written by Hunho0194
Zawgyi
" အခန်းထဲမှာ ဧည့်သည်ရောက်နေတယ် ဘော့စ် "
ပြုံးတုံ့တုံ့ မျက်နှာဘေးနဲ့ ပြောနေတဲ့
အတွင်းရေးမှူးမလေး ကို ကြည့်ပြီး ဆယ်ဟွန်း
လေပူ တစ်ချက်မှုတ်ထုတ်လိုက်မိတယ် ။
အစည်းအဝေးမှာ ရှယ်ယာရှင် တွေ ငြင်းခုံနေတာ
နားထောင်ပြီး စိတ်ရှုပ်လာပါတယ်ဆို ချီးထုပ်လေးက
ရောက်နေပြန်ပြီ
"ဦးငယ် သား ရောက်နေတယ် "
အခန်းတံခါးကို ဖွင့်လိုက်တာနဲ့ သူ့ထိုင်ခုံကိုအပိုင်စား
ယူပြီး ငြိမ့်နေတဲ့ ကောင်လေး က အသံတဆာဆာနဲ့
စကားတွေပြောလာပါပြီ ။
ဒီ သာလိကာ လေး ကို တစ်ခွန်းမေးတိုင်း
တစ်ခွန်းဖြေသာလုပ်မိရင် စကားတွေ တတွတ်တွတ်
ပြောနေမှာ သိတာမို့ စကားမပြန်ဖြစ်
အလုပ်စားပွဲ ကိုကြည့်လိုက်တော့ ရှင်းမလိုနဲ့
ရှုပ်ယှက်ခပ်နေတဲ့ စာရင်းစာရွက်တွေ စာအုပ်တွေ က
ပလုံစီ ။
"ကိုယ့်စားပွဲကို မရှုပ်နဲ့လို့ ပြောထားရက်နဲ့ဂျွန်မြောင်ရာ"
အလိုမကျဟန်လေး နည်းနည်းပြလိုက်တာနဲ့
နှုတ်ခမ်းကြီးဆူပြီး မျက်မှောင်ကကြုတ်လို့ . .
"ဦးငယ် က လဲ သားက စေတနာနဲ့ ရှင်းပေးတာကိုး "
"မင်း စေတနာက ကိုယ့်အတွက် ဝေဒနာဖြစ်. ."
"ဦးငယ် က ငြိုငြင်တာလား ပြော ! "
"ဟောဗျာ. . "
စားပွဲခုံကို ဒုန်း ခနဲ ထုပြီး ဆူဆောင့်လာတော့
သက်ပြင်းချကာ စကားလွှဲရပြန်ပါတယ် ။
"ထားပါတော့ကွာ ဒီကို ရောက်လာရင်းကိစ္စပဲ
ပြောတော့ "
"သား က ဦးငယ်နဲ့ ထမင်းအတူစားမို့ လာတာ "
"ကိုယ် စောစောကမှ ပီဇာ မှာစားထားတာ "
YOU ARE READING
HunHo Shot Story Collection
Short Storyကချင်နဲ့ကယားပြည်နယ် စစ်ဘေးရှောင်ပြည်သူတွေအတွက် အလှူငွေထည့်ဝင်ထားတဲ့ Sehoistတွေအတွက်ပါ ❤
