسها ::هااا شوفو جبتلكوا ايه
.
رشا::اتأخرتوا كدا ليه يا بت انتي وهي
.
ريما::عادي الجو تحت جميل
.
رشا::امال صوتك تحسيه مكنش جميل ليه
.
ريما ::لا ابدا امال رانيا فين
.
ساميه::بتعمل شاي استني اشربي معانا
.
ريما ::لا انا هدخل انام بقي تصبحوا علي خير
.
دخلت الغرفه وكانت سهيله وندا يشاهدون الصور وشروق تستعد للنوم
.
ريما ::هتنامي يا شوشو
.
شروق::ااه بس انتي مالك كدا مودك اتغير خالص
.
ريما جلست بجانبها وقالت بصوت هادئ::انا قابلته
.
شروق::اوعي يكون ابو عضلات
.
ريما::هو ..وانا ندمانه قوي اني روحت وكلمته
.
شروق::مكنش ينفع
.
ريما::بس انا كنت هطق لو معملتش غير كدا علي الاقل جربت الفرصه احنا لسلنا كام ٤ ايام وهنمشي
.
شروق::ريما انتي حبتيه
.
ريما بتنهيده ::حب من اوا نظره
...................
في اليوم التالي
.
علي الشط كان ياسين يتابع بعض الاعمال
حتي جاء له زميله طارق ::ايه يا باشا مش شفناك امبارح ليه
.
يس::كنت مشغول
.
طارق::اسكت مش البت حنين سألت عليك امبارح
.
يس::هي مش هتبطل
.
طارق::البت صاروخ ارض جوي انت ازاي منفض لها كدا
.
يس::مبحبش الصواريخ بتفرقع في الاخر
.
طارق::ايه يا عم يكونش في حد في دماغك
.
يس نظر لطارق قليلا::بقولك ايه هي مقوله الحب من اول نظره دي انت بتأمن بيها
.
طارق::بص هو انا الحب ده وقصصه مش بتيجي سكه معايا بس الي اسمعه ان الحب ده ملهوش وقت ولا نظره اولي ولا تانيه ولا شكل معين ولا اي اعتبارات حاجه كدا بتيجي خطف يا صاحبي بس ليه بتسأل
.
يس::لا ابدا فضول مش اكتر يعني احنا مرميين طول اليوم علشط فقولت لنفسي احنا هنستقر امته هنحب امته شويه تخريف كدا
.
طارق::لا احنا زي السمك لو بعدنا عن البحر نموت ويلا جهز دنيتك كدا عشان ساعه والشط هيفتح والناس هتهجم
.
يس::تمام
.
......................
ريما::والله معرف ملياش نفس اروح
.
رشا::مينفعش لو هتفضلي هنفضل كلنا هنا
.
روان واحمد::حرام عليكي يا ابله ريما عايزين نروح البحر
.
ريما بيأس::خلاص ماشي ٥ دقايق هلبس واجي
.
وقفت ريما امام الدولاب وقررت ارتداء قميص وبنطلون ولكن كانو ضيقين قليلا ووضعت تربون حول شعرها واخرجت منه بعض الخصلات فكان شعرها بني ساحر كحبات القهوه ووضعت بعض مساحيق التجميل
.
كانت تنظر لنفسها بتحدي ::انا حلوه وجميله والف مين يتمناني لكن هو الي المفروض يندم انه كلمني كدا امبارح
.
خرجت عليهم ونظروت لها بأعجاب
.
سهيله::اوبا يا اختي يا جامده داحنا لو رايحين سهره مش هتعملي كدا
.
ريما::احمم طيب يلا بقي هنفضل واقفين كدا كتير
.
رشا ::يلا بينا
...............
هل الصدف تجمعهم ام ان الامر مقصود فللمره الثالثه يجتمعوا في ميكروباص واحد
.
رشا::يا محاسن الصدف
.
فتاه من تلك المجموعه::شوفتي بقي
.
ضحكوا وكلا منهم اخذ مكانه
.
كان ماجد يرسل نظرات معجبه لريما التي لا تعيره اي انتباه من الاساس
.
قام السائق بتشغل اغاني بصوت عالي جعلتهم ينفعلون معاها وايمان بدأت ترقص عليها
.
ريما ضحكت بخفه::البت دي ليها مستقبل باهر
.
رانيا::تعليمك
.
ريما::اشكريني بقي ههههه
.
.............
وصلوا للشاطئ وريما كل ما في تفكيرها انها لا تريد الالتقاء به واذا حدث والتقوا عليها التجاهل عليه عدم النظر له لاي سبب من الاسباب
.
رشا::انا بنبه اهو ممنوع ممنوع حد يدخل جوا او يبعد عن الشط او عن عنيا
.
ريما::انا اصلا مش هنزل
.
رشا::هو بعد الي انتي عملاه ده عايزه تنزلي
.
شروق::ولا انا كمان هنزل
.
رانيا نظا سهيله::بس احنا اكيد هننزل
.
ساميه::قلتلكم جعانين مايه
.
بدأو في الانتشار وريما وسروق اخذو كرسيين وضعوهم علي الشط وبدأت المياه تتغلغل بين اصابعهم
.
شروق::بقولك .
.
ريما::قولي
.
شروق::انتي لو شوفتي ابو عضلات دلوقتي رد فعلك هيكون ايه
.
ريما::ولا كأني اعرفه
.
شروق::طيب بصي وراكي كدا
.
التفت ريما بسرعه ولكن لم تجد احد
.
شروق::هههههه ده الي ولا كأنك عرفاه
.
ريما::والنبي اسكتي حكمن دمي محروق من امبارح والله
.
شروق::طول عمرك متسرعه وبعدين خلاث موقف وانتهي مش هيعلقك حبل المشنقه يعني .
.
ريما::علي رأيك
.
انتبهت ريما لشابين ينظرون لهم
.
ريما::بت يا شروق شايفه الاتنين دول
.
شروق::ااه عمالين يبصوا وحاجه اخر قله ادب وذوق
.
ريما::هاين عليا اقوم ارقع لهم
.
شروق::فكك منهم تيجي نروح نشتري
.
ريما::يلا نجيب شيبسي ونقعد ناكله علي البحر
.
شروق ::يلا بينا
.
ريما::هروح اخد ايمان
.
اخذت ريما ايمان واخبرتهم انهم سيذهبون لاحضار بعض المسليات
.
.........
ريما وهي تحمل ايمان وتقوم بتقبيلها عده مرات::يا خواتي علي القمر اكلك انا اكلك
.
سمعو صوت ::والله يا بختها
.
ريما بضيق::هو انت
.
ماجد::ااه انا ازيكوا
.
شروق استغربت لما يلقي يحادثهم بتلك النبره
.
ريما بأقتضاب::اهلا
.
ماجد::طيب مش تقوليلي انت كمان ازيك
.
ريما::لو سمحت بطل سخافه وابعد من طريقنا
.
ماجد::دي مش سخافه انا عايز اتعرف عليكي .
.
شروق بضيق::هو فيه ايه يا استاذ انت
.
ريما بنرفزه::اما قله ذوق صحيح
.
في تلك اللحظه اتي من يراقبهم من بعيد وعيناه محتده معقوده وانفاسه متجهمه
.
يس::في حاجه يا انسه .
.
شروق::لا ابدا بس الاستاذ واقف كدا مش عارفين نعدي منه
.
يس وجهه كلامه لشروق ولكن المعني هي ريما ::مهو يا انسه لو من اول مره الاستاذ ده خد علي قفاه مكنش وصل الحال لكدا
.
ماجد بضيق::هو في ايه بعدين تقصد مين بكلامك
.
يس بضيق::لا انت تيجي معايا وانا هقولك اقصد ايه وانتو روحوا شوفو كنتو رايحين فين
.
لا تدري لما في تلك اللحظه شعرت ببروده تحاوط قلبها وكان ماء بارد يضاهي بروده صوته قد سكب عليها
.
شروق ::يلا احنا نرجع يا شيخه بلبسك ده ونقصر الشر
.
ريما بتوهان::ااه معاكي حق
.
اخذت ريما تجر قدميها بعد ان اعطت ايمان لشروق وعادو الي مكانهم
.
................
ساميه::شايفه ايدكم فاضيه يعني
.
شروق::نسينا ناخد فلوس
.
رشا::الاتنين مصاطيل
.
ريما::هما الجماعه الي في البحر دول مش ناويين يطلعوا
.
رشا::انا اعرف
.
ريما بمكر::طيب بقولك ايه يا رشروشه متيجي كدا نجرب نروح لهم
.
رشا::ههه والنبي ضحكتيتي انتي عايزه تدخلي عند سهيله وندا
.
ريما::وفيها ايه يعني تجربه
.
وقفت رشا::طيب يلا ياختي
.
ريما ::هتيجي يا شوشو
.
شروق::لا ياختي خليني هنا اسلم
.
ريما::ماشي يلا احنا بينا اينعم الديكور الي انا عملاه هيبوظ بس مش مشكله يلا بينا
.
دخلت رشا وريما البحر وبدأ في الاقتراب من البنات
.
ريما بخوف::ما خلاص بقي خلينا هنا منقربش اكتر
.
رشا::جبانه ده الي كنت عامله حسابه من الاول
.
ريما::انا بقترح بس لكن انا معاكي يلا انا شجاعه
.
وبلفعل اقتربت ريما ورشا منهم وامسكوا بيد بعضهم
.
ريما ::يا جماعه منيجي قدام شويه انا قصيره وممكن لو موجه عاليه جت تاخدني معاها
.
رانيا::متخافيش ارفعي نفسك اول ما الموجه تيجي
.
سهيله::اشطا في موجه جايه استعدووو
.
ريما شعرت بلخوف ومع اقتراب الموجه بدأ تفعل كما اخبرتها رانيا ولكن لسوء حظها الموجه اتت متأخره عن توقعاتها فجعلتها تقع
.
ظلت تتخبط في المياه ورشا رفعتها وهي تضحك ::انتي كويسه عملتيلي فيها شجاعه
.
كانت تكح ::طلعوني بره
.
اخذتها ندا وخرجوا
.
جلست ريما بجانب شروق
.
شروق::قلتلك بلاش
.
كانت تأخذ انفاسها ::انا غرقت كنت بموت
.
ساميه::اتبليتي علي الفاضي
.
اخذت مايه لتشرب ولكن وجدتها فارغه
.
شروق::هروح واجبلك
.
ولكن قبل ان تقف وتذهب شروق مد شخص يده بزجاجه ماء
.
نظرت ريما وساميه وشروق بأستغراب
.
يس::اتفضلي
.
ريما بأستغراب::ليه
.
يس بتلجلج في كلماته::انا شوفتك اقصد من غير مقصد عيني جت عليكي وانتي عايزه تشربي والمايه خلصت فقولت اعزم
.
ساميه::شكرا كتر خيرك .
.
اخذت ريما المايه وشربت وكأنها لو تشرب من فتره طويله
.
ريما تأخذ نفسها::انا كنت هموت
.
يس في نفسه((بعد الشر عليكي))
.
يس بأقتضاب::بعد اذنكوا
.
ورحل من امامهم اقتربت شروق من ريما وهمست لها::تفتكري شافك  وانتي زي الدبشه في البحر عشان كدا جه
.
ريما::ابو عضلات ده معندوش رحمه يعني حتي لو كنت بغرق من هيجي ينقذني اصلا والنبي اسكتي
.
.............
مرت عليهم ساعات الشاطئ المحببه لقلبهم وحان وقت العوده للشقه
.
ريما::اوبا انا نسيت النضاره بتاعتي  علي الشط هي والكاب بتاعي هروح اجيبهم
.
كان احمد الصغير يبكي ::انا عايزه استحمي يا ماما بسرعه
.
رانيا::حاضر هنروح اهو
.
ريما::طيب تعالي انتي يا شوشو معايا نروح نجيبها وهما يمشوا
.
رشا::لا ازاي هنستناكي
.
شروق::خلاص يا ماما مفيهاش حاجه روحو انتو واحنا هنحصلكم
.
رشا بعد ذن احمد قرروا العوده هم
.
ريما::طيب يلا نروح احنا علي الشط
.
وقفو عند الشط الخالي من اي احد
.
ريما::بضيق كانو هنا هيكونو اتسرقوا يعني
.
شروق::غريبه دي المفروض يكونو هنا .
.
احد الحاراس صفر::انتو بتعملو ايه هنا ممنوع وقفكم دلوقتي علي الشط
.
ريما::اصل نسينا حاجه وجايين ندور عليها
.
الحارس::المفقودات كلها هتلاقيها في المخزن الي هناك ده لكن وقفكم هنا ممنوع
.
شروق::خلاص يا ريما يلا نروح نشفهم هناك
.
ذهبوا للمخزن حيث اشار لهم وللصدفه البحته كان ياسين يقف هناك
.
ريما نظرت له بمشاعر متخبطه لا تدري لما الان تشعر انه يستحق ذهابها تلك الليله
.
ريما بصوت هادئ يشوبه التوتر::كان في كاب علي الشط ونضاره
احم الحارس الي هناك قالي كدا انه المخزن ده هيكون فيه يعني
.
ياسين::مال كلماتك مش مترابطه كدا
.
شروق بضحك::لا اصلها كانت هتغرق عشان كدا تلاقي كلامها عايم ومش مفهوم
.
ريما قرصت يد شروق بضيق .
.
ياسين نظر لريما قليلا ودخل المخزن
.
ريما::اتتي متخلفه يا بت انتي
.
شروق::اااه انتي بتقرصيني ليه
.
ريما::كانت هتغرق ونينينيني
.
خرج يس وكان بيده كيسه ::اتفضلي الحاجه فيها
.
ريما::شكرا
.
سحبت ريما شروق وخرجوا ولكن قطع طريقهم شئ
.
..................
دعم يا حلوين
.
الروايه قصيره يعني لسه ٤ اجزاء بس
فدعم ليا وتشجيع ومتنسوش روايه القاسي وملاذ
.
سلام يا قمرات