48 ساعة ( نوڤيلا مًکْتٌمًلَهّ)

2-وربنا لانيمكوا من المغرب يا فراعنه

قبل البدايه . . الروايه لا تمت الواقع باى صله ..كلها خيال فى خيال ..متستغربوش لو لقيتوا افوره شويه 😅 ..تفااعل حلو بقى ...وقراءه ممتعه .💜
ـــــــــــــــــــــــــــــــــــــــــــــــــــــــــــــــ

نظرت ريم حولها بصدمه لاتصدق انه حدث بالفعل لتحاول الضغط على الاسوره بيدها ولكن دون جدوى لتقول : احيه ..ده بجد

وجههت نظرها لتجد رجل يرتدى ملابس فرعونيه يسير بهدوء لينظر لها بغرابه يتحدث اللغه الفرعونيه : من انتى يا فتااه .؟ وماهذه الملابس ؟!

لتهتف ريم بتحسر : يا حظك الزفت يا ريم ..شكلها بجد والله ..
ثم اكملت وهى تنظر له بحسره :وحياه جدك خوفو انا ما فاهمه منك حرف ..

عقد حاجبيه باستغراب : ما هذه اللغه التى تثرثرين بها ؟

لتقول ريم بحزن : مش لو كنت اتعلمت فرعونى كنت عرفت اتكلم ...حتى النحس فى دى كماان

ليرد وهو يمسك خصلات شعرها باعجاب : ولكنك جميله يجب عليا اخذك الى الملك احمس لحفل عروس النيل

ابعدت يده عنها لتقول بعربجه : ايه يا روح امك انت  ماهو اصل المصرى برضو العرق بيحن ...لو ايدك اتمدت عليا تانى هقطعهالك يلاا ..لو انت فرعون ..فانا اللى مخليه الحاره عندنا تاكل ليمون ...

لتكمل باعجاب : ده أنا عليا جمل عليا جمل ..

ليجيبها الرجل : اصمتى يا فتاه عرفت ان صوتك جميل ولكن ستكونين عروس النيل هيا معاى

ثم سحبها معه لتقول ريم بلامباله  : يلا هى كده كده خربانه ... لتكمل بحسره :منك لله يا خالد يابن خالتى منى طول عمرى بكرهكوا.. يلا ارتااحى ياما انتى وعم برميل الطرشى اللى بيقفلى فى البلكونه زى عملى الردى ده ..مين يجبلى خالد والله لاهاكل دمااغه ..

ـــــــــــــــــــــــــــــــــــــــــــــــــــــــــــــــ

وقفت ريم فى الساحه التى يقف بها الملك احمس وهى تنظر لها وتقول : اوبا ده ملوك بلدنا كانوا مزز يا جدعااان ..والله ياسطا تستحق الموكب العظمة اللى هيتعملك فيما هو قريب ..تستهل الصرف يابن الفرعونيه

عقد احمس حاجبيه باستغراب يقول : من هذه الفتاه وما اللغه التى تتحدثها

ليجيب الرجل الذى جاء بها : هذه فتاه تائه لااعرف من اين ولكن اعتقدت ان سموك تريد فتاه جميله لتكون عروس النيل

بينما كانت تحول ريم راسها بينهم ببلاهه فهى لاتفهم منهم اى شئ لتقول بمزاح : ايه هى دى الحلقه الاخيره من حريم السلطان ده ..

تقدم منها احمس وهو يتفحصها بتركيز يمد يده نحو وجهها وقبل ان تصل تقدمت ريم برأسها فجاه وهى تقضم أصابعه ليصرخ احمس : اوه ما هذا الكائن ...انها شرسه غير طبيعيه ..