هلا والله
قبل لتقرون قصة اتمنى دعموه يعني بارت الأول راح يجاوز ٩٠٠مشاهده واقل من ٢٠٠ نجمة ممكن اعرف ليش😭
نجمة بنهاية البارت دوسوه + علقوا على كل بارتات وبين فقرات هم القصة قصتكم لتقصرون🥺
وشكر خاص لكل بيج نشر قصة على انستكرام وعلى واتباد هم وخاصة nnf_129 حقيقيه أكثر شخص دعم قصة يعني تخيلو تدخل للناس وتكللهم على قصة جزيل الشكر 💕😘
قراءة ممتعة
......... ثأر أدهم........
الكاتبة🌟نبأ ميثم🌟
...... 💕💕💕......
أدهم : راح نرجع بالزمن من تعرف ابوي على أمي لأن الكره إله جذور تمتد من الماضي حتى دمر الحاضر.....
... خلود....
ياربي ياربي شوكت راح اتخلص من هذا الفقر تعبت من الحياة كل يوم الصبح اكعد واطلع للزرع واحلب البقر، وما ملحكين على عيشة..
لبست عباتي وطلعت للبستان واني ادردم مثل كل يوم..
شفت اخوي عزام يشتغل بالزرع بديت اشتغل ويا لحد سبعه الصبح رحت الأمي لكيته تخبز وجان حار احس معدتي كامت تغني.
أخذت خبزه وكعدت يمه.
خلود:يمه لشوكت أضل هيج!.
ام خلود:شقصدج ولج؟
خلود : اشتغل من صبح وبيتنه تعبان شون بينه اني مليت من هل عيشة!.
من دون مقدمات نزعت امي نعال وضربتني بكصتي.
جم مرة كتلج لتتبطرين على نعمة ربج غيرج ميلكه سكف فوكاه وانتي تتنعوصين ماعاجبج العجب.
خلود: يمه دشوفي بنات لبعمري شون يهتمن بنفسهم شفتي بيت شيخ جاسم يابوي بناته وذهب والفلوس وغير المزارع العدهم..
ام خلود : يااا فلق صابج ياخلود خاله عينج على بيت شيخ.
سكتت ماجاوبت لمت امي كرص الخبز وكالت
شايفه يخلود هذا خبز حلال طعمة يختلف عن خبز الحرام.
شكد عيشتنه شوفيه صعبة بس اني أشوفه يايمه بسيطه، وبخير الله عايشين.
احنه عايشين بسلام شعرفنه بيت شيخ شبيهم!.
سكتت مثل عاده أمي تحب تحجي هيج لا استفاد شي ولا هي الي تخلي حياتي احسن.
انجمعنه على فطور اني وامي واخوي أمجد ابوي توفه من زمان بسبب ضغط ومكدرنه نعالجه فلوس يادوب ناكل ونشرب.
خلصنه ريوك واحنه نباوع على بيضة صغيرة بيضايتين متكفي ثلث نفرات وبالأخص احنه نتعب بالشغل فه كمنه ناكل جاي وخبز نسند جوعنه.
لبست عباتي ورحت ويه امي نظفت بيت شيخ جاسم مو بيت قصر اباوع على بناتهم بنفس عمري يخبلن ذاك اللبس الحلو والذهب ومن غير كلشي مثقفات واني لا!.
YOU ARE READING
ثأر أدهم
Mystery / Thrillerشيخ أدهم مكتملة لم يكن الإنتقام مجرد ثأر عاشق!. لأن قصتي، لن تكن عادية....... ثأر أدهم الكاتبة نبأ ميثم
