تتكلم عن طفلة تاهئة متعرضة للتحرش
تتكلم عن شاب طائش لا يفكر في المستقبل
ماذا سيحدث بعد سنين
ماذا سيحدث اذا اجتمع شملهما؟
قصة باللهجة العراقية الغربية بقلم ايات السند
اقروها و رائيكم يهمني 🌑♥️
راح أوضح الكم حياة الابطال من خلال هذا البارت بس لا تحكمون عليهم من هسه ولا من اول بارتات
لا تنسون التصويت وتفاعلو حتى انزل الكم انوب
عش حياة تستحق.. الفجر سيشرق، والطيور ستطير، ولنا بدايات.. بإمكاننا المحاولة والحياة أمامنا ما دمنا أحياء.. _______________
راح ابدي اعرف عن نفسي انا اسمي جمانة بس يصيحولي جمان عمري 14 ببداية احداث القصة من الانبار شكلي حنطاوية عيون سود وشكلي حيل عادييي بس عندي غمازات تميز شكلي انا الي يشوفوني دائما عبالهم عمري 17 او 16 بس اني اشوف نفسي بنفس عمري وكلش اضوج من يكبروني شعري لي تحت كتفي اني احب الشعر القصير طولي 151 جسمي ضعيفة بس مو حيل انسانة جدا عاطفية وحساسة وافرح من أبسط شي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هاي شبيهة جمان مو جمان بس نفس الملامح والشعر هم نفسه بالضبط
عندي اختين متزوجات وزهراء عمرها 18 وياية بالبيت بعدها ما متزوجة وعندي اخ اسمه احمد عمره 19 و من مرت ابوية الي توفت قبل سنة رغد عمرها 16 و قاسم عمره 25 متزوج هاجر
راح ابلش احجي عن طفولتي شوية الي ما شفت منها شي
وعيت ع نفسي وانا اتعرض للتحرش وهذا أقذر شي ممكن البنية تتعرض اله وجان الشخص هوا خالي ما يستحق اصلا اسميه (خال) اصلا اكيد تفاجئتو اي من خالي للأسف خان اخته بسبب هيح شي تافه !
جنت بالأول ابتدائي وما اتذكر حيل بس جان أكثر من مرة يسوي هل شي وانا جنت طفلة وما افهم الصح من الغلط جان يقشمرني من اتذكر حيل تتعب نفسيتي واقرف من كلشي
وبداية الثالث ابتدائي امي وابوية تطلقوا فجاءة
بس انا ضليت ويا امي حيلل متعلقة رحنا سكنا ببغداد وهناك تعلمت احجي بغدادي صارت لهجتي بغدادي وانباري مرت ٣ سنين جنت حيل ضايعة وما عندي احد ينصحني ويعلمني
_____________
[ نصيحة مو الكل عنده احد ينصحه ويوجهه ع الطريق الصحيح انتو وجهو نفسكم دائما كونو أقوياء وتعملو وانتو ثقفو فكركم بنفسكم لا تنتضرون احد من الكتب من الأفلام إلى بيها رسالة وتابعو الناس الصح واكو هواية أشياء تخليكم ما توكعون بالخطأ لانو محد راح يتأذى كدكم ] ___________
و بعدها ابوية طلب يرجع امي لأن اني جنت رافضة اترك امي واروح يمه ف اني قبلت علمو ترجع يمة اخواتي .....
بس ابن مرت ابوية ابدا ما يحترم بابا واغلب مشاكلنا بسببه
مرت السنين واني بدراستي وصرت متوسطة وحياتي ابدا مو خالية من المشاكل واكثرها بين اهلي الي صارت من الروتين بس ما اهتم واكول اكيد راح ينصلحون بيوم وأكمل حياتي لأن ما اكدر اسوي شي
انا وعيت حيل قبل عمري وتفكيري مو ع عمري الي بعمري همهم دراسة لعب طلعة بس اني لا حياتي ابد مو هيج أضل افكر بحياتي وعندي فضول حول المستقبل اكيد ربي راح يجبرني بحياتي؟
دائما انا احب احد يهتم بية احياناََ اهلي ما يهتمو من يشوف حزن او حيرة بعيوني ولا يسئلون بس مع ذالك احبهم ويضلون اهلي
ودائما اكول راح انسى طفولتي وكلشي صار وابني شي جديد بدون أخطاء واحاول أبين للناس اني قوية رغم صغر عمري وهذا الشي يتعب صراحة لأن الكل عبالهم ما عندك احساس، من تضحك ما عندك هم، من تدافع عن نفسك وحاقة! و و و بس ما اخلي هل كلام ببالي واثق بربي والي كاتبه.......
فاصبرو فإن الله مع الصابرين.....
________________
اني اسمي اسر عمري 23 من الانبار اشتغل ممرض بمستشفى شكلي عندي لحية خفيفة وشعري مو حيل عالي عيوني جوزي وشكلي عادي طولي 176 وحياتي عادية ما عندي شي اكوله عايش ويا امي وابوية عندي اخت اكبر مني بسنة متزوجة والتؤام مالتي اسمه (عمر) متزوج جديد و وراية احسان وايات واخر العنكود وسام عمره سنة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
صورة مقاربة لشكل اسر بس اسر عيونه حادة
وهذا كلشي لهذا البارت حاولت اعرف لابطال الكم بطريقة حلوة ومختصرة حتى ما تملون من هسه والأحداث من البارت الجاي تبدي انتضروني ما راح أطول عليكم 🙈🔥
