အပြန်လမ်းတစ်လျှောက်လုံးမှာကျွန်တော် ငြိမ်နေခဲ့သည်
" မောင်ဘာဖြစ်နေတာလဲ"
ချိုအီအီသူမရဲ့အသံလေးက ကျွန်တော့နှလုံးသားကိုအရည်ပျော်စေတာတော့အမှန်
သူမကကားကိုကျကျနနမောင်းနေရင်းနဲ့ကျွန်တော့မျက်နှာကို
လှမ်းအကဲခက်ရင်းမေးသည်
ကျွန်တော့ဘာဖြစ်နေလဲ သူမသိပါတယ်
ကျွန်တော်ထုတ်မပြောတာပဲရှိတယ်
သူမ မသိချင်ယောင်ဆောင်ပြီးမေးနေတယ်ဆိုတာလည်းကျွန်တော်သိသည်
ကျွန်တော်သဝန်တိုတယ်
အဲ့လိုကောင်တွေနဲ့မပေါင်းစေချင်ဘူး
ဒါပေမဲ့ကျွန်တော်ပြောခွင့်မရှိဘူး
ဒါကျွန်တော်နားလည်ပြီးလက်ခံပေးရမဲ့သူမရဲ့ပုံစံ
ကျွန်တော်သူမကိုပထမဆုံးမရဲတရဲနဲ့ချစ်တယ်ပြောတော့သူမကခပ်ဟဟလေးရယ်တယ်
" နင်ကငါ့ကိုချစ်တယ်တဲ့လား"
သူကကျွန်တော့ကိုစူးစူးစိုက်စိုက်ကြည့်တယ်
ကျွန်တော်သူမအကြည့်တွေကိုရင်မဆိုင်ရဲခဲ့ဘူး
ကျွန်တော်ခေါင်းငုံ့ထားမိတယ်
သူမဆီကငြင်းဆိုမှုကိုခံနိုင်ရည်ရှိဖို့ကျွန်တော့်စိတ်ကပြင်ဆင်ထားမိတယ်
သူမက ရွှတ်ခနဲကျွန်တော့ပါးကိုလာနမ်းတယ်
အံ့ဩမှုနဲ့အတူ ကျွန်တော့မျက်လုံးတွေဝင်းလက်သွားတယ်
မမျှော်လင့်ထားပါဘူး
ဒါပေမဲ့သူမကလည်းကျွန်တော့ကိုချစ်တယ်လို့ပြောတယ်
သူမကကျွန်တော့ကိုချစ်စရာအကောင်းဆုံးပြုံးပြတယ်
" ငါ့ပုံစံကိုနင်လက်ခံပေးရမယ်နော် "
အဲ့ဒီ့နေ့ကသူမကျွန်တော့ကိုပြောခဲ့တဲ့စကား
ကျွန်တော်ခေါင်းညိမ့်လိုက်တယ်
အဲ့ဒီ့နေ့ကစပြီး
ကျွန်တော်တို့အတူရှိခဲ့တာအခုထိပေါ့
ကျောင်းသားဘဝတုန်းကထက်တကယ့်လက်တွေ့ဘဝကိုခုန်ဆင်းတဲ့အခါ ကျွန်တော်ဟာသူမနဲ့တော်တော်လေးအခြေနေကွာခြားနေမှန်းသိခဲ့ရတယ်
YOU ARE READING
ငါတို့ကြားကတခြားအရာများ ( The Other Things Between us)
Romanceတကယ်ဆိုကျွန်တော် cigarette ဖွာတဲ့မိန်းမတွေကိုမုန်းတယ် ဒါပေမဲ့ Rachel ကိုကျကျွန်တော်ချစ်တယ် အခုကြည့်လေ ကျွန်တော်တစ်ခါမှမဖွာဖူးတဲ့ cigarette တွေ သူမကြောင့် ဖွာနေရပြီ အချိန်တန်တော့လည်းကျွန်တော်ဟာ သူမခဏတာ တိတ်တိတ်ပုန်းပေါင်းသင်းခဲ့တဲ့ လူတစ်ယောက်သာသာပါပဲ
